I. Peteru 2:10 - Iaai Bible 1901 (New Caledonia)

¹⁰ waleji a ca aten dokhu ehac, ke aten bi dokhu dokhon Khong walang ang: waleji a tavat adre ca betenge gadra, ke adre betenge bi gadra walang ang.

I. Peteru 2:10 Iomraidhean Croise

II. Samuela 7:24

Ke u je ohmâ em hnyei a at Isaraela hobi köu, hnân em hnyei nyiele balua; ke haba u Iehova, u je bi Khongudrin.

Hosea 2:23

Ke oge me he ka tâ e hobi könya bi hnyi kânâ; ke oge me he ka betenge gan waleji adre ca betenge gan; ke oge me he ka ha kodra a ca lakeik, ka habe, Lakeik u; ke adre me he ka ha, ka habe, Khonguk.

Roma 10:19

Ke inya oge me ha, ka habe, Hawa e ca khana at Isaraela? A bö Mose ka ha, ka habe, Oge me he ka oihunyinköu öbun ge tavat a ca hnyei hnathu bi, Oge me he ka ohmönyini öbun ge hnyei ae monu bi.

Roma 11:30

Anyin a öbun e ca long hoton Khong ehac, ke walang ang adre me betenge gabun ûnyi hnyi hnödra hna ca long hoton,

I. Korinito 7:25

E ba hnanyibu anyin Than könya ge wahlu: ke oge me omanenâ ûnykûmenök, helâ me at ame hnathu ûnyi ge ibetengiö anyin Than.

I. Timoteo 1:13

ke haba bi ehac, me, iny at bi gan, me ûöveci, me at ame okongoâ: ke e ame betenge gak, anyin a oge me ânyâ hnyi ca khanö nya, me hnyi hnok hna ca labageju;

Heberu 4:16

Anyin a wale e so ate me he ka hwege ûhakekenyâ theroniny ibetengiö baû, mʼ ate me he ka kap ibetengiö, me wâ ibetengiö baû hnân he ka hadruʼ öta hnyi ûen ae ûcû.