I. Peteru 5:8 - Iaai Bible 1901 (New Caledonia)

⁸ Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny:

I. Peteru 5:8 Iomraidhean Croise

Esetera 7:6

Haba Esetera ame ha, ka habe, Haba at beûkûc, me iwahnaihmiony, wale Hamana at ang ae kong. Me ame ot Hamana hnyi hnyimakan than me momo than.

Jobu 2:2

Haba Iehova ame ha kö Satana, ka habe, Ûhem ua? Me Satana ame thu ko Iehova, ka habe, ûhek hnyi hna ngeno hmeledrany me vheno e.

Salamo 104:21

Je nak liona adre me kuku me bi ö ʼdra, Me heleû ö ʼdra ûnyi ge Khong.

Salamo 109:6

Otilâ thö hon e at ae kong: Ke so e tot iwahnaihmiony hnyi hnyamen a metân.

Ta je Vejec 19:12

Haba wathethot anyin than, me helâ me liona ame kuku; Ke haba anyin betenge, me helâ me dân hau hon hnaonying.

Ta je Vejec 20:2

Haba outen than, me helâ me liona ame kuku: Haba at ame ohmönyinâ e, me ame ka okongoâ e bi.

Ta je Vejec 28:15

Haba at ae kong ame muso tavat ae theduoc, Me liona ame kuku, ke bea ame he monu.

Isaia 50:8

E hakekeny jut at ame haiwisö nya; ie at ame he ka ivino mönya? otu me he ka tha todrö: ie at ama tot könya? e so e ame he jem könya.

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 51:38

Adre me he ka tha kuku helâ me je nokon liona.

Ezekiela 19:7

Ke e ame khana je uma umen tuhödra, me oba wan anyidra je lap; ke ba but aten hnyei, me unöngötiny e can ûkukuiny.

Ezekiela 22:25

Anyin je perofeta adre me si hnân hnyi wanben, helâ me liona ame kuku ame oloû kia haniny: adre hia but an at; adre me hûgûnâ omjeû, me ta je ûnyi ae ûnyi hnathu; adre hia but osehia je safaciny hnyi wanben e.

Daniela 6:24

Ke than ame hûna he ka hom tavat waleji adre me kliûö Daniela, me adre me khûʼ ödrin bi ka hnyi op liona, ödrin, ke lakudrin, ke laöiödrin; ke e hu maniny je liona hudrin, me me hmetru je jeiödrin hia, kʼ ödrin tiga ca kâlâ kânâ eû hnyi hnyin thop.

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Hosea 13:8

ke oge me he ka ûkhanö mödra helâ me bea adre me hûgûnâ lakon, ke oge me he ka kia thamuâ tangen oûnykûmidra: ke oge me he ka ön ödra eling helâ me liona; ame he ka oloû kiʼ ödra hnen menoiny hnyot.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Amosa 3:4

Hawa, ame he ka kuku liona hnyi hnyot, e ka ba haniny? hawa, ame he nak liona ka fuc hnyi umen bi, e ka ba ûnyi e ame hom?

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Zakaria 11:3

Wale ûkuku tengeiny tavat tuö mamoe! anyin ae kong ut anyidra hmanenang: ûkukuiny je nak liona! anyin ae kong ut hmanenanginy Joridano.

Zakaria 3:1

KE e ame omanenö Josua könya wale at bihut ae beönua, ame tot hnyi hnyimakan angela anyi Iehova, ke haba Satana ame tot hnyi ke keihen a metân he ka iwahnaihmiony më.

Mataio 13:39

ke haba iwahnaihmiony a at ame tā, me wale diabolo: ke haba menu, me wale obiny hmeledrany; ke haba tavat menu, me wale ta je angela.

Mataio 24:42

Anyin a wale, hmâkâ thö: anyin ae ca khanʼ öbun ûen ame he ka o hnyin Tuhö-bun.

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Mataio 4:1

KE haba Hanu ame hum Iesu ka hnyi hnyebuba, e me he diabolo he ka cubec e.

Mataio 4:11

Me haba diabolo ame hna but e; ke wâ bi, ame o thö ta je angela me bi athnyabainy.

Mareko 4:15

Haba je hna jijingâ hnyi baten gethen, me wale adre me tā hofuc hnyin; ke adre me long ut me ame ie o but Satana me hom dö hofuc adre me tā unyidra.

