Jeremia 1:1 - Iaai Bible 1901 (New Caledonia)

¹ HOFUC ho Jeremia nöku Hilekia, hanen tavat bihut waleji a ödra hnyi Anathoth, hnyi hnyei Beniamina:

Jeremia 1:1 Iomraidhean Croise

I. Je Than 2:26

Ke haba than ame ha kö Abiathara at bihut, ka habe, He thö Anathoth ai ka hnyi em hnyei; anyin ae ûcû u me he ka mok: ke oge me ca he ka hlingö u walang ang, anyin a u je hom tilâ tang tangö Iehova a Than hnyi hnyimakö cica Davita, ke can u je hom vec hnyi ta je ûnyi hia ame vec cica hnyin.

I. Man Ûlabainy Je Than. 6:60

ke ûnyi hnyi tribu anyi Beniamina; Geba me je hnyaban igigilo, me Alemeth me je hnyaban igigilo, me Anathoth me je hnyaban igigilo. Haba anyidrin je taun hia hnyi anyidrin je lap, a, thötin je taun.

II. Man Ûlabainy Je Than. 35:25

Ke haba Jeremia ame khumöngö tenge ca Josea: ke haba tavat khumöng obaga me omomo hia, me, ödrin e haiö Josea hnyi anyidrin tenge ke ne o but hnyi bong ang; ke adre me otilâ hmâ bongon e hnyi Isaraela: me wâ bi, adre hia but sihnalimen hnyi je khumönginy tenge.

II. Man Ûlabainy Je Than. 36:12

me e ame ânyâ ûnyi ae kong hnyi hnyimakö Iehova Khongon; e ame ca oûhnyûkongo e bi hnyi hnyimakö Jeremia a perofeta at ame fuc ûnyi ga Iehova.

II. Man Ûlabainy Je Than. 36:21

me me hwâdâ hofuc ho Iehova a deny Jeremia, ke ne o but ame bekhot ut ta je sabathiny kânâ: anyin a haba hnyi ta je bong ae ba aten hnyei, me wale bi e sabath, ke ne o but hnyi je huna a sevente.

Ezera 1:1

HNYI huna a bâniny musi anyi Koreso tuhan Peresi, me haba Iehova ame bwebwelâ hnyeku Koreso than Peresi, me me hwâdâ hofuc ho Iehova a ha Jeremia, me e ame haimemenâ hnyi dokhon dokhu hia, kʼ ame sihnalimen minya, ka habe,

Ezera 2:23

At Anathoth, ödrin wan haded ke twente eit.

Isaia 1:1

HNA wâ hnö Isaia nökuʼ Amosa, waleji e ame wâ ge Juda me Jerusalema, hnyi je bong bongu Uzia, me Jotham, me Ahaza, me Hezekia, a je thaniny Juda.

Isaia 10:30

Hlu nöku Galim lö, hongot dö goranyai! Laisi lö, long ju! ekölö gam Anathoth!

Isaia 2:1

HOFUC ame wâ Isaia nöku Amosa ge Juda me Jerusalema.

Jeremia 11:21

Anyin a wale, walang hna ha hnö Iehova ge aten Anathoth, tavat adre me elâm he ka hlingö u, ka habe, U me ca he ka perofeta hnyi iö Iehova, wâ u nye mok ut gahmun:

Jeremia 29:27

Ke walang ang anyin a ieû u je ca thao Jeremia at Anathoth, at ame wia e bi hnân perofeta köbun,

Jeremia 30:1

HOFUC ame o kö Jeremia ûnyi ga Iehova ame ha, ka habe,

Jeremia 37:12

me haba Jeremia ame didrut ûheny Jerusalema he ka he hnyi hnyei Beniamina, me me hom jekhon eling unyin tavat.

Ezekiela 1:3

me ame o but hnyi hnathu hofuc ho Iehova kö Ezekiela at bihut, nöku Buzi, hnyi hnyei Kaledaia hnyi wagewe Kebara; kʼ ame laba hon e eling hnyamö Iehova.

Daniela 9:2

haba hnyi huna a bâniny anyin musi, inya Daniela oge me wâhmakhmeto ge je tusi numerainy je buna, waleji ge ioiny hofuc ho Iehova kö Jeremia perofeta hnyin, me me he ka hwâdâ je huna a se ven ti waleji hnyi hna öba wan Jerusalema.

Amosa 1:1

WALANG hofuc ho Amosa, wale at ame tha e me tavat tuö omeno hnyi Tekoa, ke walang wâhnen ge at Isaraela hnyi je bong bongu Uzia than Juda, me hnyi je bong bongu Jeroboama nöku Joasa than Isaraela, lo li huna ke tiga hia bi hwioi.

Amosa 7:10

Me haba Amazia at bihut hnyi Bethela ame ûkhûnöng kö Jeroboama than Isaraela me ha, ka habe, A hia but Amosa si hnâm hnyi wanben lap anyi Isaraela: e ca ûcû bi hnyei he ka hok hnyokâ hwan je hofuc.

Mataio 16:14

Haingödrin, ka habe, Haingen keihen, Ioane Bapataiso; ke haingen keihen, Elia: ke haingen keihen Jeremia, ame ne ke at hnyi ta je perofeta.

Mataio 2:17

Me ame hwâdâ thö hna ha ga Jeremia perofeta, ka habe,

Mataio 27:9

Me ame hwâdâ thö hna ha ga Jeremia perofeta, ka habe, Adre me hom je mone a thote a hwaban at adre hia but ha me hwaban, wale a ha hwaban ge keihen lakon Isaraela;