Josua 1:15 - Iaai Bible 1901 (New Caledonia)

¹⁵ ke ne o but a hia but Iehova omenâ je liamekeiny möbun, helâ möbun, me ödrin e hia but hom hnyei Iehova Khongubun ame ham ködrin; ke hnyi ûen e, öbun e he ka hmetu ka hnyi ibun, me labā e, wale Mose athnyabai Iehova ame ham köbun hoton Joridano, ricö hna o hnen seûno.

Josua 1:15 Iomraidhean Croise

I. Korinito 12:26

Ke a ne vec dö ke ong outhunyin, me ame he ka tha vec hia je ong outhunyin, ke adre ne otheibâ ke outhunyin, me ame he ka tha senyin hia je outhunyin.

I. Korinito 13:5

kʼ ame ca ânyâ hwakecin ae ca ûcû, kʼ ame ca hamen bi ka elâm anyin ta je ûnyi, kʼ ame ca ie hmonyin bi, kʼ ame ca ûnykûme bi hulo;

Galatia 5:13

Hnyat me lakeiny lö, adre hia but hawʼ öbun ka hnyi hna hna bâûâ; ke so bi ca he öbun ka wia hna hna bâûʼ öbun, me hnân hobi kâu unyin, ke ibiathnyabaköu ju hnyi ibetengiö.

Galatia 6:2

Ûkhûkhûö th ö honöbun je hok, me ohwâdâ helâe hnanyibu anyin Keriso.

Deuteronomi 3:18

Ke oge me hûna köbun hnyi ûen eling, ka habe, Haba Iehova Khongubun ame ham köbun hnyei eang he ka labā: ke öbun e be ka penapena ûnyi hnân vat me hanyâûâ hnyi hnyimakan je liamekeiny möbun a lakon Isaraela, tavat hia ae hwege.

Deuteronomi 3:20

ke ne o but Iehova ame he ka omenâ je liamekeiny möbun, helâ möbun, me bu gadra hnyei waleji Iehova Khongubun ame ham ködra hnyi ke keihen Joridano: me öbun e he ka ve hmetu ka hnyi je gabun wale oge ham köbun.

Deuteronomi 9:1

ISARAELA lö, löng ju: u me he ka he hanyâûâ Joridano hnyi bong ang, he ka he me hûgûnâ je hnyei ae gan me hwege hom, je taun ae gan kʼ adre up haginy ke ne o but ka hnyi drany,

Filipi 2:4

ca he ka ve wâ anyibun ta je ûnyi, ke so he ka ve wâ minya bi ta je ûnyi anyin keihen.

Josua 1:1

HWABAN mok a Mose athnyabai Iehova, me haba Iehova ame ha ko Josua nöku Nuna, athnyabai Mose, ka habe,

Josua 1:14

Ame he je laöiöbun, me je lakubun ae ûhnyûkong, me halebun je meno, ka laba biju hnyi hnyei Mose ame ham köbun hoton Joridano; ke so bi, öban e ne ka he me ta je ûnyi hnân vat hnyi hnyimakan je liamekeiny möbun, je hnyat hia ae hwege he ka vat, me hadruʼ ödrin,

Josua 1:16

Ke ödrin e thu kö Josua, ka habe, ohmun e ha ka tha ânyâ hia hnâm hna hûna kohmun, me he ka hnyi dok u me kunʼ ohmun kâu.

Josua 22:1

ME haba Josua ame hâwâ at Reubena, me Gada, me hafiny tribu Manase,