Jeremia 8:3 - Iaai Bible 1901 (New Caledonia)

³ Ke adre me he ka bemok hon bemöt hnen ta je kolon hia anyin lap ang ae kong, waleji adre me tiga laba bi ju hnyi ta je dok oge obʼ ödra ka hnyin, haingö Iehova tuhan sabaoth.

Jeremia 8:3 Iomraidhean Croise

I. Je Than 19:4

Ke e ame he ka hnyi hnyebuba, a khaca bongon ka he; ke e ame o but me laba ju hmelen ûö ratami: ke e ame sumâtâ me me he ka mokcu; haingen, ka habe, Soju; walang ang, Iehova lö, hom dö anyik möt; anyin a iny ca so hon lakamök.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 23:8

ke so bi, Kia inya Iehova at ame su je mâtrâniny lap anyû Isaraela ûnyi hnyi hnyei hnyi hwadro, me ûnyi hnyi je hnyei waleji oge obʼ dra ka hnyin: me adre me he ka labā idra bi.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 29:28

Anyin a hnyi ûnyi e e ame kunâ kohmun ka hnyi Babulona me ha, ka habe, E tiga bec hna bâ: bi umöbun dö uma me labā ju, me bi ibun dö, me an ju wan?

Jeremia 40:12

me ame hmetu at Juda hia ûnyi hnyi ta je dok waleji adre obʼ ödra ka hnyin, me o ka hnyi hnyei Juda, kö Gedalia hnyi Mizepa, me ûkhöûnâ waina, me je wan ae metu ae se hia hmonyin.

Jeremia 44:2

Walang hna ha hnö Iehova tuhan sabaoth, Khongu Isaraela, ka habe, öbun e wâ but ta je okongon hia waleji oge oâ ka Jerusalema, me je tauniny Juda hia; ke wâ bi, e hnyot ut hnyi bong ang, ke ba but at ame labā;

Jeremia 44:6

Anyin a wale oge me hingâlâ anyik wathethot me anyik hmonyin, ke ame ubâhlâ hnyi je tauniny Juda, me je gethen hnyi Jerusalema, ke ame ba wan gadra, ke hnyot dö helâ me hnyi bong ang.

Jeremia 6:9

Walang hna ha hnö Iehova tuhan sabaoth, ka habe, Adre me he ka hlo je kolon Isaraela helâ me hnyei vine: hmetu ju hnyamâm ka hnyi je tangen, helâ me at ame tau je wan vine.

Daniela 9:7

Than lö, e unyâm wisa, ke e unyihmun hmehma, helâ me hnyi bong ang; wale a at Juda, ke at Jerusalema, ke at Isaraela hia, a tavat hakekeny ke sâkâu, hnyi je hnyei hia waleji u je obʼ ödra ka hnyin, can hnödra hna hanyâûâ waleji adre hanyâûâ gam.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Amosa 3:1

JE lakon Isaraela lö, long ju hofuc ang wale a ha Iehova ûcûbun, ûcon lap hia oge hom ûheny hnyi hnyei Aigupito, ame ha, ka habe,

Jona 4:3

Anyin a wale, Iehova lö, ö u hom dö walang ang melik; anyin ae so oge me he ka mok, hon he ka mot.

Mika 2:3

Anyin a wale walang hna ha hnö Iehova, ka habe, Wâ bi, oge me ûnykûme ûnyi ae kong ka lap ang, mʼ öbun e ca he ka thang je nyibun ûnyi hnyin, ke öbun e ca he ka he kököm; anyin a ûen ang ae kong.

Deuteronomi 30:1

KE e ka o köu ta je ûnyi hia eling, wale hnahic me hnaûhangö oge hia but ip hnyi hnyimâkâm, ke u me he ka ûnykûme gan hnyi je hnyei hia wale Iehova ame obö u ka hnyin,

Deuteronomi 30:4

Eja ke ne adre ne obâ keihen ka hnyi obiny drany, me ame he Iehova Khongom ka ûkhacaköuö u ûheny, me hum u ûheny:

Hna Omanenâ 6:16

me adre me ha ka ta je bucen me je kic, ka habe, Öbun na kolu takû öhmun ju, me oiyongi öhmun dut ge hnyimakan at ame laba hon theron, me ûnyi minya ge tang hmonyin anyin Arenio:

Hna Omanenâ 9:6

Ke ame he tavat ka elâm mok hnyi ta je bong eling, ke adre me ca he ka wâ; ke adre me he ka bemok, ke ame he mok ka kec gadra.