I. Peteru 2:4 - Iaai Bible 1901 (New Caledonia)

⁴ kʼ öbun e he kâu wale veto ae möt, ke a degec hnen tavat, ke a ûca hnen Khong, ke gan hmâ hwaban,

I. Peteru 2:4 Iomraidhean Croise

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Daniela 2:34

Ke u je wâ ke ne o but ame manen dö veto adre so ke ca hnen hnyam, kʼ ame kot hnatheat hnyi li can a fao ke kânâ kece, me ame omomonu but.

Daniela 2:45

Anyin a u je wâ a gʼ adre sö veto ûnyi hnyi bucen, ke ca hnen hnyam, me e ame kot omomono fao, me bras, me kânâ ae kece, me sileva, me gol; haba Khong ae gan ame omanenâ ka than ta je ûnyi ame he ka o nyiele: ke e hnathu bwi, ke hmâ bi hna ha bongon.

Zakaria 3:9

Anyin a wâ bi veto oge hia but ip hnyi hnyimakö Josua; seven je ecmak hnyi veto a khaca: wâ bi oge me he ka kave hna kave e, haingö Iehova tuhan sabaoth, ke oge me he ka ohia hulöiny hnyei eling hnyi bong a khaca.

Zakaria 4:7

U ie at, bucen ae gan? u me he bi ka helâ me dok ae tha hon hnyi hnyimakö Zerubabela: ke e ame he ka hom je veto hnân oumo, me hongot, ka habe, Ibetengiö bâu, ibetengiö baû unyin e.

Mataio 11:28

Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

Mataio 12:18

Wâ bi, athnyabaik oge me ûca; A oûnykumik, wale ame senyin kâu hanuk: Oge me he ka ip Hanuk hon, Ke e ame he ka omanenâ wisa ka Aten ta je hnyei.

Mataio 21:42

Haba Iesu ame ha ködrin, ka habe, Öbun e ca aû hna sihnalimen, ka habe, Haba veto ame degec hnen tavat bi uma, Me adre me ânyâ me hnân ban kopiny: Ûnyi ge Than eling, Ke ate me wâ me lâiâ?

Ioane 14:19

E okhulit biju ûen me ame ca he hmeledrany ka ö nya; ke öbun e he ka ö nya: anyin a oge me möt, me öbun e he minya ka möt.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 5:26

Anyin ae ka hu bi ge Kamen anyin möt, ke helâe e ame hna ka Nokon he ka hu gan möt:

Ioane 5:40

ke öbun höcö he ka he könya me me hu möt gabun.

Ioane 6:37

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Ioane 6:57

Haba Kamen ae möt ame kunö nya, ke inya oge möt ûnyi ge Kamen; ke helâe ge at ame he ka han unyik, e ame he ka möt ûnyi gak.

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

I. Korinito 3:11

Anyin ae ca khana bi ke at he ka ip hmetu ke taben, ke so bi hnödra hna ip, wale Iesu Keriso.

Kolose 3:4

E ka he ka manen dut Keriso a melita, mʼ ate me he ka tha manan mē hnyi hmanenang.

I. Peteru 1:19

ke so bi ûnyi ge dren Keriso ae gan hwaban, helâ me nokon mamoe ae ba hnyikongon me ba monuiny:

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

I. Peteru 2:7

Anyin a wale, haba ûnyihnathuiny, me hobi köbun a hnyat labageju: ke haba hnyat adre me ca labageju, me wale bi ang, Haba veto ame degec hnen tavat up uma, Me adre hia but ânyâ hnân ban kopiny,

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

II. Peteru 1:4

ke can thibi e, e ame ham köta ta je hna ha bânâ ae ûnyi hnathu me gan hmâ hmonyin; mʼ öbun e he ka hnyi vheno hwakecin Khong, hnen e, öbun tavat kec ge hwakecin ae kong eang hmeledrany ûnyi ge weny Khong.