I. Peteru 3:12 - Iaai Bible 1901 (New Caledonia)

¹² Anyin a e li emakan Than hon tavat ae wisa, Ke li hnyikonyen ame löng hijidra je hic: Ke e bi hnyimakan Than hon tavat adre me ânyâ hulo.

I. Peteru 3:12 Iomraidhean Croise

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

II. Man Ûlabainy Je Than. 7:15

Ke walang ang, oge me he ka bwela, me tevehlöng hic adre me hijö hnyi dok eang.

Salamo 11:4

E bi Iehova hnyi umen uma ae kap, Wale Iehova, ethö hnyi drany anyin theron; Haba li emakan ame wâ, kʼ ame cubec lakon at hnen li bademakan.

Salamo 33:18

Wâ bi, e bi emakö Iehova hon tavat adre me outen e, Wale tavat adre me halubahingen anyin tang betenge;

Salamo 65:2

At ame long hic lö, Ame he tavat hia thithö ka o but köu.

Salamo 80:16

Adre thong degecâ e ge meic, ke adre sö degecâ: A hiʼ ödra but ge hna û ödra hnen hnyimâkâm.

Ta je Vejec 15:29

Iehova ame ûsâkâûö me tavat ae kong: Ke e ame long hic hijin tavat ae wisa.

Ta je Vejec 15:3

Ka e bi li emakö Iehova hnyi ta je dok hia, E ame wâ so me kong.

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Jeremia 21:10

Anyin a inya oge hia but hnyimakök ka hnyi taun ang me me kong, ke ca hnân bi so, haingö Iehova: adre me he ka hna e ka hnyi hnyamen than Babulona, ke e ame he ka thong e ge meic.

Jeremia 39:12

Hom dö e, me wâ wia e, ke ca okongoâ e, ke ânyâ thö kâu helâ me ûnyi e ame he ka ha köu.

Ezekiela 15:7

Ke oge me he ka wâhmʼ ödra; adre me he ka kec ge meic, ke ame he bi ka an hnen ke meic; ke öbun e he ka wâ a inya Iehova, iny ka wâhmʼ ödra.

Levitiko 17:10

Ke haba at Isaraela hia, ame ne aten ke hnyei ame laba kanyua unyibun, ame he ka han dra; me oge me he ka wâ hmâ at eling ame han dra, me subâ degecâ e ûnyi hnyi iny hnyei.

Levitiko 20:3

Oge me he ka wâ hmâ at eling me subâ degecâ e ûnyi hnyi iny hnyei; anyin a e ame ham nokon kö Moleka, me ame oikikiâ dok a kabik, me okongoâ iök ae kap.

Levitiko 20:6

Ke haba at ame saû ka je hnyat tren hanu me tavat bibihwakeoin, he ka bi ûnyi monu hotudrin, me oge me he ka wâ hmâ at eling me subâ degecâ ûnyi hnyi iny hnyei.

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Zakaria 4:10

Ke ie at ame hia but hûkötiâ bonginy ûnyi ae ûhnyûkong? anyin a haba hnyat ang a seven, a je emakö Iehova, me ödrin e he ka senyin ödrin ka wâ tulut tot hnyi hnyamö Zerubabela; ke ödrin e vheno hmeledrany hia.

Ioane 9:31

E khanʼ ota but, a gʼ ame ca he Khong ka long tavat ae monu: ke a ne ke at ame outen Khong me mâdrâ weny, me e ame he bi ka long kâu.

Deuteronomi 11:12

e hnyei ame tuö hnö Iehova Khongom; ke e bala bi hon e li emakö Iehova Khongom, hwân hnyi hnyimakan huna ke ne o but hnyi obiny.

Iakobo 5:16

Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.