Luka 21:34

O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe:

Luka 21:36

Ke hmâkâ ju öbun hnyi je ûen bia, me labö hic, me me khanʼ Öbun he ka kec ge ta je ûnyi hia eang ame he ka o, me he ka ûtitilen hnyi hnyimakan Nokon at.

Luka 22:31

Simona, Simona lö, wâ bi, a hia but Satana sumâtâ he ka hum öbun, me me he ka jijingi öbun helâ me hwit:

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

II. Korinito 2:11

wâ e nye iyâûʼ öta Satana, anyin ae ca iyong köta anyin ta je bihihwakecin.

Efeso 4:27

ke ca bi hnen minya ka diabolo.

Efeso 6:11

Khavâ ju öbun ûkhaûen vat anyin Khong, me me khanʼ öbun he ka tot metâ ka ta je bihihwakecin anyin diabolo.

I. Timoteo 2:15

ke ame he ka möt momo hnyi hna hnokoâ, ödra ka tethmâ hnyi labageju me ibe-tengiö, me hwakecin ae kap me hnyok ae wisa.

I. Timoteo 2:9

Ke helâe minya ju omomo, e so adre me khavâ ûkhaû ae ûcû, tha e me bongon ot, me hnyok ae wisa; ca he ka ûla hobâ leûnen hodra, me gol, me penina, me ûkhaû ae gan hwaban;

I. Timoteo 3:11

Helâe minya omomo he ka hnyokâ wisa, ca tavat ûhaiö, ke so he ka hok hnyok, me hnathu hnyi ta je ûnyi hia thithö.

I. Timoteo 3:2

E ûcû ka pisop he ka ba hnyikongon, me khaca âiân, me at hokhnyok, me at hnyokâ wisa, me at ame ânyâ hwakecin ae so, me at ame betenge ge atkanyua, me at ae khana ûne;

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.

Tito 1:8

ke so bi at ame betenge ka ta je atkanyua, at ame hnyokâ ûnyi ae so, at ame hnyokâ wisa, kʼ ame owisa wisa, at ae kap, kʼ ame ka hom ûhnyûkongo e bi;

Tito 2:12

ame nʼ öta, mʼ ate me he ha hociâ hwakecin ae ca ûcû me Khong, me ta je weny hmeledrany ae monu, ke ate me he bi ka labö ûnykûme wia, me ânyâ hwakecin ae wisa, me hwakecin ae ûcû me Khong hnyi möt ang;

Tito 2:2

ka habe, hamen wahingat he ka hmâkâ, me hnyokâ wisa, me wâ wia, me hwege hnyi labageju, me ibetengiö, me hokhnyok.

Tito 2:4

mʼ adre me he ka nâ wia omomo hmai he ka ve hnyokâ laöiödra, me hnyokâ lakudra,

Tito 2:6

helâe minya ge wahidröu sihwegi ödra he ka ûnykûme wia:

Iakobo 4:7

Anyin a wale löng ju öbun hoton Khong; ke hagutâ but diabolo, me e ame he ka kec ûnyi gabun.

I. Peteru 1:13

Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

Hna Omanenâ 12:10

Ke oge me löng hofuc ae gan hmâ hnyi drany ame ha, ka habe, A o but walang ang möt, me man, me dokhu dokhon Khonguta, me musi minya anyin Keriso a anyin: anyin adre hia but obâ at ame haikongoâ je liamekeiny mʼ öta, wale at ame haikongu ödra hnyi hnyimakan Khonguta hnyi lany me lit.

Hna Omanenâ 12:12

Anyin a wale senyin dö ta je drany, me tavat adre me laba hnyin. Ekölö ge kânâ me köiö: anyin ame utut köbun diabolo, ke gan hmâ anyin wathethot, anyin ae khana but ae okhulit biju ûen.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.

Hna Omanenâ 20:2

Ke e ame kât drakona, wale on ehac, a wale Diabolo me Satana, me ame ca e ke ne o but hnyi wan thauzan je huna,

Owisa 14:5

Ke ame tha he Samasona me kamen me hinyen Timenatha ai, me o but hnyi je hnyei vine hnyi Timenatha: ke wâ bi ame kuku kâu nokon liona.