I. Peteru 5:3 - Iaai Bible 1901 (New Caledonia)

³ ke ca he ka hwen thanâ je hanymöbun, ke so bi hamöbun he ka bi tulut ka hnahat mamoe.

I. Peteru 5:3 Iomraidhean Croise

Salamo 33:12

Hnahic hnen hnyei a Iehova Khongon; A tavat e ame ûca hnân hing jekhon.

Salamo 74:2

Ûnykûme ju ânyâm ûkhacaköu waleji u je ûco ehac, Waleji u je bi hwaban me me tribu a jekhom; Me bucen Ziona, dok u je laba hnyin.

Ezekiela 34:4

Öbun e ca hia but sihwegiâ ta je meno ae sënyin, ke omelo at ae mok, kʼ öbun e ca ujâ meno ae hmetru jein, kʼ öbun e ca ohmeto je hna obâ, kʼ öbun e ca elâm at ae hia; ke öbun e hia but musi ödra hwege me oveci ödra.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

Numera 18:7

Ke u ma he me lakom a tha ödrin mou ka tuö hanymen a hnöbun hna bi hut ta je ûnyi hia hnyi taben hut, me ta je ûnyi eiö hnyin singiny; ke! öbun e he ka huliwa: Inya oge me ham köbun hanymen at bihut helâ me huliwa adre ham: kʼ adre me he ka hlingâ atkanyua at ame hakekenyâ.

Ioane 13:15

Anyin oge hia but ham köbun tulut, me öbun e he ka ânyâ helâ me hnok hna ânyâ köbun.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

I. Korinito 11:11

Ke so bi, e ba momo unyin Than, e ka ba baga, ke ba baga, e ka ba momo.

I. Korinito 3:5

Anyin a ieû Apolo? ke ieû Paulo? a li athnyaba a deny anyibun labageju; helâji me hnen Than hna ve ham köhmu.

I. Korinito 3:9

Anyin a ohmun tavat tha huliwa tot me Khong: ke öbun hna belok iny Khong, ke uma a op Khong.

II. Korinito 1:24

Ca ha bi a öhmun e muso anyibun labageju, ke so bi öhmun je hnyat ûhadruo bi anyibun sēnyin, anyin a öbun e tethmâ hnen anyibun labageju.

II. Korinito 4:5

Anyin a öhmun e ca kheti öhmun, ke Keriso Iesu a Than, ke öhmun je lathnyabaibun ga Iesu.

Deuteronomi 32:9

Anyin a haba jekhöû Iehova, me iny hnyei bi, Ke Jekob iny hnyei adre tuluto.

Filipi 3:17

Hnyat me lakeiny lö, e so öbun e tha hnu hotuk, ke wâhmakhmetu ödra adre me he helâe, ke öhmun ang hnân tulut köbun.

Filipi 4:9

Ke ânyâ thʼ öbun ta je ûnyi adre n öbun kâu, wale öbun e kap, me long, me wâ ûnyi gak: ke ame he ka e unyibun Khongon ûsoköu.

I. Thesalonika 1:7

wale, mʼ adre me wiʼ öbun hnân tulut ka tavat labageju hnyi Makedonia hia me Akaia.

II. Thesalonika. 3:9

ca anyin bi ae ba anyihmun musi, ke so bi mʼ öhmun e he ka wi öhmun hnân tulut köbun, mʼ öbun e be ka ûcûcubingi öhmun.

I. Timoteo 4:12

E so ame ca he ke at ka hmiân ânyâm hidröu; ke u me he ka bi tulut ka tavat labageju, ge hwâm hofuc, me hwaʼ kecâm, me ibetengiö, me labageju, me hwaʼ kecin ae kalaöt.

Tito 2:7

oma-menö u thö hnân tulutiny ta je huliwa ae so, hnyi ta je ûnyi hia; e so e manen bi hwakecin ae fâfâ hnyi hnâm hna ûne, me ûnykûme wia,

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: