I. Peteru 4:1 - Iaai Bible 1901 (New Caledonia)

¹ ANYIN a wale haba Keriso ame hom vec hnyi unyin, e so öbun e tet metâ me hnyok helâe; anyin a hia but mok degec hulo hnen at ame hom vec hnyi unyin;

I. Peteru 4:1 Iomraidhean Croise

Isaia 1:16

Soû but, okalaöti öbun; degec ut anyibun ta je huliwa ae kong hnyi hnyimakök; soju hna mâdrâ hulo:

Ezekiela 16:41

Ke adre me he ka thong degecâ umâm je uma ge meic, me bi hwaban köu hnyi hnyimakan omomo ae se hia; kʼ oge me he ka thao u mʼ u me ca he hmetu ka bi ûnyi monu, ke u me ca he hmetu ka hawâ at ge hwaban.

Mareko 3:3

Ke e ame ha ka at ae meleca hnyamen, ka habe, Todrö hnyi wanben.

Roma 6:11

Helâe minya, ûnykûme ju öbun a öbun e mok ka hnyi hulo, kʼ öbun e möt bi ka Khong ga Iesu Keriso.

Roma 6:2

Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin?

Roma 6:7

anyin adre me ca hâiâ at a mokcu a e at hulo.

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Galatia 5:24

Ke haba ta je laten Keriso, me adre me osatauroâ unyin, me ta je weny e, me ta je weny ae ûjöng.

Efeso 6:13

Anyin a wale hom dʼ öbun je omjehen hia vat ûnyi ge Khong me me khanʼ öbun he ka tethmâ hnyi bonginy monu, ke at ka ânyâ ta je ûnyi hia thithö, tethmâ ju öbun.

Deuteronomi 27:10

Anyin a wale u me he ka löng hofuc ho Iehova Khongom, me ânyâ anyin je hnanyibu, me hnen hna hûna, me hnen je hna owisa, walang oge me hûna köu hnyi bong ang.

Filipi 2:5

E so eû hnyi je hnyekubun ûnykûme eang, wale ame ûnykûme Keriso Iesu:

Heberu 12:3

Anyin ae so öbun e ûnykûme e, at ame hokhnyokâ hnödra hna ivinö hwege mʼ ödra hnen tavat ae kong, wâ e nye sënyin me monumonu je hnyekubun.

Heberu 4:10

Anyin a haba at ame hia but dit ka hnyi anyin hna menâ, me e ame hia but menâ minya hwaban anyin ta je huliwa, helâ me Khong hwaban anyin ta je huliwa.

I. Peteru 2:21

Anyin adre hawʼ öbun kâ e: anyin a Keriso ame hom vec minya hobi köbun, me ham köbun tulut, mʼ öbun e he ka cet hwadeny li hnyeûcan:

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;