I. Peteru 4:3 - Iaai Bible 1901 (New Caledonia)

³ Ame ne soju hna ânyâ weny Aten ke je hnyei, hnyi je ûen a hia but, waleji adre me vheno wagelue, me je weny ae kong, me hwen hmiâ waina, me mede, me ta je bijeû ae kong, me hmi ka ta je hnatheat ae ikiki:

I. Peteru 4:3 Iomraidhean Croise

II. Samuela 13:28

Ke Abasoloma ame hûna ka lathnyabainy, ka habe, Wâ wia öbun, e ka senyin hnyeku Aminona ge waina; ke iny ka ha köbun, ka habe, Kuc Aminona but, awe, hlingâ but e, ca ot bi, hawa, inya oge ca hûna köbun? hwege thö, me hnyok baga but.

I. Je Than 21:26

Ke e ame ânyâ ûnyi ae ikiki hnyi hnen hna hnu hoton je idola, helâ me hna ânyâ hia ge at Amora, waleji ame obʼ ödra Iehova hnyi hnyimakan lakon Isaraela.)

II. Man Ûlabainy Je Than. 15:8

Ke a hia but Asa long je hofuc eling, me hna perofeta hnö Oded a perofeta, me e ame hwege me ohia ta je ûnyi ae ikiki ûnyi hnyi hnyei Juda me Beniamina hia, me je taun e ame hûgûnâ hnyi hnyei ae hut hnyi Eferaima; ke a ame ânyâwia taben hut anyi Iehova, cicö poretiko anyi Iehova.

Isaia 28:7

Ke a hia but minya tavat ang he hwali ge waina, me he monu ge grâg; ame he hwali at bi hut me perofeta ge grâg, ame utʼ ödra ge waina, ke adre me he monu ge grâg; adre me haû hnyi hnödra hna wâ, me ta tot hnyi hna owisa.

Isaia 5:11

Ekölö ge tavat adre me vesâkong hnyi hnyomakatu he ka hnu hoton grâg; ke adre me laba ke ne o but hnyi hnyinghet mʼ adre me monu ge waina!

Isaia 65:4

tavat adre me laba hnyi wanben je erkemok, ke hnyi je dok ae iyong; tavat adre me han utioiny buaka, ke e hnyi anyidra je kaia dân ta je ûnyi ae ikiki;

Jeremia 16:11

me u me he bi ka ha kodra, ka habe, Can lakamöbun ödrin e hna degeci nya, haingö Iehova, me hnu hoton je khong, me bi athnyaba ködrin, me khudrung ködrin, ke adre me hna degeci nya bi, me ca tuö bi anyik hnanyibu;

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Ezekiela 44:6

Ke u me he ka ha ka tavat ûkhin fuc, wale ka lap anyi Isaraela, ka habe, Walang hna ha hnen Than Iehova, ka habe, Lap anyi Isaraela lö, soju je hwakecibun hia ae kong,

Ezekiela 45:9

Walang hna ha hnen Than Iehova, ka habe, Je than Isaraela lö, soju; degec ut öbun ûokonguny, ke sei, me anyâ thö ûnyi ae ûcû me ûnyi ae wisa; ohia ju hnobun hna musi hwege hon lakeik, haingen Than Iehova.

Mareko 7:22

me venöu, me ûhlingö, me venâu âiân ke at, me benyekon, me hwakecin ae kong, me iyawö, me hwakecin ae ikiki, me ihuhnyinköu, me hwege hnyem, me hop, me hwen monu:

Ta je huliwa 17:30

Haba Khong ame hokhnyokâ ta je ûen waleji adre me ca wâ ûnykûme hnyin; ke e ame hûna ka tavat hia thithö hnyi je hnyei hia he ka ietra:

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

I. Korinito 12:2

E khanʼ öbun, ka habe, habaji öbun tiga Aten ta je hnyei, me adre me lili öbun ka ta je hnatheat ae hum, kʼ adre me lili öbun monu öbun.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

II. Korinito 12:21

wâ e nye he Khonguk ka ohnyikönö nya unyibun, hukâ o hmetu, me oge me he ka tengiâ tavat ae se hia, a tavat adre me mâdrâ hulo, kʼ adre ca ietra hwakecidrin ae ikiki, ke bi ûnyi monu, ke wagelue adre me ânyâ.

Galatia 5:19

Ke e manen dut ta je huliwa anyin unyin, wale, bi ûnyi monu, me hwakecin ae ikiki, me hnyok wagelue,

Galatia 5:21

me behnyok, me ic monu, me imediaköu, me ta je ûnyi helâe: inya oge me haimemenâ köbun ge ta je ûnyi e, helâji me hnok hna haimemenâ ehac, ka habe, haba tavat adre me ânyâ helâe me adre me ca he ka bi hwajeköûdra hnyi dokhu dokhon Khong.

Efeso 5:18

Ke ca monu bi Öbun ge waina wale ame okûâ hulo, ke so he ka ounöngöti öbun ge Hanu;

I. Thesalonika 4:5

ke ca ûnyi bi hnyi hnyok ae ikiki, helâ me Aten ta je hnyei ae ca khanʼ ödra Khong;

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

I. Peteru 1:14

e so öbun e tha ûcû me tavat ûling, ke ca he öbun ka tha ûcû me webun kâû adrem, waleji kʼ öbun tiga menekholom:

Juda 1:4

Anyin ame dit duöug keihen, a hnyat adre ip ehac hnân hobi kâu hnaûhango eang, hnyat adre me ca outen Khong, kʼ adre me wia ibetengiö baû anyin Khong ka hnyi hwakecin ae ikiki, kʼ adre me ivinöâ Tuhöta a khaca a Than Iesu Keriso.