I. Peteru 2:6 - Iaai Bible 1901 (New Caledonia)

⁶ Anyin adre me ha hnyi hna sihnalimen, ka habe, Wâ bi, inya oge me ip hnyi Ziona veto hnân kopiny adre ûca, ke gan hmâ hwaban: Ke ame ca he ka hmehma at ame labageju kâu.

I. Peteru 2:6 Iomraidhean Croise

Genese 49:24

Ke hwege balua anyin cafana, Kʼ adre ohwegiâ li hnyamen me li benyin, Unyi ge li hnyamen thani Jekob, (Ûheny e at tuö mamoe, wale veto anyi Isaraela,)

Salamo 40:14

E so adre me he ka hmehma me tha monumonu Tavat adre me elâm hanuk he ka ohia e: E so adre me he ka ohmetuhmeto me ohmehma Tavat adre me senyin ge hna okongu nya.

Salamo 89:19

U je ha eji ka latâm ae kap deny hna; omanenâ, Haingâm, ka habe, Oge hia but ip ûhadruo unyin at ae hwege; Oge hia but ogöranyâ hna ûca unyin tavat.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Isaia 41:11

Wâ bi, adre me i he ka hmehma me hlohlo ödra hia thithö adre me hmönyidra köu: ke haba tavat adre me ivino möu me adre me he ka helâ me ba kʼ adre me he ka hia but.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 50:7

Ke ame he Than Iehova ka hadruo nya; anyin a wale ame ca kong hnyekuk: anyin a wale oge me ânyâ hnyimakök helâ me oût, ke e khanö nya but a oge me ca he ka hmehma.

Isaia 54:4

Ca ot bi; anyin a u me ca he ka hmehma: ke ca hlohlo bi; anyin adre me ca he ka ohmehmai u: anyin a u me he ka hnying hmehma waleji u ka tiga ûhnyûkong, ke u me ca he bi ka ûnykûme hna ohmehmai u waleji u tiga safac.

Daniela 10:21

Ke so bi oge me he ka ha köu hna sihnalimen hnyi tusiny hnathu: ke ba hiök hnyi ta je ûnyi eling, ke so thibi Mikaela a tuhöbun.

Zakaria 10:4

Ame he ka o ûnyi gan veto hnân kopiny, ke ûnyi gan minya matalafi, me cafanainy vat, ûnyi gan ame he tavat musi hia.

Mataio 12:18

Wâ bi, athnyabaik oge me ûca; A oûnykumik, wale ame senyin kâu hanuk: Oge me he ka ip Hanuk hon, Ke e ame he ka omanenâ wisa ka Aten ta je hnyei.

Mareko 12:10

Öbun e ca munyi aû hna sihnalimen, ka habe, Haba veto ame degec ge tavat bi uma, Me adre hia but ânyâ eling me hnân kopiny bahebet:

Luka 20:17

Me e ame ö ʼdrin me ha, ka habe, Ieû hna sihnalimen, ka habe, Haba veto ame degec hnen tavat hötilö uma, Adre hia but ânyâ hnân ban hon bahebet?

Luka 23:35

Ke ame utitilen dö tavat me wâ. Ke haba tavat musi adre me hiâ e, me ha, ka habe, A hia but omelö keihen; ke a ne e Keriso a oûnykûminy Khong, e so e ame he ka omelö e bi.

Ioane 7:38

Haba at ame labageju könya me ame he ka uoû ûnyi eû hnyi hnyekon je wageweiny möt, helâji me hna sihnalimen.

Ta je huliwa 1:16

Hnyat me lakeiny lö, e ûcû he ka ohwâdâ hna sihnalimen a hia but ha adrem Hanu Kap ge hnyimö Davita ga Juda, at ame su ödra ka köt Iesu.

Roma 10:11

Anyin a haingen hna sihnalimen, ka habe, Ame ca he ka hmehma at ame labageju kâu.

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Efeso 2:20

ke adre me up öbun hon taben ta je aposetolo me ta je perofeta, ke haba vetoiny ban kopiny, me Iesu Keriso;

II. Timoteo 3:16

Haba ta je hna sihnalimen hia ûnyi ge hanon Khong, rae ûcû minya hnân he ka ûne, me hnân owisa, me hnân nâ, me hnân sihwege hnyi hwakecin ae wisa:

I. Peteru 2:4

kʼ öbun e he kâu wale veto ae möt, ke a degec hnen tavat, ke a ûca hnen Khong, ke gan hmâ hwaban,

I. Peteru 2:8

me Veto hnân othoâ, me kic hnân öüo; anyin adre me thö thö hnyi hofuc, anyin adre me ca labageju: ke adre me ip ödra hnân ûnyi eling.

II. Peteru 1:20

ke öbun e wâhmakhmetoâ a bân, ka habe, haba je hna perofeta hia thithö hnyi hna sihnalimen, me, ame ca manen baû bi.

II. Peteru 3:16

ke helâe hnyi anyin ta je tusi ame ha hnyin ta je ûnyi e; ke wale thibi e ke je hofuc ae hmak he ka wâ tremângâ, adre wia hnen tavat adre ca nâ me tavat loloâ, helâe minya ke je hna sihnalimen, mʼ adre me ka ohnaûhangʼ ödra bi.