Jeremia 3:3 - Iaai Bible 1901 (New Caledonia)

³ Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Jeremia 3:3 Iomraidhean Croise

Genese 19:34

Ke nyi, haingen atö ka wakeiat, ka habe, Wâ bi, et hnyinghet oge tha mokut me cica: ötu me he ka habelen hmetu aû ge waina hnyinghet; me u me he ka tha mokut më, me me hu mâtrânitu ûnyi ga cica.

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Ta je Vejec 21:29

Haba at ae monu, me ame öhûhnöhnökâ hnyimakan: Ke haba at ae fofâ, me ame penapena deny gethen.

Isaia 5:6

ke oge me he ka oûnyibauâ e; ke adre me ca he ka ânyâwia me jien; ke ame he ka kû hnyin e je iwadekong me watetaföcö: ke oge me he ka hûna ka je ûlâ me me ca he ka ta we kâu.

Jeremia 14:1

WALANG hofuc ho Iehova kö Jeremia ge ibainy we, ka habe,

Jeremia 14:22

Hawa, e hu at unyin ta je ûnyi baû anyin ta je wanaithila ae khana he ka bi we? hawa, e khana drany he ka ham we? hawa, ca u bi Iehova Khonguhmun? anyin a wale ohmun e he ka halubahingâm; anyin a u je op ta je ûnyi hia eling.

Jeremia 14:3

Ke haba je tuhödra, me adre me kunâ je lakudra ka hnyi ta je an: adre me o but ka hnyi ta je thop, kʼ adre me ca wâ bi köiö; adre me hmetu me belidra je kaia ae hme: adre me hmehma me hlohlo, me tube je bödra.

Jeremia 14:4

Adre me hmehma tavat trohnen, me tube je bödra, anyin a khekhe but kânâ, can ae ba we hnyi hnyei.

Jeremia 36:2

Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Jeremia 5:24

Ke adre me ca ha eû hnyi je hnyekudra, ka habe, Ate me he walang ang ka outö Iehova Khonguta, at ame ham we, wale a bân, me beliny hnyi ûen e; at ame tuö hobi köta je wikiny menu adre thu.

Jeremia 5:25

Hnen hwakecibun ae kong hna ohavâ bi ta je ûnyi eling ke hnen anyibun je hulo hna thelöng so.

Jeremia 5:3

Iehova lö, hawa, ame ca wâ ûnyi ae hnathu hnen li emâkâm? u je kuc ödra ke adre me ca vec bi; u je öaûʼ ödra, kʼ ödra höcö bi he ka kap hna nâ: adre hia but onâkâ je hnyimakodra hon veto; ödra höcö bi he ka hmetu.

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Jeremia 9:12

Ie at ae metâ me me wâ ûnykûme e? ke ie at ame ha kâu hnen hnyimö Iehova, me me haimemenâ e? anyin a ieû ame kong ut hnyei adre thong helâ me hnyebuba, me me ba at ama vheno?

Ezekiela 3:7

Ke so bi ame ca he lap anyi Isaraela he ka ling u; anyin adre me höcö ling nya: anyin a tavat hwege hnyimakan me khot hnyekudra hia lap anyi Isaraela.

Levitiko 26:19

Ke oge me he ka thu biganiny manibun man, ke oge me he ka wia anyibun drany me me helâ, me fao, me könöbun kânâ me me helâ me bras:

Amosa 4:7

Me oge hia but behânâ we köbun, ke adre me he bi ka menu hwaban kun ta tehi: ke oge me ota we hnyi ke taun, kʼ oge me ca ota hnyi ke taun: kʼ ame ta we ka hnyi hon ke ong dok, ke haba dok ame ca ta we ka hnyin me ame melecâ thö.

Amosa 4:8

Waleling me me he lo li taun ame ne kun ka hnyi taun a khaca he ka ic köiö, kʼ adre me beic bala bi: ke so bi öbun e ca hmetu könya haingo Iehova,

Zefania 2:1

HNYEI ame ca hmehma lö, ûkhacaköu thʼ öbun, eke, ûkhacaköu thö;

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Hagai 1:11

Ke oge me oi seûno ka hnyi kânâ, me ka je bucen, me ka hnyi hwit, me ka hnyi waina, me ka hnyi wakaco, me ka hnyi jeûiny kânâ, me ka at, me ka meno, me ka hnyi ta je huliwa hia hnen hnyam.

Deuteronomi 28:23

Ke haba drany ethö hon bâm, me, ame he ka helâ me bras, kʼ ame he ka helâ me fao bi kânâ eû hmelâm.

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany: