I. Peteru 5:6 - Iaai Bible 1901 (New Caledonia)

⁶ Anyin a wale, ohnyikönʼ öbun ju hnyi hmelen hnyamen Khong ae man, me me he ka ogoranyi öbun hnyi ûen ae ûcû;

I. Peteru 5:6 Iomraidhean Croise

I. Je Than 21:29

Hawa, u je wâ but a Ahaba ame oûhnyûkongo e bi hnyi hnyimakök? awe, anyin a e ame oûhnyûkongo e hnyi hnyimakök, me oge me ca he bi nya ka oâ ûnyi ae kong hnyi bongon ta je bong: ke o ge me he bi nya ka oâ ûnyi ae kong ka anyin lap hnyi ta je bong bongon nokon.

II. Je Than 22:19

anyin ae menyik hnyekom, ke u je ohnyikânâi u bi hnyi hnyimakö Iehova, hnyi ûen u me long hnok hna ha ge dok ang, me tavat adre me labâ e, mʼ ödrin e he ka ba at ke hnaûhango, ke u je kia ânyâm je ûkhaû, me tenge hnyi hnyimakök; awe, haingö Iehova, Oge hia but ling u.

II. Man Ûlabainy Je Than. 12:12

Ke e ame ka oûhnyûkongo e bi, me ame hwio ûnyi gan hmonyin anyi Iehova, me e ame ca ti ohia e: ke haba khaca e hu ta je ûnyi ae so adre me wâ hnyi Juda.

II. Man Ûlabainy Je Than. 30:11

Ke so bi haba keihen at Asera, me Manase, me Zebulona, me, ödrin e oûhnyûkongi ödrin bi, me hnyi he Jerusalema ai.

II. Man Ûlabainy Je Than. 32:26

Ke so bi haba Hezekia ame ka oûhnyûkongoâ e bi hnyi bi ganiny hnyekon, a e me tavat adre me laba hnyi Jerusalema, me me ca aat bi ködrin hmonyin anyi Iehova hnyi je bong bongu Hezekia.

II. Man Ûlabainy Je Than. 33:12

Ke e ame vec, me ame elöm Iehova Khongon, me ti oûhnyûkongoâ e hnyi hnyimakan Khongon lakamen.

II. Man Ûlabainy Je Than. 33:19

Me hijin hic minya, me hwakecin hna betenge kâu hnen Khong ge anyin khöû me anyin hulo hia, me hnen hna he hwali, me je ke keihen e ame op je dok ae gorany hnyin, me otilâ je Aseira me je hnatheat hnyin, waleji ke tiga ca oûhnyûkongoâ e: wâ bi, adre hia but sihnalimen hnyi hofuc hwan tavat wâ.

II. Man Ûlabainy Je Than. 33:23

Ke so bi, e ame ca oûhnyûkongoâ e bi hnyi hnyimakö Iehova helâ me hnö Manase a kamen hna oûhnyûkongoâ e bi; ke haba Amona ame ânyâ hwakecin ae kong hmiö nyin.

II. Man Ûlabainy Je Than. 36:12

me e ame ânyâ ûnyi ae kong hnyi hnyimakö Iehova Khongon; e ame ca oûhnyûkongo e bi hnyi hnyimakö Jeremia a perofeta at ame fuc ûnyi ga Iehova.

Jobu 36:22

Wâ bi, Khong ame ânyâ huliwa ae beönua hnyi maniny man: Ewa at ûne a helâ mē?

Salamo 75:10

Oge me he ka subâ degecâ ta je faoiny meno hia anyin tavat ae kong; Kʼ adre me he ka ogöranyâ li faoiny at ame ânyâ hwakecin ae wisa.

Salamo 89:13

E hwege hmönyin hnyamâm: E man benyâm, ke gorany hnyamâm a metâm.

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Esodo 3:19

Ke manen könya a gʼ ame ca he than Aigupito ka hnʼ öbun, ke so bi hnen hnyamen ae hwege.

Esodo 32:11

Ke Mose ame khöu kö Iehova a Khongon, me ha, ka habe, Iehova lö, geû ame he ka ubâhlâ gan ânyâm hmönyin ka je lakem waleji u je hom ûnyi hnyi hnyei Aigupito ge man ae gan me hnyam ae hwege?

