Jeremia 21:2 - Iaai Bible 1901 (New Caledonia)

² Ö u hnei Iehova thö gatin; anyin a Nebukaneza than Babulona ame vat mötin: ame ne he Iehova ka ânyâ hobi kötin hoton anyin ta je huliwa hia hnân lâiâ, me me he ka he but gatin.

Jeremia 21:2 Iomraidhean Croise

Genese 10:10

Ke haba hwâniny dokhon dökhu, me, Babela, me Ereka, me Akada, me Kalene, hnyi hnyei Sinara.

II. Je Than 1:3

Ke haba angela anyi Iehova ame ha kö Elia at Tisebi, ka habe, he thö ka ûkhanö me je ûthumetu anyin than Samaria me ha ködrin, ka habe, Hawa, anyin ae ba Khong hnyi Isaraela me öbun e he ka hnei Bele-sebuba khongon Ekerona?

II. Je Than 17:24

Ke haba than Asuria ame hom tavat ûheny Babulona, me Kutha, me Ava, me ûheny Hamath me Sefaravaima, me ip ödrin hnyi je tauniny Samaria hwaban lakon Isaraela: me ödrin e labâ Samaria, me laba hnyi je tauniny.

II. Man Ûlabainy Je Than. 32:21

Ke haba Iehova ame kunâ angela, he ka subâ degecâ tavat ae hwege, me je homakan, me je taben, hnyi hna hunuma anyin than Asuria. Me e ame hmehma me hmetu ka hnyi iny hnyei. Ke e ame o but ka hnyin uma umen khongon, me haba li hing lakon ödru me hlingâ e ge hele vat.

Esodo 9:28

Khöû thö kö Iehova; ö e so ju hendring angʼme we ae wahma; kʼ oge me he ka hnʼ öbun, ke öbun e ca he hmetu ka laba.

Isaia 48:2

Anyin a adre me ka hawʼ ödra a hanen taun ae kap, ke adre me ka laba kece ka Khongu Isaraela; Iehova tuhan sabaoth ien.

Jeremia 15:11

Haingö Iehova, ka habe, E hnathu, oge me he ka sihwegiö u hnyi so; e hnathu, oge me he ka kunâ iwahnaihmiony he ka khöû köu hnyi ûen ae kong me ûen ae vec.

Jeremia 21:3

Me haba Jeremia ame ha ködru, ka habe, Walang hofuc öbu me he ka ha kö Zedekia, ka habe,

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Jeremia 32:24

wâ bi je kânâ adre hlu goranyai, adre me o but hnyi taun he ka hûgûnâ e; ke adre me hna taun ka at Kaledaia, tavat adre me vat më, can hele vat, me hmiâ, me mok ae cap: ke ame hwâdâ thö hnâm hna ha; ke, wâ bi, u je wâ.

Jeremia 34:1

WALANG hofuc ame o kö Jeremia ûnyi ga Iehova, waleji hnyi hnö Nebukaneza than Babulona, me anyin utbavat hia, me je dokhu hia e ame muso eang hmelen, me je tavat hia adre me vat me Jerusalema, me je tauniny hia, ame ha, ka habe,

Jeremia 37:17

me haba Zedekia than ame ûkhûnöng he ka hawâ e: ke than ame hnö duöngâ e hnyi umen uma me ha, ka habe, Hawa, e hu hofuc ûnyi ga Iehova? Ke haingö Jeremia ame ha, ka habe, E hu, Ke e ame ha minya, ka habe, Adre me he ka hnö u ka hnyi hnyamen than Babulona.

Jeremia 37:3

Haba Zedekia than ame kunö Jukala nöku Selemia, me Zefania, nöku Maseia at bihut, kö Jeremia perofeta me ha, ka habe, Ö u hic dö hobi kohmun kö Iehova Khonguta.

Jeremia 37:7

Walang hna ha hnö Iehova, Khongu Isaraela, ka habe, Ha thʼ öbu ka than Juda, at a kunʼ öbu könya ka hnei nya, ka habe, Wâ bi, haba utbavat anyi Farao tavat adre me o he ka hadruʼ öbun, adre me he ka hmetu Aigupito ai ka hnyi idra.

Ezekiela 7:26

Ame he ka o but ke ûokonguny me ke ûokonguny, ke ame he ka hu ke ûthumetu me ke ûthmetu; ke adre me he ka elâm hna omanenâ unyin perofeta; ke ame he ka hia hnanyibu unyin at bihut, me wâ bongon unyin wahingat.

Owisa 20:27

Ke haba lakon Isaraela ödrin e elâm unyi Iehova (anyin a eling tangen ûhihinyköu anyin Khong hnyi je bong eling,

I. Samuela 10:22

Anyin a wale adre me elâm hmetu unyi Iehova, hawa, e tiga hu ke at biju ame he ka he jem? Me Iehova ame thu, ka habe, Wâ bi, e ame lubaduöng hnyi je thatûnyi.

I. Samuela 28:15

Haba Samuela ame ha kö Saulo, ka habe, Anyin a ieû u je bwebweli nya, he ka oi nya? Haingö Saulo, ka habe, Iny hlohlo gan hmâ; anyin ame he at Filisiti ka vat mönya, ke hia but Khong unyik ke ame ca thu hmetu bi könya, a ca deny je perofeta, ke ca deny je bwi: wale me inye hawo u thö, me u me omanenâ könya ûnyi oge me he ka ânyâ.

I. Samuela 28:6

Ke Saulo ame hnö ga Iehova, ke Iehova ame ca thu kâu, ca deny je bwi, ke ca deny Urim, ke ca deny je perofeta.