Jeremia 1:2 - Iaai Bible 1901 (New Caledonia)

² waleji ame o hofuc ho Iehova kâu hnyi bong bongu Josea, nöku Amona than Juda, hnyi huna a thötininy anyin musi.

Jeremia 1:2 Iomraidhean Croise

I. Je Than 13:2

Ke e ame hongot ka hnyi taben hut ge hofuc ho Iehova, me ha, ka habe, Taben hut, taben hut lö, walang hna ha hnö Iehova, Wâ bi, adre me he ka hnokoâ wanakat ka hnyi lap anyi Davita, Josea ien; ke e ame he ka hudo hom je hnyat bihut hnyi je dok ae görany, tavat ödrin e leû uto ae bo so hom, ke ödrin e he ka le hom je jeien at.

I. Je Than 13:20

Ke ödru me tiga laba hnyi laulau, me ame o hofuc ho Iehova ka perofeta, at ame ohmeto e:

II. Je Than 21:18

Ke ame mokut ut Manase tha e me lakamen, me adre me konâm e hnyi utkânâ hnyi umen uma, wale utkânâ anyi Uza: ke ame than biju Amona a nokon hwaban.

II. Je Than 21:24

Ke haba aten hnyei ödrin e hlingâ hia tavat adre sihnö Amona than; ke haba tavat aten hnyei ödrin e otilö Josea a nokon ka than hwaban.

II. Je Than 22:3

Ke haba hnyi huna a eitini Josea than, me haba than ame kunö Basana nöku Azalia nöku Mesulama, at sihnalimen, ka hnyi uma umo Iehova, me ha, ka habe,

Jeremia 1:11

Ke ame o minya but könya hofuc ho Iehova ame ha, ka habe, Jeremia lö, ieû u me wâ? Me haingök, ka habe, Inya oge me wâ ong utö saked.

Jeremia 1:4

Ke ame o but könya hofuc ho Iehova, ame ha, ka habe,

Jeremia 25:3

Hwân hnyi huna a thötini Josea nöku Amona than Juda, ke ne o but hnyi bong ang, wale hnyi huna a twente theri, ame o but könya hofuc ho Iehova, me oge hia but ha köbun, me labö vesâ kong me ha, ke öbun e ca löng bi öbun.

Jeremia 28:12

Me ame o but hofuc ho Iehova kö Jeremia, hwaban hnö Hanania perofeta hna thamuâ hna ûhûkâlâköuâ ûnyi hnyi hon nyi Jeremia perofeta, me ha, ka habe,

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Jeremia 36:2

Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Hosea 1:1

WALANG hofuc ho Iehova, waleji ame o ko Hosea, nöku Beeri, hnyi je bong bongu Uzia, me Jotham, me Ahaza, me Hezekia, je than Juda, ke hnyi ûö Jeroboama nöku Joasa, than Isaraela.

Joela 1:1

WALANG hofuc ho Iehova waleji ame a kö Joela nöku Pethuela.

Jona 1:1

AME o but hofuc ho Iehova kö Jona nöku Amitai ame ha, ka habe,

Mika 1:1

WALANG hofuc ame o ko Mika at Moresa hnyi ûö Jotham, me Ahaza, me Hezekia, a je than Juda, wale e ame wâ ge Samaria me Jerusalema.

Zefania 1:1

WALANG hofuc ho Iehova ame o kö Zefania nöku Kusi, nöku Gedalia, nöku Amaria, nöku Hezekia, hnyi je bong bongu Josea nöku Amona, than Juda.