I. Peteru 3:4 - Iaai Bible 1901 (New Caledonia)

⁴ ke so bi he ka omecâ at ae iyong eû hnyi hnyok, wale ûkhaû ame ca he ka bobot, wale hnyok ae menyik me ilemuk, wale ûnyi ae ûnyi hnathu hmonyin hnyi hnyimakan Khong.

I. Peteru 3:4 Iomraidhean Croise

Salamo 131:2

E hnathu oge hia but otubwelâ me ohnyibö hanuk; Helâ me mendreng adre hia but hnebaio unyin hinyen; Haba hanuk me e bi unyik helâ me mendreng adre hnebaiö.

Salamo 147:6

Iehova ame cö tavat ae hnyikânâ: E ame hagutâ hnyikânâi tavat ae kong.

Salamo 149:4

Anyin a Iehova ame senyin ka lakeiny: E ame he ka ohmanenangâ tavat ae hnyikânâ ge ûhomeli.

Salamo 25:9

E ame he ka su tavat ae ilemuk hnyi hwakecin ae wisa. Me nâ deny gethen ka tavat ae hnyikânâ.

Salamo 45:13

E hmanenang hia, eû hnyin uma, hlu nokon than: Adre me tha hwâwâ gol hnyi ûkhaûen.

Salamo 51:6

Wâ bi, e bewem hnathu eû hnyi hnyok. Ke u me he ka okhanö nya ge metâ hnyi dok ae iyong.

Isaia 11:4

ke e ame he ka owisa ka ta je theduoc hnyi hwakecin ae wisa, me nâ hnyi tulut ae ûcû ka tavat ae menyik eang hmeledrany: ke e ame he ka kot hmeledrany ge osöiny hnyimen, me hlingâ tavat ae kong ge homenâ ûnyi hnyi hnyimen.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Jeremia 51:59

Walang hofuc ame hûna Jeremia perofeta kö Seraia, nöku Neria, nöku Maseia, waleji hnyi hnen hna tha he me Zedekia than Juda Babulona ai hnyi huna a vakiny anyin musi. Haba Seraia, me wale at muso hnyaban than.

Mataio 11:29

Kap ju anyik ûnyi hnân ûhûkâlâköaâ hubun, me nâ thö ûnyi gak; anyin a iny menyik ke hnyikânâ hnyok, me öbun e he ka wâ hna menâ hobi kâu ta je hanubun.

Mataio 21:5

Ha thö ka hluiny Ziona, ka habe, Wâ bi, ame o but köu Tuhâm, At ae menyik, kʼ ame tabâ asina, Ke nak asina, a nokon asina.

Mataio 23:26

Faresaio ae wadröu lö, hneû bânâ but hnyin utkaia me mini, me me so minya but hoton.

Mataio 5:5

Hnahic hnen tavat ae ilemuk: anyin adre me he ka hu hnyei.

Luka 11:40

Öbun je monu, haba at ame mâdrâ hoton, hawa ame ca mâdrâ minya hnyin?

Luka 16:15

Ke e ame ha kodra, ka habe, Öbun tavat öbun e owisʼ öbun bi hnyi hnyimakan tavat; ke khana bi Khong je hnyekubun: anyin a haba ûnyi ame oûnyihnathoâ at, me, ikiki bi ling hnyi hnyimakan Khong.

Roma 1:23

ke adre me wia thö hmanenanginy Khong ae möt balua, me ûcûcûbongoâ e me at ame he ka mok, me je meno ame gâ, me je meno a vak can, me je ûnyi ame iyâû.

Roma 2:29

ke e at Juda bi a helâe eû hnyin; ke haba peritom, e bi hnyi hnyok, me hanu, ke ca e bi hnyi tusi; wale ame ca ogânâ bi hnen at, ke so bi hnen Khong.

Roma 6:6

ke khanʼ öta a gʼ adre me tha osatauroâ më bonguta ehac, me me hia but unyin ae hulo, mʼ ate me ca he ka bâ ge hulo;

Roma 7:22

Anyin oge me senyinâ hnanyibu anyin Khong ûnyi ge at eû hnyi hnyik:

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

II. Korinito 4:16

Wale me öhmun e ca sënyin bi; eja ke ne a ne bobot tot je unyihmun hnyi hoton, adre me ohâtâ hnyi je bong hia at eû hnyin.

Galatia 5:23

me hwakecin ae ilemuk, me weny ae ûcû: adre ca nyibo bi ta je ûnyi helâe.

Efeso 4:2

me hnyok ae hnyikânâ ke menyik, me hokhnyok ae beû hmâ, me ve hokhnyok bi hnyi ibetengiö;

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

Kolose 3:3

Anyin a öbun e mokcu, ke adre tha ikhâlâ anyibun möt me Keriso unyin Khong.

I. Thesalonika 4:11

kʼ so öbun e elâm he ka laba wia, me ve bi hanymen, me huliwa ge je hnyamöbun, helâ me hnöhmun hna hûna köbun;

II. Thesalonika. 3:12

Ke öhmun e hûna ka tavat a helâe, me ûnö ge Tuhöta Iesu Keriso, ka habe, hamödra he ka huliwa hnyibû, me ve an ö ʼdra bi jeû.

I. Timoteo 2:2

hobi kâu je than, me tavat musi hia; mʼ ate me he ka laba wia me ûsoköu hnyi ta je hwakecin hia thithö ae ûcû ka Khong, me hwakecin ae wisa.

II. Timoteo 2:25

me nâ menyikâ ta je iwahnaihmiony; ame ne he Khong ka ham kodra ietra he ka wâhmakhmetoâ hnathu,

Tito 3:2

me ca he ka haikongoâ bi ke at, ke ca iwatretra bi, ke so bi he ka ilimuk, me omanenâ hia hwakecin ae menyik ka tavat hia.

Iakobo 1:21

Anyin a wale, degec ut ikiki hia me monu ame si but, ke kap ju ge hnyok ae menyik hofuc adre tā, wale ae khana he ka omelö je hanubun.

I. Peteru 1:23

anyin adre hnöku öbun hmetu ca ûnyi bi hnyi wan ame he ka bobot, ke so bi ge wan ame ca be ka bobot hnen hofuc hwan Khong ae möt me tethmâ nyiele balua.

I. Peteru 3:15

ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;

I. Samuela 16:7

Ke Iehova ame ba kö Samuela, ka habe, Ca wâ hnyimakan bi, me ibeûen; anyin ae ca wek bi at e: anyin ame ca wâ ga ʼ Iehova helâ me at; anyin a haba at ame wâ ûnyi ae manen, ke Iehova ame wâ hnyok.