Jeremia 2:2 - Iaai Bible 1901 (New Caledonia)

² He thö, hongot dö hnyi je hnyikonyen Jerusalema, ka habe, Walang hna ha hnö Iehova, ka habe, Inya oge me ûnykûmi u wale ge hwakecâm ae menyik ku tiga hlu, me ânyâm betenge waleji hnyi hnâm hna ûköcö: waleji hnyi hnâm hna he hotuk hnyi hnyebuba, hnyi hnyei adre ca belökâ.

Jeremia 2:2 Iomraidhean Croise

Salamo 129:1

E SO ame he Isaraela ka ha, ka habe, Adre hia but osehia oveci nya, hwân kʼ iny tiga hidröu;

Esodo 14:31

Ke a wâ but at Isaraela huliwa ae gan ame ânyâ Iehova hon at Aigupito, me me outö Iehova tavat: ke adre me labageju kö Iehova me Mose a athnyabainy.

Esodo 16:8

Ke haingö Mose, ka habe, Eâu sahac ame he Iehova ka ha öbun ge meno, me jeû hnyi hnyomakatu me me sekubun; anyin a löng ut Iehova hnöbun hna etra: ke ie li at ohmu? kʼ öbun e ca etrʼ ohmu, ke Iehova bi.

Ta je Vejec 1:20

Metâ ame kuku eû hnyi gethen, E ame hongot ge hwan hnyi je hnaudrâ;

Khumöng Hwanyi Solomona. 3:11

Wahluiny Ziona lo, he thʼ öbun ka û Solomona than, A bicâ korona wale hnen hinyen hna okorona e hnyi bonginy ûköcö, Ke hnyi bong e ame senyin huyi hnyekon.

Khumöng Hwanyi Solomona. 3:6

Ie at ang ame o ûnyi hnyi hnyebuba helâ me hai ame sâ goranyai, Adre me obosoâ ge muro me libano, Me je ûnyi adre me oamamâ anyin at ûcû omjeû?

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Jeremia 11:6

Haba Iehova ame ha könya, ka habe, Khetâ thö ta je hofuc hia thithö ang hnyi ta je tauniny Juda, me je gethen hnyi Jerusalema me ha, ka habe, Löng ju öbun je hofucin ûhihinyköu ang, me ânyâ.

Jeremia 19:2

ke he thö ka hnyi hnyigöulen bucen anyin nöku Hinom, ae hnyi homagouleny Harsith, ke khetâ thö eling ta je hofuc oge me he ka ha köu:

Jeremia 2:1

KE ame o but könya hofuc ho Iehova, ame ha, ka habe,

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Jeremia 3:4

Hawa, u me ca he ka hao nya hwân walang ang, Cica, u at ame su nya kʼ iny tiga ûhnyûkong?

Jeremia 7:2

Todrö hnyi hnyigöulen uma umö Iehova, ke haimemenâ thö eling hofuc ang me ha, ka habe, Long ju hofuc ho Iehova öbun hia thithö at Juda öbun e dit hnyi je homagöule ang he ka khudrung kö Iehova.

Ezekiela 16:22

Ke haba hnyi hwakecâm ae ikiki me ânyâm je bi ûnyi monu hia, me u je ca ûnykûme je bonginy hlu a u, hnyi ûen ae ba ûkhaû, ke u me mokut thu, me seset hnyi drâm.

Ezekiela 16:60

Ke so bi oge me he ka ûnykûme waleji ge hnok hna ûhihinyköu möu hnyi ûen a u hlu, ke oge me he ka ohmâ hobi köu ûhihinyköu a nyiele balua.

Ezekiela 16:8

ke hnyi ûen oge me he unyâm me ō u, me wâ bi, ûen betenge ânyâm bong, ke oge me lau hom obiny anyik ûkhaû, me khaûö u at ame mokut thu: eke, oge me khemanyin köu, me ûhihinyköu möu, haingen Than Iehova, ke u anyik bi.

Ezekiela 23:19

Ke e ame osehia hnen hna bi ûnyi monu, ame ûnykûme je bonginy anyin hlu, waleji e ame bi ûnyi monu hnyi hnyei Aigupito.

Ezekiela 23:3

ke ödru me bi ûnyi monu hnyi Aigupito; ödre bi ûnyi monu kʼ ödru tiga li hlu: kʼ adre hlec eling li basidru, kʼ adre ken eling li baisdru kʼ ödru tiga li hlu.

Ezekiela 23:8

Ke haba khaca, e ame ca degec anyin bi ûnyi monu ûheny Aigupito; anyin adre me tha mokut mē ke tiga hlu, kʼ adre me ken li basin ke tiga hlu: kʼ adre me hingâlâ anyidra je bi ûnyi monu ka hnyi hon.

Hosea 11:1

HNYI ûen ae tiga wanakat Isaraela, oge me betenge gan, me hawâ nokuk ûheny Aigupito.

Hosea 2:15

Ke oge me he ka ham kâu iny je hnyei vine ûheny e, me hnyigöulen bucen Akora hnân gethen deny gejon: ke e ame he ka thu hmetu eling helâ me ehac ke tiga hlu, ke helâji me ehac hnyi ûheny hnyi hnyei Aigupito.

Hosea 2:17

Ke oge me he ka hom but ien je Baala ûnyi hnyi hnyimen, ke adre me ca he hmetu ka ûnykûmi ödrin hoton je iödrin.

Hosea 2:7

Ke e ame he ka hnu hoton laweny, ke e ame ca he ka khaletʼ ödrin; ke e ame he ka elom ödrin, ke ame ca he bi ka wâ: me e ame he ka ha, ka habe, Oge me he ka hmetu ka öiök a bân; anyin ae so könya ehac, ke kong walang ang.

Hosea 8:1

IP ju trutru hnyi hnyimâm. E ame he ûcon lap anyi Iehova helâ me aeto: anyin adre hia but hanyâûâ anyik ûhihiny-köu, me khikhin ge anyik hnanyibu.

Hosea 9:10

Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

Jona 1:2

Todrö he thö Nineve ai, wale taun ae gan, me fuc hwege ûcon; anyin a o but hnyi hnyimakök anyidra monu.

Mataio 11:15

Haba at ae hu hnyikonyen ka long, long ju e.

Luka 12:13

Ke ame ha kâu hnen ke at hnyi tavat ae se hia, ka habe, At Ûne lö, ha thö ka liamekeiny mönya he ka tha khenâ mönya jekhöûhmu.

Deuteronomi 2:7

Anyin a Iehova Khongom ame hia but ohnahici u hnyi ta je huliwa hia anyin li hnyamâm: e ame wâhmakhmeto hnâm hna vheno hnyebuba eang ae gan: kʼ ame tha e mou Iehova Khongom hnyi ta je huna a fâte; ke ba ke ûnyi a hia gam.

Deuteronomi 33:3

Eke, e ame betenge ge je tribu; E hnyi hnyamâm laten ae kap hia. Ke adre me laba ju hmelen li cam; Adre me he ka ve kap hwâm je hofuc.

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

Hna Omanenâ 2:4

Ke so bi e hu gak ûnyi ang gam, a u me hna degecâ wem a bân.