I. Peteru 2:12 - Iaai Bible 1901 (New Caledonia)

¹² e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Peteru 2:12 Iomraidhean Croise

Salamo 37:14

Haba tavat ae kong adre hia but oc hele vat, me oto cafana; Mʼ adre me he ka hagutâ at ae vec me at ae theduoc, Me hlingâ tavat adre me he wisa hnyi gethen.

Salamo 50:23

Haba tavat hia adre me hudo ole, me adre me oganö nya; Ke oge me he ka omanenâ ûhomeli anyin Khong Ka at ame penapena deny gethen.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Daniela 6:4

Ke haba ke li at musi ae beönua ke tavat musi ae gan, me adre me elâm can ga Daniela ûnyi hnyi dokhu; ke ca khanʼ ödra he ka wâ ke can ke hulo: anyin a e hnathu, ke ba monu ke kongon adre me wâ gan.

Mataio 10:25

E so ka at adre nâ ame ne tha ûcû me at ame nâ e, ke e ka tha ûcû hlu me tuhan. Adre ne hia but hawâ at ae tren hnyaba, ka habe, Belezebuba, hawa, adre me ca he minya ka hawâ ien aten hnyaban!

Mataio 5:11

Hnobun hnahic e ka he tavat ka û öbun me oveci öbun, me haikongu öbun, me bai thoi öbun ge ta je ûnyi hia can inya.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Mataio 9:8

Ke ame wâ e hnen tavat ae se hia, me adre me lâiâ me ogânâ Khong, wale at ame ham man a helâe ka at.

Luka 1:68

E so adre me haisoâ Than Khongu Isaraela; Anyin a e ame senâ me bi hwaban möt hobi kâu lakeiny,

Luka 19:44

me othahoni u me kânâ, u me je lakom unyâm; ke ame ca he ka hnen ke veto hon ke veto hnyi wanbâm; anyin ae ca khanö u ûen adre me senʼ u hnyin.

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Ioane 13:31

E ame didrut, kʼ ame ha Iesu, ka habe, Adre me ogânâ walang ang Nokon at, ke adre me ogânâ Khong ûnyi gan;

Ta je huliwa 15:14

Haba Simona ame hia but omanenâ hnen Khong hna senâ bânâ Aten ta je hnyei, he ka hom ûnyi gadra hnyei hobi kâu ien.

Ta je huliwa 24:13

Ke ca khanʼ ödra minya bi he ka ohnathoâ ta je ûnyi adre me bi fuci nya hnyin.

Ta je huliwa 25:7

Ke e ame o but, kʼ ame tot igigilo e at Juda adre me utut ûhedra Jerusalema, me bi fuci Paulo ge ta je ûnyi ae hmak, ke ta je ûnyi ae se, ke ca khanʼ ödra he ka ohnatho;

Ta je huliwa 28:22

Ke e wehmun he ka long gam ûnykûmenâm: anyin ae khanʼ ohmun a gʼ adre me haikongoâ hnyi je dok hia hmi ang.

Roma 12:17

Ca bi hwaban bi monu anyin ke at ge monu. Penapena thö ta je ûnyi ae ûcû hnyi hnyimakan tavat hia.

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

Roma 14:18

Anyin a Khong ame senyin ka at ame bi athnyaba kö Iesu Keriso hnyi ûnyi eling, ke ame haisoâ minya hnen at.

Roma 15:9

me me he Aten ta je hnyei ka ogânâ Khong can anyin ibetengiö baû, helâ me hna sihnalimen, ka habe, Wale me inye he ka oganö u hnyi wanben Aten ta je hnyei, Me khumöngö iâm.

I. Korinito 14:25

adre omanenâ ta je ûnyi ae iyong hnyi hnyekon; me e ame he ka ta ju hnyimanan hnyikânâi me khudrung ka Khong me ha, ka habe, e hnathu e unyibun Khong.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 13:7

Ke öhmun e hic ka Khong, mʼ öbun e ca he ka ânyâ hulo; ke ca hnân bi omanenâ a öhmun hnyat ae so, ke so bi mʼ öbun e he ka ânyâ so, ke monu bi öhmun.

II. Korinito 8:21

anyin a öhmun e ûnykûme he ka ânyâ ta je ûnyi hnyi wisa, ca hnyi hnyimakan Than thibi, ke hnyi hnyimakan minya bi tavat.

Efeso 2:3

ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:—

Efeso 4:22

mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;

Filipi 1:27

E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so;

Filipi 4:8

Hnyat me lakeiny lö, walang obiny, ka habe, haba ta je ûnyi ae hnathu, me ta je ûnyi adre me haisoâ, me ta je ûnyi ae wisa, me ta je ûnyi ae kalaöt, me ta je ûnyi ae hmanenang, me ta je ûnyi ae lung so; ke a ne ke hwakecin ae so, me ke ûnyi hnân ogânâ, ûnykûme ju öbun ta je ûnyi e.

I. Thesalonika 4:12

mʼ öbun e he ka vheno soâ kodra eû hnyou, mʼ öbun e ca he ka theduoc.

I. Timoteo 2:2

hobi kâu je than, me tavat musi hia; mʼ ate me he ka laba wia me ûsoköu hnyi ta je hwakecin hia thithö ae ûcû ka Khong, me hwakecin ae wisa.

I. Timoteo 4:12

E so ame ca he ke at ka hmiân ânyâm hidröu; ke u me he ka bi tulut ka tavat labageju, ge hwâm hofuc, me hwaʼ kecâm, me ibetengiö, me labageju, me hwaʼ kecin ae kalaöt.

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

Heberu 13:18

Hic dʼ öbun hobi kohmun: anyin a öhmun e ûnykûme ae hu but gahmun ûnykûm sa ae so, ke wehmun he ka so hwakecihmun hnyi ta je ûnyi hia thithö.

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Iakobo 3:13

Ewa at unyibun ae metâ kʼ ame wâ ûnykûme? e so e ame he ka omanenâ anyin ta je huliwa ge hwakecin bi ae so, me hwakecin ae menyik me metâ.

I. Peteru 2:15

Anyin a wale weny Khong, mʼ öbun e he ka ohnyiböâ hwen monu anyin tavat ae ca metâ ge anyibun huliwa ae so:

I. Peteru 3:16

ke e hu gabun ûnykûm sa ae so; waleling me me hmehma ju tavat adre me haikongo hwakecibun ae so unyin Keriso: anyin adre me haikongu öbun.

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.

II. Peteru 3:11

Ke can ame he ka hia ta je ûnyi e, me ieû hwakecin ae ûcû köbun? hawa e ca so öbun e he ka tavat ae hnathu hnyi hwakecin ae kap me hwakecin ae ûcû me Khong,

Rutha 3:14

Ke e ame mokut hnyi li can ke ne o but hnyi haolany, kʼ ame köûö hnyi okubelit. Anyin a haingen at, ka habe, Ca he ka ha a ga mwi ang momo hnyi hna huje hwit.