Jeremia 7:2 - Iaai Bible 1901 (New Caledonia)

² Todrö hnyi hnyigöulen uma umö Iehova, ke haimemenâ thö eling hofuc ang me ha, ka habe, Long ju hofuc ho Iehova öbun hia thithö at Juda öbun e dit hnyi je homagöule ang he ka khudrung kö Iehova.

Jeremia 7:2 Iomraidhean Croise

I. Je Than 22:19

Ke Mikaia ame ha, ka habe, Anyin a wale long ju u hofuc ho Iehova: oge me ō Iehova ame tabâ anyin theron, kʼ ame ûtitilen unyin ta je dö hia hnyi drany hnyi ke keihen metâ me meny.

Salamo 122:2

Jerusalema lö, ame tot je li cahmun Hnyi ta je homagöulem;

Isaia 1:10

Öbun je taben hnyi Sodoma lö, long ju hofuc ho Iehova; at Gomora lö, tevehlong ju ka hnanyibu anyin Khonguta.

Jeremia 10:1

LAP anyi Isaraela lö, long ju hofuc ame ha Iehova köbun:

Jeremia 11:6

Haba Iehova ame ha könya, ka habe, Khetâ thö ta je hofuc hia thithö ang hnyi ta je tauniny Juda, me je gethen hnyi Jerusalema me ha, ka habe, Löng ju öbun je hofucin ûhihinyköu ang, me ânyâ.

Jeremia 19:14

Me ame o thö Jeremia ûheny Tofet, waleji hnyi hnö Iehova hna kunâ he ka perofeta; me e ame tot hnyi hnyeuleny uma umö Iehova, me ha ka tavat hia thithö, ka habe,

Jeremia 2:2

He thö, hongot dö hnyi je hnyikonyen Jerusalema, ka habe, Walang hna ha hnö Iehova, ka habe, Inya oge me ûnykûmi u wale ge hwakecâm ae menyik ku tiga hlu, me ânyâm betenge waleji hnyi hnâm hna ûköcö: waleji hnyi hnâm hna he hotuk hnyi hnyebuba, hnyi hnyei adre ca belökâ.

Jeremia 2:4

Lap anyi Jekob lö, long ju hofuc ho Iehova, me öbun je lap hia hnyi lap anyi Isaraela:

Jeremia 26:2

Walang hna ha hnö Iehova, ka habe, He thö ka tot hnyi hnyeuleny uma umö Iehova, me ha ka ta je tauniny Juda hia, tavat adre me o he ka hnyi khudrung hnyi uma umö Iehova, ta je hofuc hia thithö wale oge hûna he ka ha kodra; ca ikhâlâ bi ke hofuc.

Jeremia 28:5

Me haba Jeremia perofeta ame ha kö Hanania perofeta hnyi hnyimakan tavat bihut, me tavat hia adre me ûtitilen hnyi uma umö Iehova,

Jeremia 34:4

Ke so bi, Zedekia than Juda lö, löng ju hofuc ho Iehova: walang hna ha hnö Iehova gam, ka habe, U me ca he ka mok ge hele vat;

Jeremia 36:10

Me Baruka ame aû tusi wale ta je hofuc ho Jeremia hnyi uma umö Iehova hnyi hnyeule anyi Gemaria nöku Safana at sihnalimen, hnyi hnyeule ethö, hnyi hna dit hnyi homagouleny ae teb ûnyi uma umö Iehova ka hnyi hnyikonyen tavat hia.

Jeremia 36:6

anyin a wale, he thö ka aû tusi waleji u je set ûnyi hnyi hnyimök, ta je hofuc ho Iehova ka hnyi je hnyikonyen tavat hnyi uma umö Iehova hnyi bonginy ca han: ke u me he minya ka aû ka hnyi hnyikonyen at Juda hia tavat adre me o ûnyi hnyi anyidra je taun.

Jeremia 44:24

Ke haba Jeremia ame ha ka tavat hia me omomo hia, ka habe, Löng ju hofuc ho Iehova, öbun at Juda a öbun hnyi hnyei Aigupito.

Jeremia 7:1

WALANG hofuc ame o kö Jeremia ûnyi ga Iehova, ka habe,

Ezekiela 37:1

KE ame o but huk hnyamö Iehova, ke e ame hum nya hnyi hanu Iehova, me ip nya hnyi wanben hnyigöulen bucen; ke e unöngöt ge je jö;

Hosea 5:1

TAVAT bihut lö, long ju hofuc ang; lap anyi Isaraela lö, löng ju; lap anyin than lö, tevehlöng ju, anyin adre ha hwaban köbun; anyin a hnewe öbun ka Mizepa, me ert adre thong hon Tabora.

Amosa 7:16

Anyin a wale long ju walang ang hofuc ho Iehova, ka habe, Haingâm, ca perofeta bi ka at Isaraela, ke ca fuc bi ka lap anyi Isaaka;

Mika 1:2

Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Mika 3:1

KE haingök, ka habe, Öbun na long ju, je at hnathu anyi Jekob, me tavat owisa ka lap anyi Isaraela: hawa, ca hamöbun he ka khanʼ öbun hna owisa?

Mika 3:9

Ö öbun long ju ang, öbun je at hnathuiny lap anyi Jekob, ke tavat owisa ka lap anyi Isaraela, tavat hûkotiâ hna owisa, me ohwalö ta je ûnyi hia ae ûcû.

Mataio 13:9

Haba at ae hu hnyikonyen, long ju e.

Ioane 18:20

Haba Iesu ame thu kâu, ka habe, Oge hia but ha manenâ ka hmeledrany; oge me labö ûne hnyin je sunago, me hnyin uma kap, wale ame labö ûkhacaköu hnyin at Juda; ke ba hofuc oge me ha duöngâ.

Ta je huliwa 5:20

He thʼ öbun ka tot hnyi uma kap, me khetâ ka tavat ta je hofuciny Möt eling.

Ta je huliwa 5:42

Ke ödrin e ca menâ bi hnyi je bong hia be ka ûne, me kheti Iesu Keriso hnyi uma kap me ta je hnyaba.

Hna Omanenâ 2:11

Haba at ae hu hnyikonyen, long ju hna ha hnen Hanu ka ta je ekalesia. Haba at ae hwege, me ame ca he ka vec hnen mok a loiny.

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.

Hna Omanenâ 2:29

Haba at ae hu hnyikonyen, löng ju hna ha hnen Hanu ka ta je ekalesia.

Hna Omanenâ 2:7

Haba at ae hu hnyikonyen löng ju hna ha hnen Hanu ka ta je ekalesia. Haba at ame ton, me oge me he ka ham köu he ka han ûnyi hnyi ûöiny möt, walethö hnyi Paradaiso anyin Khong.

Hna Omanenâ 3:13

Haba at ae hu hnyikonyen, löng ju hna ha hnen Hanu ka ta je ekalesia.

Hna Omanenâ 3:22

Haba at ae hu hnyikonyen löng ju hna ha hnen Hanu ka ta je ekalesia.

Hna Omanenâ 3:6

Haba at ae hu hnyikonyen löng ju hna ha hnen Hanu ka ta je ekalesia.