I. Peteru 5:10 - Iaai Bible 1901 (New Caledonia)

¹⁰ Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

I. Peteru 5:10 Iomraidhean Croise

II. Korinito 4:17

Anyin a haba anyihmun vec ae hâhâ, wale ame ie hia, ame huliwan gan hmâ tot hobi kohmun hmanenang ae hmak ke nyiele balua;

II. Thesalonika. 3:3

Ke e hnathu Than, at ame otethmʼ öbun, me tuʼ öbun ge hulo.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,

Salamo 138:7

Eja ke ne oge ne he hnyi wanben vec, u me he ka omeli nya: U me he ka hai hnyamâm hon hmönyin anyin je iwahnaihmiony mönya, Kʼ ame he hnyamâm a metâm ka omeli nya.

I. Timoteo 6:12

Vâtâ thö vat ae so anyin labageju, kât hmâ ju möt ame ca ba balua, waleji adre me hawʼ u kâu, me hnâm hna haimemenâ so hnyi hnyimakan tavat ohnatho ae se.

II. Thesalonika. 2:17

hamen he ka okahwa je hnyekubun me otethmâ hnyi ta je huliwa ae so me hofuc ae so hia thithö.

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

I. Korinito 1:9

Haba Khong, me hnathu, waleji at ame hia but hawʼ öbun he ka tha e me Nokon a Iesu Keriso a Tuhöta.

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

Zakaria 10:12

Ke oge me he ka ha hwegiödra ûnyi ga Iehova; ke adre me he ka ngenu ûnyi ge ien e haingö Iehova.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

II. Peteru 1:3

anyin a e ame hia but ham köta ta je ûnyi hia hnyi möt me hwakecin ae ûcû me Khong, hnen maniny man, ûnyi ge hna wâhmakhmetoâ e, at ame ha öta ge anyin hmanenang me hnyok so;

I. Peteru 1:15

öbun e he ka kap hnyi ta je hwakecibun hia helâ me ûkapiny e at a hawʼ öbun;

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

II. Timoteo 2:10

Anyin a wale, inya oge me hokhnyokâ ta je ûnyi hia hobi kâu tavat adre ûca, me me hu minya thö kodra möt a e unyin Keriso Iesu, tha e me hmanenang ame ca ba balua.

II. Thesalonika. 2:14

Waleji e ame hawʼ öbun ka hnyin hnen anyihmun ûthumetu ae so, me öbun e he ka hu hmanenanginy Tuhöta Iesu Keriso.

Luka 22:32

ke oge me hic hobi köu, me me ca he bi lea hia ânyâm labageju: ke u ka hmetu thö, sihwegiâ je liamekeiny möu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Kolose 2:7

ke bi wân dut me up öbun goranyai unyin, ke ohmâ ju anyibun labaʼ geju, helâ me hna nʼ öbun, ke ti ole gan hmâ.

Roma 15:5

E so e ham köbun hnen Khongon lingvec me kaukahwa he ka tha hnyok hoton Keriso Iesu:

I. Ioane 2:25

Ke walang hna ha bânâ waleji e ame ha bânâ köta, möt ame ca ba balua.

Heberu 9:15

Ke anyin a wale, e thibi at ûsoköu hnyi ûhihinyköu ae teb ûnyi me me he tavat adre hawâ ka kap hna ha bânâ wale jekhoû ame ca ba balua, anyin ae hu mok hnân bi hwaban ta je hna hanyâûâ hmelen ûhihinyköu a bân.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 9:11

ke tiga ca hnokoâ bi, ke ba minya so me hulo ödru me ânyâ, haba me me tethmâ ju hna uny kûme hnen Khong hoton hnen hna ûca, ca ûnyi ge huliwa, ke ûnyi bi gan at ame hawâ,

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.

Roma 9:24

wale öta, hnyat e ame hawʼ öta minya, a ca hake at Juda thibi, ke Aten minya bi ta je hnyei?

Salamo 119:28

Ame tenge hanuk ge hmak: Sihwegiö nya thö hoton hwâm hofuc.

I. Korinito 1:10

Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca.

I. Peteru 4:10

helâ me hna ve kap bwihlany, e so he ka ûhuliwaköu, helâ me tavat tuö soâ ibetengiö baû anyin Khong ae se hia bongon;