I. Peteru 1:6 - Iaai Bible 1901 (New Caledonia)

⁶ Wale öbun e senyin gan hmâ hnyin, ke so bi Öbun e ne hmak hnyi je ûcûbic ae ve bongon hnyi ong ûen walang ang, a ne ûcû,

I. Peteru 1:6 Iomraidhean Croise

Salamo 119:28

Ame tenge hanuk ge hmak: Sihwegiö nya thö hoton hwâm hofuc.

Salamo 119:75

Iehova lö, e khanö nya but ae wisa hnâm ta je hna owisa. Me u je hia but oveci nya hnyi hnathu.

Salamo 34:19

E se hia ta je vec anyin at ae wisa: Ke Iehova ame omelo e ûnyi hnyi ta je ûnyi hia.

Salamo 35:10

Ame he je jeiok hia ka ha, ka habe, Iehova lö, ie at ae ûcû möu, At ame omelo at ae vec ûnyi ge at ae hwege hon, Eke, me at ae vec me theduoc ûnyi ge at ame söh e.

Salamo 69:20

E vec hnyekuk ge hna haikongu nya; ke iny unöngötö ge hmak: Ke oge me halubahingen ibetengiö, ke ba bi; Me ûötubweli, ke oge me ca wâ bi.

Salamo 9:14

Me inye he ka haimemenâ je hofuc hia hnân oganö u: Ke oge me he ka senyinâ ûhomeli gam, Hnyi je homagouleny hlu nöku Ziona.

Salamo 95:1

AI öbun ate me he ka khumöng ko Iehova: Ate me he ka hongot senyin ka kic at ame omeli ota.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Mataio 11:28

Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

Mataio 26:37

Me e ame hum Peteru me li laku Zebedaio, me hwân he ka vec gan hmâ me hmak hnyekon.

Mataio 5:12

Senyin dʼ öbun me hobâ: anyin ae gan hmâ hwaböbun ethö hnyi drany; anyin a helâe adre me ovecâ ta je perofeta a bân.

Luka 1:47

Kʼ ame hobâ hanuk ka Khong At a omeli nya.

Luka 10:20

Ke ca senyin bi ge hna ling öbun hnen ta je hanu; ke senyin dö ge hna sihnalimen je iöbun ethö hnyi drany.

Luka 2:10

Ke haba angela ame ha ködrin, ka habe, Ca ot bi; anyin a wâ bi, inya oge me ha köbun ûthumetu ae so hnân senyin gan hmâ hobi kâu tavat hia thithö:

Ioane 16:22

E hu gabun walang ang hlöuhlöu: ke oge me he hmetu ka iouny mʼ öbun, me ame he je hnyekubun ka senyin, ke ba at ame he ka ohia anyibun senyin.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

Roma 12:12

senyin hnyi gejon; hokhnyokâ ju vec; labö hic bala;

Roma 5:11

Ke ca hake wale thibi ang, ke ate me senyin ka Khong ûnyi ge Tuhöta Iesu Keriso, wale ate me kap ûsoköu ûnyi gan.

Roma 5:2

a deny e adre hia but hnʼ öta ûnyi ge labageju ka hnyi ibetengiö baû eang ate me tot hnyin; ke so ate me senyin me gejon hmanenanginy Khong.

Roma 9:2

ka habe, iny vec gan hmâ, ke hlöuhlöu bala bi hnyekuk.

II. Korinito 4:17

Anyin a haba anyihmun vec ae hâhâ, wale ame ie hia, ame huliwan gan hmâ tot hobi kohmun hmanenang ae hmak ke nyiele balua;

II. Korinito 6:10

helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Filipi 2:26

ke e ame ti weny köbun hia, kʼ ame hmak ge hnobun hna long a ga hu mok gan:

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Filipi 4:4

Senyin bala thö ka Than: ke inya hmetu oge me ba, ka habe, Senyin dö.

I. Thesalonika 1:6

Ke öbun e ûcûcûbingi öhmun, me Than minya, me kap hwan hofuc hnyi vec ae gan hmâ, me senyin ûnyi ge Hanu Kap;

Iakobo 1:2

Hnyat me lakeiny mönya lö, e so öbun e he ka ûnykûme a hnân senyin gan hmâ e ka o köbun ta je ûcûbic ae ve bongon;

Iakobo 1:9

E so ame senyin liamekeiny ae theduoc hnyi hna ogörânyâ e:

Iakobo 4:9

E so öbun e he ka vec, me tenge thungaû, me tenge: e so he ka wia anyibun hluma ka hnyi tenge thungaû, me anyibun senyin ka hnyi hnyok ae hmak.

I. Peteru 3:17

Anyin ae so but, a ne weny Khong, mʼ öbun e he ka vec can so öbun e ânyâ, ke kong bi e can hulo öbun e ânyâ.

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

I. Samuela 2:1

KE haba Hana ame hic me ha, ka habe, Ame senyin hnyekuk ga Iehova, Ame ogöranyâ anyik faoiny meno unyi Iehova: Adre ogânâ hnyimök hon je iwahnaihmiony mönya; Anyin a oge hobâ ûhomeli ûnyi gam.