Jeremia 47:4 - Iaai Bible 1901 (New Caledonia)

⁴ can bong ame o he ka söh at Filisiti hia, me subâ degecâ e hnyi Turo me Zidona ta je ûhadruo a laba biju: anyin ame he Iehova ka söh at Filisiti, ta je kolon bomene Kafetori.

Jeremia 47:4 Iomraidhean Croise

Genese 10:15

Ke Kanana ame hnöku Zidona a atö, me Heth;

I. Man Ûlabainy Je Than. 1:12

me Patherusi me Kaselui (ûnyi gan at Filisiti), me Kafetori.

Jobu 9:13

Khong ame ca he ka ohmeto anyin hmonyin; Ame he ta je hnyok bi gan hia ka khudrung kâu.

Salamo 37:13

Ame he Than ka hlumâ e: Anyin a e ame wâ ae hakekeny jut bongon bong.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 14:31

Homagöule lö, kuku tenge thö; taun lö, tenge thö: Filisiti hia lö, u je aû hia but; anyin ame o hai ûnyi hnyi hwadro, ke ba at ame he ka tot baû e ka o thö bonginy bong adre thu.

Isaia 20:6

Ke ame he tavat adre laba hnyi hobat köiö ka tha ha hnyi bong eling, ka habe, Wâ bi, wale hnöta hna geju kâu, mʼ ate me kec kâu me me hadruʼ öta mʼ ate me möt ûnyi ge than Asuria: ke haba öta ate ma hawa ka kec?

Isaia 31:8

Me ame he at Asuria ka ta ge hele vat, ca hele vat bi anyin at; ke ame he ka an e ge hele vat, a ca hele vat anyin at: ke e ame he ka kec ge hele vat, kʼ ame he wahidröu unyin ka bi fat.

Jeremia 46:10

Anyin a bong bongon Than Iehova tuhan sabaoth bong eling, a bong bi hwaban, he ka bi hwaban ka je iwahnaihmiony më: ke ame he hele vat ka an, me sekon, ke ijem drödra me me sekon: anyin ae hu hut ka Than Iehova tuhan sabaoth hnyi hnyei hnyi hwadro hnyi wagewe Euferate.

Ezekiela 21:25

Ke haba u, at adre me ti kot monoâ lö, a u at ae kong, tuhan Isaraela, kʼ ame o but bongom bong, hnyi ûen adre umö hwakecin ae kong;;

Ezekiela 21:29

Adre me wâ iyawoâ hobi köu, adre me bi khong thoi hobi köu, he ka ip u hon nyin tavat ae kong adre kot moko, wale a o but bongudra bong, hnyi ûen umö hwakecin ae kong.

Ezekiela 25:16

anyin a wale, walang hna ha hnen Than Iehova, ka habe, Wâ bi, oge me he ka hai hnyamok hon at Filisiti, ke oge me he ka subâ degecâ at Kerethi, me ohia je kolon hnyi hobatköiö.

Ezekiela 30:8

Ke adre me he ka wâ a inya Iehova, iny ka hia but hu meic hnyi Aigupito, me kot hia tavat ûhadruo.

Ezekiela 7:12

Ame o but ûen, e hakekeny jut bong: e so ame ca senyin at ame ûcû, ke hlöuhlöu at ame kap mone: anyin ae bi hmonyin hon tavat ae se hia.

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Amosa 9:7

Lakon Isaraela lö, hawa öbun ûcû me at Aithiop könya? haingo Iehova. Hawa, oge me ca su at Isaraela ûhedra hnyi hnyei Aigupito, ke at Filisti ûhedra hnyi Kafetori, ke at Suria ûhedra hnyi Kira?

Luka 21:22

Anyin a ûen bi hwaban eling, me me hwâdâ ta je ûnyi hia adre me sihnalimen.

Deuteronomi 2:23

ke haba at Avi tavat adre me laba hnyi je ong taun ke ne o but Gaza, a at Kafetori, a tavat adre o ûheny Kafetori, adre me ohiʼ ödra me laba hnyi hnödra.)

Josua 22:30

Ke long ut Fineasa at bihut, me je thaniny ûkhacaköu, wale je ban je thauzaniny at Isaraela unyin, ta je hofuc ame ha laku Reubena, me laku Gada, me laku Manase, me ame so ködrin.