I. Peteru 1:1 - Iaai Bible 1901 (New Caledonia)

¹ INYA Peteru aposetolo anyi Iesu Keriso, oge me sihnalimen ka ta je atkanyua adre me ve se ka hnyi Poneto, me Galatia, me Kapadokia, me Asia, me Bithunia,

I. Peteru 1:1 Iomraidhean Croise

Esetera 3:8

Ke haba Hamana ame ha kö Asueru than, ka habe, E hu tavat adre me vese me ve laba hnyi je hnyei a je ke keihen hia hnyi dokhom dokhu; ke e ke anyidrin je hnanyibu me ta ogo hnyei hia thithö; ke ödrin e ca ânyâ je hnanyibu anyin than: anyin a wale e ca ûcû bi ka than he ka hokhnyoki ödrin.

Salamo 44:11

U je hia but hnʼ ohmun helâ me je mamoe hnân ban; Me ovesei ohmun dut hnyi wanben ta je hnyei.

Ezekiela 6:8

Ke so bi oge me he ka bi kolon, me me hu tavat unyibun adre me he ka kec möt ge hele vat hnyi je hnyei, öbun ka vese ka hnyi je hnyei.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Mataio 10:2

Ke walang ien ta je aposetolo a twelv, ka habe, A bö Simona, ke ien minya Peteru, ke Anederea liamekeiny mē, ke Iakobo nöku Zebedaio, ke Ioane liamekeiny mē;

Mataio 24:22

Ke adre ne ca owakhaletâ ta je bong, me ba at ame he ka möt: ke so bi adre me he ka owakhaletâ ta je bong e ge tavat adre ûca.

Mataio 4:18

Ke e ame vheno hobat köiö Galilaia, ke e ame wâ li liamekeiny, jia Simona ke ien Peteru, me Anederea a keiny, ödru me thong ert eû hnyi köiö; anyin a ödru li at thut.

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Ioane 11:52

ke ca hake hnân hnyei eling, ke so bi mʼ adre me ûkhacaköu lakon Khong adre vese, mʼ adre me khaca thibi.

Ioane 7:35

Me haba at Juda adre me ûhnenamököuâ, ka habe, Ewa dok ame he at ang ka he ka hnyin mʼ ate me ca he bi ka wâ; hawa, e ame he ka he ka tavat adre vese unyin at Heleni, me nâ at Heleni?.

Ta je huliwa 18:2

Ke e ame wâ ke at Juda, Akula ien, at adre hnokoâ hnyi Ponoto, e ame hap o thö ûheny Italia tha e me âiân Perisila, anyin a Kalaudio ame obâ at Juda hia ûnyi hnyi Roma: e ame he but ködru;

Ta je huliwa 18:23

Ke a hia but laba eling hnyi ke je bong, me e ame he but, me vheno hia hnyei Galatia me Ferugia, ame sihwegiâ ta je laten hia.

Ta je huliwa 19:10

Ke lo li huna e ame ânyâ helâe; waleling mʼ adre me long hia hnen tavat adre me laba hnyi Asia hofuc hwan Than Iesu, wale at Juda me at Heleni minya.

Ta je huliwa 6:9

Me ame todrö keihen ûhedrin hnyi sunago, haba ien, me sunago anyin at Libetino, me at Kurene, me at Alesanedria, me tavat ûhedra Silikia, me Asia, me adre me ivinö me Setefano.

Ta je huliwa 8:4

Anyin a wale haba tavat adre me oveseâ adre me he but ka hnyi je dok me khetâ hofuc.

I. Korinito 16:19

Ame italofa mʼ öbun ta je ekalesia hnyi Asia. Ame italofa gan hmâ mʼ öbun hnyi Than Akula me Perisila me ekalesia hnyi hnyabadru.

II. Korinito 1:8

Hnyat me lakein lö, e ca wehmun e me ca khan öbun ge vec a o kohmun hnyi Asia, waleji adre me ti ohmakʼ öhmun ae gan hmâ hon tang hwegiöhmun, waleling me öhmun e ca ûnykûme hmetu bi he ka möt:

Galatia 1:2

me hnyat me lakeiny hia eang unyik, öhmun e sihnalimen ka ekalesia hnyi Galatia:

Efeso 2:12

ke ca e unyibun Keriso hnyi ta je bong eling, ke ta je atkanyua öbun hnyi bongon at Isaraela, ke ta je atkanyua öbun hnyi je ûhihinyköu waleji adre me ha bânâ, ke ba geju unyibun ke ba minya Khong eang hmeledrany.

Efeso 2:19

Anyin a wale ca je atkanyua hmetu bi Öbun, ke aten ke ta je hnyei bi, ke so bi ta je aten hnyei tha öbun me wakap, ke aten lap bi anyin Khong,

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.

Deuteronomi 32:26

Oge ha, ka habe, Oge me he ka ovesei ödra, Oge me he ka bi obiny hna ûnykûmi ödra ge tavat:

Deuteronomi 4:27

Ke ame he Iehova ka ovesei öbun ka hnyi ta je hnyei, kʼ ame he ka wakhalet biju kolon gabun unyin ta je hnyei ame he Iehova ka lili öbun ka hnyin.

II. Timoteo 1:15

E khanö u a gʼ adre kec khoto nya ödra hia hnyi Asia; haba Fugelo me Humenaio unyidra.

Heberu 11:13

Adre mok hia ju tavat e hnyi labageju, ke tiga ca hwâdâ je hna ha bânâ, ke adre me wâ me senyinâ ta je ûnyi e ke tiga sâkâu bi, ke adre haimemenâ, ka habe, ödra ta je atkanyaua me tavat vhevhe eang hmelen.

Iakobo 1:1

INYA Iakobo athnyabainy Khong me Than Iesu Keriso, anyik italofa ka ta je tribu a twelv adre vese ehee.

I. Peteru 2:11

Hnyat a oûnykûmik lö, inya oge me ûjongi öbun a ta je atkanyua me tavat menâ tot, ka habe, ûsâkâûö but öbun me ta je weny unyin ae kong, je ûnyi ame vat me hanu;

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

Hna Omanenâ 1:11

Haba ta je ûnyi u je wâ, sihnalimen ju hnyi ke tusi, me kunâ ka ta je ekalesia: wale Efeso, me Semurina, me Peregamo, me Thuataira, me Saradi, me Filadelefia, me Laodikea.