I. Peteru 5:5 - Iaai Bible 1901 (New Caledonia)

⁵ Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.

I. Peteru 5:5 Iomraidhean Croise

II. Man Ûlabainy Je Than. 6:41

Ke walang, Iehova Khong lö, todrö ka hnyi hnâm hna mokut, u me tangen hwegiâm: Iehova Khong lö, e so adre me khavâ ge ûhomeli ânyâm tavat bihut, me senyinâ hwakecin ae so ânyâm tavat ae kap.

Jobu 22:29

Ödra ka ohnyikânâi u, u me he ka ha, ka habe, Todrö; Ke e ame he ka omelö at ae hnyikânâ.

Jobu 29:14

Oge me khavâ wisa hnân anyik ûkhaû: Ke haba hnok hna owisa, e ûcû me ûkhaû me hnabinybak.

Salamo 132:16

Oge me he ka khavâ minya anyin tavat bihut ge ûhomeli: Kʼ ame he anyin wakap ka khumöng senyin.

Salamo 132:9

E so e khavâ hwakecin ae wisa hnen tavat bi hut köu, Ke so ame khumöng senyin hnen ânyâm wakap.

Salamo 138:6

Eja ke ne a ne gorany Iehova, e ame he ka wâ tavat ae hnyikânâ: Ke e ame wâhmakhmetoâ tavat bi gan hnyi dok ae sâkâû.

Ta je Vejec 25:7

Anyin ae so he ka ha köu, ka habe, Aiö u kâ âng; Ke kong bi he ka ohnyikönö u hnyi hnyimakan than, U je wâ e hnen li emâkâm.

Ta je Vejec 3:34

E hnathu, e ame hlumā tavat ûhlumöny, Ke e ame ham betenge baû ka tavat ae ûhnyûkong.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Ezekiela 26:16

Haba hnyi ûen eling me ame he ka utut ta je thaniny köiö hia ûhedrin hnyi hon anyidrin ta je theron, me ip anyidrin je ûkot, me uny anyidrin ta je ûkhaû ae ve bongon bi: kʼ adre me he bi ka okhaûʼ ödra ge öbubuny; kʼ adre me he ka laba hnyi kânâ, ke adre me he ka labö öbubuny, me uthmâhmâ gam.

Daniela 11:12

Ke ame he ka bi gan utbavat, ke ame he ka gorany bi hnyekon: ke e ame he ka ota je miriad, ke e ame ca he ka ton.

Levitiko 19:32

U me he ka köûö hnyi hnyimakan at ae hûen ban, me ogânâ hnyimakan hingat, me u me he ka outen Khongom: Inya Iekova.

Luka 22:26

Ke öbun e ca he ka helâe: ke haba at ame he ka beönua gabun, me so e ame he ka helâ me wakeiat; ke haba taben, me ame he ka helâ me athnyaba.

Roma 12:10

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at;

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

Efeso 5:21

ke ûlingköu öbun ju hnyi ot ka Keriso.

Filipi 2:3

ca ânyâ ke ûnyi hoton ihunyinköu, me bi gan, ke so he ka ve hu hnyok ae hnyikânâ, me ve ogânâ ke at me ke at;

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

I. Timoteo 5:1

CA he ka oû je hingat, ke so bi nâ e helâ me kamen; me ta je hidröu helâ me je liamekeiny:

Heberu 13:17

Löng ju öbun hoton tavat adre me tuʼ öbun, me nom ju kodra; anyin adre me hmâkâ hobi kâu ta je hanubun, helâke hanyinödra he ka thu hmetu ge ta je monu; mʼ adre me he bi ka ânyâ e me senyin, ke ca bi me vec: anyin ae ba troban eling hobi köbun.

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

I. Peteru 3:8

Walang obiny, e so öbun e he hia ka tha hnyok, me vec betenge, me tha hnyok helâ me je liamekeiny, me sang betenge, me hnyok ae hnyikânâ:

I. Peteru 4:1

ANYIN a wale haba Keriso ame hom vec hnyi unyin, e so öbun e tet metâ me hnyok helâe; anyin a hia but mok degec hulo hnen at ame hom vec hnyi unyin;

I. Peteru 4:5

ke adre me he ka ve ha hwakecidra bi kâu at ame he ka hnö tavat ae möt me tavat ae mok.