Jeremia 2:3 - Iaai Bible 1901 (New Caledonia)

³ E kap Isaraela kö Iehova, wan a bân hnyi troban hnyei: adre me ha hnaûhangöâ tavat adre me utâ e; ame he ka o ûnyi ae kong kodra, haingö Iehova.

Jeremia 2:3 Iomraidhean Croise

Esodo 22:29

U ca he ka becâ ham wan em hnyei, me dân wan halem je ûö. Ke u me be ka ham könya watö a lakom baga.

Esodo 23:16

me bijeuâ hna meno, ta je wan a bân hnyi ânyâm huliwa, wale u je ta hnyi hnyei: me bijeû adre meno hnyi obiny huna, ûen u je um dö meno hnâm hna huliwan hnyi hnyei.

Isaia 41:11

Wâ bi, adre me i he ka hmehma me hlohlo ödra hia thithö adre me hmönyidra köu: ke haba tavat adre me ivino möu me adre me he ka helâ me ba kʼ adre me he ka hia but.

Isaia 47:6

Oge me hmönyik ka lakeik, oge me okongoâ ik hnyei me hnʼ ödra ka hnyi hnyamâm: e ba hmonyin betenge u je ânyâ kodra; u je ti ohmâkâ ânyâm hna ûhûkâlâköuâ hon wahingat.

Jeremia 12:14

Walang hna ha hnö Iehova ge tavat hia ae kong adre me laba hakekenyi nya, tavat adre me kâlâ hnyei waleji oge ham ka lakeik a Isaraela, haingen, ka habe, Wâ bi, oge me he ka uk ödra ûnyi hnyi idra hnyei, me oc lap anyi Juda ûnyi hnyi wanbödra.

Jeremia 2:4

Lap anyi Jekob lö, long ju hofuc ho Iehova, me öbun je lap hia hnyi lap anyi Isaraela:

Jeremia 30:16

Anyin a wale, adre me he ka ohiʼ ödra tavat adre me ohiö u; ke adre me he ka hwenbâ ta je iwahnaihmiony mou; ke adre me he ka söh tavat adre me sei u, ke oge me he ka hna he ka hûgûnâ hia ta je ûnyi anyin tavat adre me hûgûnâ ânyâm ta je ûnyi.

Jeremia 50:7

Ame hia but ön ödra hnen tavat hia adre me ö ʼdra: ke haingen je iwahnaihmiony mödra, ka habe, Ohmun ca kong anyin adre hia but ânyâ hulo kö Iehova, a hnyaban wisa, wale Iehova hna gejon hnen lakamödra.

Joela 1:3

Thumeto thö lakubun ge ûnyi eling, ke ame he lakubun ka thumeto lakudra bi, ke hamen lakudra ka thumeto dö a biliny.

Amosa 6:1

EKÖLÖ ge tavat adre me laba wia hnyi Ziona, me tavat adre me laba khotkic hnyi je buceniny Samaria, je at hnathu hnyi je hnyei ae beonuâ, wale ame he ködrin lap anyi Isaraela!

Habakuka 1:11

Me e ame he ka o helâ me ang me hanyâûâ, me me hu hulö kâu: wale at a haba tang hwegien me ûnyi ge khongon.

Zakaria 1:15

Ke e gan hmâ anyik hmonyin ka tavat adre me laba hnahic: anyin ae ûhnyûkong anyik hmonyin, ke haba ödrin bi, me adre me ogânâ hna ovecâ.

Zakaria 2:8

Anyin a walang hna ha hnö Iehova tuhan sabaoth, ka habe, E ame hia but kunö nya ka hnyi je hnyei iny tavat adre me sei öbun he ka hom hmanenang: anyin a haba at ame kalʼ öbun, me ame ka kâlâ wan emakan bi.

Numera 18:12

Haba soiny wakaco hia, me soiny waina hia me hwit, a je wan a bân adre me ham kö Iehova, haba ta je ûnyi e oge me ham köu.

Roma 11:16

Anyin a ne kap wan a bân, ame he ka helâe hia: ke a ne kap iwân ame he ka helâe minya je anginy.

Roma 16:5

anyik talofa minya ka ekalesia hnyi umödru uma. Anyik talofa kö Epaineto a oûnykûmik, waleji wan a bân ka Keriso hnyi Asia.

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Deuteronomi 26:19

kʼ ame he ka obeönuai u hon je hnyei hia e ame op, hnân haisoâ, me hnân ien bi, me hnân ogânâ; mʼ u me he ka hnyei ae kap hobi kö Iehova Khongom hoton hofuc waleji e ame ha.

Deuteronomi 7:6

Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Hna Omanenâ 14:4

Ödrin je hnyat a ca hamödrin okongu ödrin unyin omomo; anyin a ödrin so. Ödrin je hnyat adre me hnu hoton Arenio ka hnyi je dok ame he hnyin. Ödrin je hnyat adre ûco unyin tavat, me hnân wan a bân hobi kâu Khong me Arenio.