Josua 1:5 - Iaai Bible 1901 (New Caledonia)

⁵ E ba at ame he ka khana ka tot hnyi hnyimâkâm hnyi je bong bongon ânyâm möt; oge me he ka tha inya mou helâji me hnok hna tha e me Mose: ame ca he ka hiö nya unyâm me hna degeci u.

Josua 1:5 Iomraidhean Croise

Genese 39:2

Ke tha Iehova me Josefa, ke e at ae sot; kʼ ame laba hnyi hnyaban at Aigupito a tuhan.

I. Je Than 1:37

Iehova a tha e möu than a tnkök, e na helâ minya ju ame he ka tha e me Solomona, me obeönua anyin theron hon theron anyin than Davita a tuhok.

I. Je Than 11:38

Ke u je ne he ka long hia hoton hnok hna hûna köu, me vheno dek je gethen, me ânyâ ûnyi ae wisa hnyi hnyimakök, me tuö anyik je hnanyibu, me hnok je hna hûna, helâji a ânyâ Davita athnyabaik; me oge me he bi nya ka tha inya möu, me bi uma ae tet hmâ me umâm, helâji me hnok hna ânyâ hobi kö Davita, me oge me he ka ham köu Isaraela bi.

I. Je Than 6:13

Ke oge me he ka laba unyin lakon Isaraela, ke oge me ca he ka hna degecâ lakeik a at Isaraela.

I. Je Than 8:57

E na tha Iehova ju Khonguta möta helâ me hnen hna tha e me lakamöta: e na ca he ju ka hia gata me hna degeci ota:

I. Man Ûlabainy Je Than. 28:20

Ke Davita ame ha kö Solomona a nokon, ka habe, Hwege thö, me hnyok baga but, me ânyâ thö; ca ot bi, ke ca öbubuny bi: anyin ame he Iehova Khong, a Khonguk, ka tha e möu; e ame ca he ka hia unyâm, me hna degeci u, ke ne o but adre umo ta je ûnyi hia hnân huliwainy uma umö Iehova.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Esodo 3:12

Ke ame ha, ka habe, Inya oge me he ka tha e möu; ke walang haten köu hnyi hnök hna kunö u, ka habe, U ka um dö hom tavat ûnyi hnyi Aigupito, öbun e he ka bi athnyabainy Khong hnyi hon bucen eang.

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Jeremia 1:8

Ca he bi ka ot gadra: anyin a tha inya möu be ka omeli u, haingö Iehova.

Daniela 11:16

Ke haba at ame he ka he ûcon, me ame he ka ânyâ hoton weny, ke ba at ame he ka ot hnyi hnyimakan: ke e ame he ka tot hnyi hnyei ae hmanenang, ke e bi hnyi hnyamen ûokonguny.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Roma 8:37

Ohe, e tuta balua hon ta je ûnyi hia eling ûnyi ge at ame betenge gata.

Deuteronomi 20:1

U KA he ka vat me je iwahnaihmiony mou, me wâ je hors, me je kariota, me tavat ae se hia hom, me u me ca he ka outʼ ödra: anyin a e unyâm Iehova Khongom, a at ame hum u ûheny hnyi hnyei Aigupito.

Deuteronomi 20:4

anyin a Iehova Khongubun ame tha he möbun he ka omeli öbun.

Deuteronomi 31:23

Ke e ame hûna kö Josua nöku Nuna, ka habe, Hwege thö ke hnyok baga thö; anyin a u me he ka hom lakon Isaraela ka hnyi hnyei oge khemanyin ködra: me oge me he ka tha inya möu.

Deuteronomi 4:31

anyin a haba Iehova Khongom me Khong ame betenge; e ame ca he ka hna degeci u, me ohiö u, me hnying anyin ûhihinyköu me lakâmâm, waleji e ame khemanyin ködrin,

Deuteronomi 7:24

Ke e ame he ka hna anyidra je than ka hnyi hnyamâm, ke u ma he ka ohia je iödrin eang hmeledrany: e ba at ae khana he ka tot hnyi hnyimâkâm, ke ne o but u je hia but ohiʼ ödra.

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Josua 1:17

Öhmun e he ka ling u helâ me hnöhmun hna ling Mose hnyi ta je ûnyi hia thithö: ke e na tha e ju mou Iehova Khongom, helâ me hnen hna tha e me Mose.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Josua 10:8

Ke haba Iehova ame ha kö Josua, ka habe, Ca ot gadra: anyin oge hia but hnʼ ödra ka hnyi li hnyamâm; ke ame ca he ke at gadra ka tot hnyi hnyimâkâm.

Josua 21:44

Ke Iehova ame omenʼ ödra igigilö, hoton hofuc hia e ame khemanyin ka lakamödra: ke ba ke iwahnaihmiony mödra ame tot hnyi hnyimakodra; ke Iehova ame hna ta je iwahnaihmiony mödra hia ka hnyi je hnyamödra.

Josua 3:7

Ke haba Iehova ame ha kö Josua, ka habe, Oge me he ka hwân hnyi bong ang ka oganö u hnyi hnyimakan at Isaraela hia thithö, me me khanʼ ödra a tha inya möu, helâji me tha inya me Mose.

Josua 6:27

Ke tha Iehova me Josua, me ame lung hnyi hnyei hia.

Owisa 2:18

Ke Iehova ame ham ködrin tavat owisa, me Iehova ame tha e me at owisa, me omeli ödrin ûnyi hnyi hnyamen je iwahnaihmiony mödrin hnyi ta je bong hia bongon at owisa: anyin a Iehova ame ietra can anyidrin mokhon ge tavat adre me sed ödrin me oveci odrin,

Owisa 6:16

Haba Iehova ame ha kâu ka habe, Oge me he ka tha e möu, ke u me he ka kot at Midiana helâ me at a khaca.

I. Samuela 10:7

Ke e ka āt do köu je haten eling, u me he ka ânyâ hnâm hna wâhmakhmeto; anyin a e unyâm Khong.