I. Peteru 1:7 - Iaai Bible 1901 (New Caledonia)

⁷ mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

I. Peteru 1:7 Iomraidhean Croise

Jobu 23:10

Ke so bi e ame wâ dek gethen; E ka hia but cubic nya me oge me he ka o helâ me gol.

Jobu 28:1

E hu thopiny sileva, Me hnen gol adre me ânyâwia.

Salamo 17:3

U je hia but cubec hnyekuk; me sene nya hnyi lit; U je hia but cubic nya, ke ba wânâm; Oge me ip hmâ eû hnyi hnyekuk a gʼ ame ca he hnyimök ka hanyâûâ.

Ta je Vejec 16:16

Shaiba ge soiny hom metâ hon gol! Eke, e so he ka hu wâhmakhmeto hon he ka hûce sileva.

Ta je Vejec 17:3

Hnân leû sileva öt, ke hnân leû gol meic: Ke Iehova bi at ame cubec ta je hnyok.

Ta je Vejec 8:19

E so anyik wan hon gol, eke, hon gol ae so; Me anyik troban, hon sileva ae so.

At Khet 5:14

ke ame hia ta je omjeû eling hnyi deny ae kong; ke ame ne hu nokon, me ba ke ûnyi hobi kâu bi.

Isaia 48:10

Wâ bi, oge hia but cubic u, ke ca helâ me sileva; oge ûco u hnyi hna meicin seda.

Jeremia 48:36

Anyin a wale ame fuc hnyekuk helâ me utkowi ge Moaba, kʼ ame fuc hnyekuk helâ me utkowi ge at Kira-heres: anyin a hia but je kolon je ûnyi adre me hu.

Jeremia 9:7

Anyin a wale walang hna ha hnö Iehova tuhan sabaoth, Wâ bi, oge me be ka oköiʼ ödra, me cubic ödra; anyin a ieû hmetu ke ûnyi oge me he ka ânyâ, can hluiny ik hnyei?

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Malaki 3:3

ke e ame he ka laba helâ me at le me ânyâwia sileva, ke e ame he ka obosoâ je laku Levi, me ânyâwi ʼödra helâ me gol me sileva; ke adre me he ka hudo kö Iehova je hut hnyi hwakecin ae wisa.

Numera 5:28

Ke adre me ne ca hia but okongoâ momo, kʼ ame ne bo so; awe, ame ke ka he bâu bi momo, kʼ ame he ka erkin bi.

Mataio 19:28

Haba Iesu ame ha ködrin, ka habe, E hnathu inya oge me ha köbun, ka habe, haba hnyi hna he ka omelö hmetu, e ka he Nokon at ka laba hon theroniny anyin hmanenang, haba öbun tavat öbun e he hotuk, me öbun e be minya bi ka laba hon je theron a twelv, he ka owisa je tribu anyin at Isaraela a twelv.

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

Mataio 25:23

Haingen than ame ha, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia: didro ka hnyi senyin anyin tuhâm.

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 17:30

ke ame he ka helâe minya hnyi bong ame he ka manen hnyin Nokon at.

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ta je huliwa 8:20

Me baba Peteru ame ha kâu, ka habe, A hnaûhango but ânyâm mone möu, anyin a u je ûnykûme he ka ûcû moniny ûnyi a ham bâûâ hnen Khong.

Roma 2:10

ke hmanenang, me hna ogânâ, me hnahic kodra hia adre me mâdrâ so, a bân ka at Juda, me ka at Heleni minya ju:

Roma 2:29

ke e at Juda bi a helâe eû hnyin; ke haba peritom, e bi hnyi hnyok, me hanu, ke ca e bi hnyi tusi; wale ame ca ogânâ bi hnen at, ke so bi hnen Khong.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

Roma 8:19

Anyin a haba hmeledrany ame halubahingen me ti weny gan hmâ hna omanenâ lakon Khong.

I. Korinito 3:13

me ame he ka ve manen dut huliwa anyin at: anyin a hamen bong he ka omanenâ bi, kʼ adre me he ka omanenâ e hnen meic; ke hamen meic he ka ve cubic huliwa anyin at me me manen dut bongon.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

I. Peteru 1:13

Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.

I. Peteru 2:4

kʼ öbun e he kâu wale veto ae möt, ke a degec hnen tavat, ke a ûca hnen Khong, ke gan hmâ hwaban,

I. Peteru 2:7

Anyin a wale, haba ûnyihnathuiny, me hobi köbun a hnyat labageju: ke haba hnyat adre me ca labageju, me wale bi ang, Haba veto ame degec hnen tavat up uma, Me adre hia but ânyâ hnân ban kopiny,

I. Peteru 4:12

Je oûnykûminy lö, ca he öbun ka lâiâ ge ûcûbic helâ me meic unyibun ame o he ka cubic öbun, helâke me ûnyi ae teb ûnyi ame o köbun:

I. Peteru 4:13

ke so bi senyin dʼ öbun anyin öbun e tha hom vec me Keriso; mʼ öbun e be ka senyin gan hmâ e ka manen dut anyin hmanenang.

I. Peteru 5:1

INYA oge me sihwegiâ wahingat unyibun, inya minya ang ke hingat, me at ohnatho je vec anyin Keriso, me at ame he ka hnyi hu hmanenang ame he ka manen:

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

II. Peteru 1:4

ke can thibi e, e ame ham köta ta je hna ha bânâ ae ûnyi hnathu me gan hmâ hmonyin; mʼ öbun e he ka hnyi vheno hwakecin Khong, hnen e, öbun tavat kec ge hwakecin ae kong eang hmeledrany ûnyi ge weny Khong.

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,

Hna Omanenâ 1:7

Wâbie ame he ka o hnyi ta je ûlâ; kʼ ame he bi ka wâ e hnen ta je ecmak hia, me tavat waleji adre me dâ e; ke ame he ta ie tribu hia eang hmeledrany ka tenge thungaû gan. Eke, Amen.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.

Hna Omanenâ 3:10

U je tuö hofucin hnok hna hok hnyok, anyin a wale, oge me he bi nya ka tuö u hnyi ûen ûcûbic, wale ame he ka o ka hnyi hmeledrany hia thithö, he ka cubec tavat adre me laba eang hmeledrany.

Hna Omanenâ 3:18

anyin a wale oge me ha köu he ka ûco gak gol adre degec tiren hnyi meic, me u me tren ta ûnyi; me je ûkhaû ae hau, mʼ u me he ka khavâ, me me ca manen bi hmehma wale he thu a u: me bubunyin ecmak hnân botro kâu li emâkâm, me u me bwela but.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.