I. Peteru 4:6 - Iaai Bible 1901 (New Caledonia)

⁶ Ke can e adre me khetâ ûthumetu ae so ka tavat ae mök, mʼ adre me he ka hnei ödra hnyi unyin helâ me at, kʼ adre möt hnyi hanu helâ me Khong.

I. Peteru 4:6 Iomraidhean Croise

Mataio 24:9

Me adre me he ka hnʼ öbun dut ka tavat ûöveci, ke adre me he ka hlingʼ öbun: ke adre me he ka huköti öbun ta je hnyei hia thithö can iök.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

Galatia 2:19

Anyin oge mok ut ka hnyi hnanyibu ûnyi ge hnanyibu, mʼ inye he ka möt bi ka Khong.

Galatia 5:25

Ate ne möt hnyi Hanu, awe, e so ate me vheno hnyi Hanu.

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

I. Peteru 3:19

ke ûnyi hnyi e, e ame he but me khetâ ka ta je hanu hnyi hnyin uma ceat,

Hna Omanenâ 14:18

Ke haba ke angela ame didrut ûnyi! hnyi taben hut, ae hu man gan hon meic: ke e ame ha ge hwan ae gan ka at ae hu hele hnân subö hwit ae so hwan, me ha, ka habe, Inâ ju ânyâm hele hnân subö hwit ae so hwan, me meno je de vine hnyi hmeledrany; anyin ae mat hmonyin je wan vineiny.