I. Peteru 2:9 - Iaai Bible 1901 (New Caledonia)

⁹ Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Peteru 2:9 Iomraidhean Croise

Salamo 106:5

Mʼ oge me he so but helâ me tavat u je ûca, Mʼ inye he ka tha senyin me lakem, Me tha ohobeluâ me jekhom.

Salamo 118:27

Iehova Khong, ke e ame hia but omelami ota: Ca ju je hut ge je tö, wale ka hnyi je baitoiny taben hut.

Salamo 135:4

Anyin a Ja ame hia but ûcû Jekob hnân hobi kâu, Me Isaraela hnân tang omjehen ae ûnyi hnathu.

Salamo 22:30

Ame be ke mâtrân ka bi athnyabainy; Kʼ adre me he ka ha dö a biliny ûnyi ge Than.

Salamo 33:12

Hnahic hnen hnyei a Iehova Khongon; A tavat e ame ûca hnân hing jekhon.

Salamo 73:15

Oge ne hia but ba, ka habe, Oge me he ka ha helâe; Wâ bi, inya at ame omonoâ ta je lakom.

Isaia 26:2

Khong ut je homagöule me me didro hnyei ae wisa, a at ame tuö hnathu.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 44:1

KE walang ang long ju, Jekob athnyabaik; ke Isaraela waleji oge ûca:

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Isaia 66:21

Ke oge me he ka hom keihen gadra, mʼ adre me tavat bihut, me at Levi but, haingö Iehova.

Isaia 9:2

Haba tavat waleji adre me vheno menekholom, me adre me wâ melam ae gan: ke haba tavat adre me labā je hnyei a hanon mok, me ame umumelam hudra lany.

Malaki 3:17

Ke haba ödra me tang omjehek, haingö Iehova, hnyi bong oge me thu; ke oge me he ka betenge gadra helâ me at ame betenge ge nokon at ame huliwa kâu.

Mataio 4:16

Haba tavat adre me laba hnyi menekholom Adre me wâ melam ae gan, Ke haba tavat adre me laba hnyi ke keihen hnyei a hmenon mok, Ame o but melam kodra.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Luka 1:79

He ka omelamâ tavat adre me laba hnyi lit me hmenon mok; He ka su ta je cata ka hnyi gethen ae hnahic.

Ioane 17:19

Oge me ka okabi nya hobi ködrin, mʼ ödrin e kap bi ödrin hnyi hnathu.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Ta je huliwa 26:28

Haba Ageripa ame ha kö Paulo, ka habe, U me beohmehmelö nya he ka bi Kerisiano ge ong hofuc ae ûhnyûkong.

Roma 9:24

wale öta, hnyat e ame hawʼ öta minya, a ca hake at Juda thibi, ke Aten minya bi ta je hnyei?

I. Korinito 3:17

A ne okongoâ uma umen Khong hnen ke at, me ame he Khong ka okongoâ e; anyin ae kap uma umen Khong, wale thibi öbun.

Efeso 1:14

waleji haten hnân ohnathoâ jekhöûta, ke ne o but adre me he ka omelö tavat adre ûco, hnân ogânâ anyin hmanenang.

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Efeso 3:21

me so adre ogânâ e hnyi ekalesia me hnyi Keriso Iesu hnyi ta je dö hia nyiele nyiele balua. Amen.

Deuteronomi 10:15

Ke so bi Iehova ame senyin ka lakâmâm me hnyok ködrin, me e ame ûca je mâtrânidrin hwabodrin, walʼ öbun e, ûnyi hnyi je hnyei hia, helâ me hnyi bong ang.

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Deuteronomi 18:2

Ke ödrin e ca he ka hu hwajeköudrin unyin je liamekeiny mödrin: haba Iehova hwajeköudrin, helâ me hnen hna ha ködrin.

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Deuteronomi 7:6

Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.

Filipi 3:14

me wadring hwege ka hnyi haten he ka hu hwaban hna hawo nya ûnyi ethö ge Khong, ûnyi ge Keriso Iesu.

Kolose 1:13

waleji at ame hûgûnʼ öta ûnyi hnyi maniny menekholom, me wiʼ öta ka hnyi dokhu dokhon Nokon a oûnykûminy;

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.

Hna Omanenâ 1:6

kʼ ame wiʼ öta me me dokhu me hnyat bihut ka Khong a Kamen; e so e unyin hmanenang me dokhu nyiele nyiele balua. Amen.

Hna Omanenâ 20:6

E hnahic ut me kap tavat adre me hnyi hanen möt hmetu a bân: e ba maniny mok a loiny ködrin; ke adre me he bi ka tavat bihut ka Khong me Keriso, ke adre me he ka tha musi mē ke ne o but hnyi je huna a wan thauzan.

Hna Omanenâ 5:10

me wiʼ ödra hnân dokhu me tavat bihut hobi kâu Khonguhmun; ke adre me musi eang hmeledrany.

I. Samuela 12:22

Anyin ame ca he Iehova ka hna degecâ lakeiny, ûnyi ge ien ae gan hmâ: anyin ae we Iehova he ka wiʼ öbun me hnân hing lakeiny.