Ta je Vejec 29:23

Haba bigan anyin at, me ame ohnyikânâ e: Kʼ adre me he ka ogânâ at ame hnyok hnyikânâ.

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 40:4

Adre me he ka ogöranyâ ta je hnyigöuleny bucen hia, ke adre me he ka ohnyikânâ ta je bucen me ta je hut hia: ke adre me he ka owisa ta je dok ae hwahwali, ke adre me he ka othahonâ ta je dok ae ûjejöng:

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Jeremia 13:18

Ha thö ka than me momo than, ka habe, Öhnyikönʼ öbun ju, ke laba ju: anyin a kolu but anyibu li korona ae mec, wale koronainy anyibun hmanenang.

Jeremia 44:10

Adre me ca vec ke ne o but hnyi bong ang, ke adre ca hia but ot, ke adre me ca vheno anyik hnanyibu, me hnok je hna hûna, waleji oge ip hnyi hnyimaköbun me lakamöbun.

Ezekiela 17:21

Ke ame he tavat hia adre me kec unyin hnyi anyin je deö vat hia ka ta ge hele vat, ke adre me he ka oveseâ je kolon ka hnyi ta je ang hia: ke öbun e he ka wâ a inya Iehova at ame ha.

Ezekiela 21:6

Anyin a wale, nokon at lö, mâng ju; u me he ka mâng hnyi hnyimakodra ke hmetru but li jebalainom me hmak.

Daniela 5:22

Ke haba u, Belesaza a nokon lö, u je ca öhnyikânâ hnyekom, ke so bi e khanö u ta je ûnyi hia eling;

Levitiko 26:41

me inya oge me digic odrin, me hum odrin ka hnyi hnyei iny je iwahnaihmiony mödrin: ke ame ne he ka he je hnyekudrin adre ca peritomonâ ka hnyikânâ, kʼ odrin e kap hwaban hwakecidrin ae kong;

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Mataio 23:12

Ke adre me he ka oûhnyûkongo at ame ka ogânâ e; kʼ adre me he ka ogânâ at ame ka oûhnyukongoâ e.

Luka 1:52

E ame hagutâ je than ûnyi hnyi hon anyidra ta je theron, Me ogöranyâ tavat a ödra hnyikânâ.

Luka 14:11

Anyin adre me he ka oûhnyûkongoâ at ame ogânâ e bi; kʼ adre me he ka ogânâ at ame ka oûhnyûkongoâ e bi.

Luka 18:14

Inya oge me ha köbun ame he but at ang ka hnyi umen uma, ke adre haiwisa e hon at eji: anyin adre me he ka oûhnyûkongo at ame ogânâ e; ke adre me he ka ogânâ at ame Öûhnyûkongoâ e.

Roma 5:6

Ke hnyi ûen a öta tiga sënyin, me ame mokcu Keriso, hnyi ûen ae ûcû, hobi kâu tavat ae kong.

I. Korinito 10:22

Hawa, ate me cubic Than he ka ciâ? hawa, öta hwege hon e?

Deuteronomi 32:35

Hamök he ka ip hwaban monu, me bi hwaban, Hnyi ûen ame he ka haû je cadra: Anyin ae hakekeny jut bonginy anyidra vec, Kʼ ame he ka logot ta je ûnyi ame he ka o ködra.

I. Timoteo 2:6

waleji at ame ka hamen ham e bi hnân ûcû melen tavat hia thithö; mʼ adre me he ka ohnathoâ hnyi je ûen ae ûcû;

Tito 1:3

ke ame omanenâ hwan hofuc hnyi anyin je ûen, ge hna khetâ, waleji adre me hna könya hoton hna hûna ge Khong At a omeli ötâ;

Iakobo 4:10

Obnyikönʼ öbun ju hnyi hnyimakan Than, ke e ame he ka ogoranyi öbun.

Iakobo 4:7

Anyin a wale löng ju öbun hoton Khong; ke hagutâ but diabolo, me e ame he ka kec ûnyi gabun.

Iakobo 5:10

Hnyat me lakeiny lö, hom dö je perofeta hnân tulut köbun hnyi vec me hok hnyok, waleji tavat adre me ha hofuc hnyi ien Than.