I. Peteru 2:7 - Iaai Bible 1901 (New Caledonia)

⁷ Anyin a wale, haba ûnyihnathuiny, me hobi köbun a hnyat labageju: ke haba hnyat adre me ca labageju, me wale bi ang, Haba veto ame degec hnen tavat up uma, Me adre hia but ânyâ hnân ban kopiny,

I. Peteru 2:7 Iomraidhean Croise

Isaia 28:5

Ke hnyi bong eling ame he Iehova tuhan sabaoth ka tot hnân korona ae hmanenang, me hnabinybak ae mec, hobi kâu je kolon lakeiny:

Hagai 2:7

ke oge me he ka jijingâ ta je hneyi hia, ke ame he ka o ta je ûnyi wale ame weny ta je hnyei hia, ke oge me he ka öunöngötâ uma eang ge hmanenang, haingö Iehova tuhan sabaoth.

Zakaria 4:7

U ie at, bucen ae gan? u me he bi ka helâ me dok ae tha hon hnyi hnyimakö Zerubabela: ke e ame he ka hom je veto hnân oumo, me hongot, ka habe, Ibetengiö bâu, ibetengiö baû unyin e.

Mataio 21:42

Haba Iesu ame ha ködrin, ka habe, Öbun e ca aû hna sihnalimen, ka habe, Haba veto ame degec hnen tavat bi uma, Me adre me ânyâ me hnân ban kopiny: Ûnyi ge Than eling, Ke ate me wâ me lâiâ?

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Luka 2:34

ke haba Simeona ame hahnahici ödru, me ha kö Maria a hinyen, ka habe, Wâ bi, adre me ip wanakat ang hnân okolo me otilâ tavat ae se hia hnyi Isaraela; ke hnân haten minya adre me he ka haikongoâ;

Luka 20:17

Me e ame ö ʼdrin me ha, ka habe, Ieû hna sihnalimen, ka habe, Haba veto ame degec hnen tavat hötilö uma, Adre hia but ânyâ hnân ban hon bahebet?

Ioane 4:42

mʼ ödrin e ha bi ka momo, ka habe, Ohmun e ca hake labageju thibi ûnyi ge hwâm hofuc; anyin a ohmun e hnyi long ut me wâ a wale thibi e At omelö hmeledrany.

Ta je huliwa 26:19

Anyin a wale than Ageripa lö, oge me ca oûnyibâûâ hna omanenâ ûnyi hnyi drany:

Roma 10:21

Ke e ame hâiâ at Isaraela, ka habe, Oge me lau li hnyamok hnyi je bong ka tavat adre me ca ûling, a tavat ivinoâ.

Roma 15:31

me me hûgûnö nya but ge tavat adre me ca ûling hnyi Juda, me me kap soâ hnen wakap anyik huliwa hobi kodra hnyi Jerusalema;

II. Korinito 2:16

haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang?

Kolose 2:10

kʼ adre me ounöngöti öbun ûnyi gan, kʼ ame ban at eling hon ta je musi me ta je man hia thithö;

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Heberu 11:31

Hnen labageju ame ca tha mok Rahaba, a momo hnyi gethen, me tavat adre me ca ûling, anyin a e ame kap soâ li at adre kunâ he ka ecmak.

Heberu 4:11

Anyin a wale e so ate me hwege he ka dit ka hnyi hna menâ eling, wâ e nye û but ke at e ka he ka ûcûcubongo ca ûling eling.

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

I. Peteru 2:4

kʼ öbun e he kâu wale veto ae möt, ke a degec hnen tavat, ke a ûca hnen Khong, ke gan hmâ hwaban,

I. Peteru 2:8

me Veto hnân othoâ, me kic hnân öüo; anyin adre me thö thö hnyi hofuc, anyin adre me ca labageju: ke adre me ip ödra hnân ûnyi eling.