Jeremia 26:2 - Iaai Bible 1901 (New Caledonia)

² Walang hna ha hnö Iehova, ka habe, He thö ka tot hnyi hnyeuleny uma umö Iehova, me ha ka ta je tauniny Juda hia, tavat adre me o he ka hnyi khudrung hnyi uma umö Iehova, ta je hofuc hia thithö wale oge hûna he ka ha kodra; ca ikhâlâ bi ke hofuc.

Jeremia 26:2 Iomraidhean Croise

Jeremia 1:17

Anyin a wale, u me ke ka hûkâlâ wen hnyekom, ke todrö, me ha kodra ta je ûnyi hia thithö oge me hûna köu: ca hlohlo gadra, wâ oge nye he ka ohlohloi u hnyi hnyimakodra.

Jeremia 1:7

Haba Iehova ame ha könya, ka habe, Ca ha bi, ka habe, Iny wanakat: anyin a u me he ka he kodra hia thithö, wale oge me kunö u ka hnyin, ke u me he ka ha ta je hofuc hia thithö oge me he ka hûna köu.

Jeremia 19:14

Me ame o thö Jeremia ûheny Tofet, waleji hnyi hnö Iehova hna kunâ he ka perofeta; me e ame tot hnyi hnyeuleny uma umö Iehova, me ha ka tavat hia thithö, ka habe,

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Jeremia 25:2

waleji hofuc a ha Jeremia perofeta ka tavat hia hnyi Juda, me tavat hia adre me laba hnyi Jerusalema, ka habe,

Jeremia 28:5

Me haba Jeremia perofeta ame ha kö Hanania perofeta hnyi hnyimakan tavat bihut, me tavat hia adre me ûtitilen hnyi uma umö Iehova,

Jeremia 36:10

Me Baruka ame aû tusi wale ta je hofuc ho Jeremia hnyi uma umö Iehova hnyi hnyeule anyi Gemaria nöku Safana at sihnalimen, hnyi hnyeule ethö, hnyi hna dit hnyi homagouleny ae teb ûnyi uma umö Iehova ka hnyi hnyikonyen tavat hia.

Jeremia 42:4

Ke Jeremia perofeta ame ha ködra, ka habe, Oge hia but ling öbun; wâ bi, oge me he ka hic kö Iehova Khongubun, hoton hnobun hna ha; ke haba ta je ûnyi hia ame he Iehova ka thu köbun, oge me he ka omanenâ köbun; oge me ca he ka ikhâlâ gabun ke ûnyi.

Jeremia 7:2

Todrö hnyi hnyigöulen uma umö Iehova, ke haimemenâ thö eling hofuc ang me ha, ka habe, Long ju hofuc ho Iehova öbun hia thithö at Juda öbun e dit hnyi je homagöule ang he ka khudrung kö Iehova.

Jeremia 7:27

Ke u me he ka ha hia ta je hofuc ang kodra: ke adre me ca he ka ling u: u me he ka hawʼ ödra ke adre me ca he ka ieû köu.

Ezekiela 3:10

Ke e ame ha könya, ka habe, Nokon at lö, haba hok ta je hofuc hia oge me he ka ha köu, ip ju eû hnyi hnyekom, me long ju ge li hnyikönyâm.

Ezekiela 33:7

Ke haba u nokon at, oge hia but otilö u hnân at hmâkâ lap anyi Isaraela; anyin a wale u me he ka long hofuc ûnyi hnyi hnyimök, me koû kodra bi ûnyi gak.

Ezekiela 40:4

Ke ame ha könya at, ka habe, Nokon at lö, wâ thö ge li emâkâm, ke long dö ge li hnyikönyâm, ke wâhmakhmetoâ thö ta je ûnyi hia wale oge me he ka omanenâ köu; anyin adre hum u kââng mʼ oge me he ka omanenâ köu ta je ûnyi e: omanenâ thö ka lap anyi Isaraela ta je ûnyi hia thithö u me he ka wâ.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Luka 19:47

E ame ûne hnyi je bong hnyi uma kap. Me adre me elâm he ka hlingâ e hnen je taben tavat bihut, me tavat sihnalimen, me je athnathuiny hnyei:

Ioane 18:20

Haba Iesu ame thu kâu, ka habe, Oge hia but ha manenâ ka hmeledrany; oge me labö ûne hnyin je sunago, me hnyin uma kap, wale ame labö ûkhacaköu hnyin at Juda; ke ba hofuc oge me ha duöngâ.

Ioane 8:2

Ke hnyi hnyomakatu kong e ame o hmetu ka hnyi uma kap, me ame he but kâu tavat hia; ke e ame laba ju me nʼ ödra.

Ta je huliwa 20:20

ke oge me ca ikhâlâ ke ûnyi ae ûnyi hnathu, ke oge me omanenâ köbun, me nʼ öbun hnyi hnyimakan tavat, me hnyi ke uma me ke uma,

Ta je huliwa 20:27

Anyin oge me ca höcö omanenâ köbun ûnykûmânen hia Khong.

Ta je huliwa 5:25

Me ame o but ke at he ka thumetu ödrin, ka habe, Wâ bi, haba hnyat öbun e ip ödrin hnyin uma ceat, me ödrin e tot hnyin uma kap me nâ tavat.

Ta je huliwa 5:42

Ke ödrin e ca menâ bi hnyi je bong hia be ka ûne, me kheti Iesu Keriso hnyi uma kap me ta je hnyaba.

Deuteronomi 12:32

Haba ta je ûnyi hia oge me hûna köbun, me öbun e he ka tuö me ânyâ: u me ca he ka bi hanen ka hnyin, me ohia hanen.

Deuteronomi 12:5

Ke haba dok ame he Iehova Khongubun ka ûca ûnyi hnyi anyibun je tribu hia me me ip eling ien bi, awe öbun e he ka elâm e wale hnyaban me he kâ e:

Deuteronomi 4:2

Ca he öbun ka bi hanen ka hnyi hofuc oge me hûna köbun, ke ca ohia ke hanen, mʼ öbun e he ka löng hoton je hna hûna hnö Iehova Khongubun wale oge me hûna köbun.

Josua 8:35

E ba ke ong hofuc a hûna Mose a ga ca aû bi Josua hnyi hnyimakan ûkhacaköu anyin at Isaraela hia thithö, a tha ödra me omomo, me tavat ae ûhnyûkong, me je atkanyua hnyat adre imetenyimwi mödra.

Hna Omanenâ 22:19

ke a ne ke at ame ohia ke ong hofuc adre perofeta hnyi tusi ang, me ame he Khong ka ohia jekhon hnyi ûöiny möt, me ûnyi hnyi taun ae kap, wale adre me sihnalimen hnyi tusi ang.