Ioane 5:3 - Iaai Bible 1901 (New Caledonia)

³ Ame mokut eling tavat ae se hia a at sënyin, me wadröu, me kong can, me mat.

Ioane 5:3 Iomraidhean Croise

I. Je Than 13:4

Ka löng ut than hofuc hwan aten Khong, wale e ame ba ka hnyi taben hut hnyi Bethela, me haba Jeroboama ame inâ hnyamen, ûnyi hnyi hon taben hut, me ha, ka habe, Kât ju e. Me ame meleca hnyamen wale e ame inâ kâu, me me ca khana bi he ka oc hmetu kâu bi.

Ta je Vejec 8:34

Hnahic hnen at ame hling nya, At ame hmâkâ hnyi je homagöulek hnyi ta ogo bong, At ame tue hnyi uthwanumök.

Je tenge anyi Jeremi 3:26

E so he ka gejon me halubahingen ûhömeli anyi Iehova.

Zakaria 11:17

Ekölö ge at ame ca ti tuö mamoe, at ame hna degecâ hnahat mamoe! ame he hele vat ka ta hon benyin, ke emakan a metân: ame be ka meleca benyin, ke ti lit emakan a metân.

Mataio 15:30

Me ame o but kâu tavat ae se hia, tha ödra me ta je mat, me ta je wadröu, me ta je hum, me ta je bâbu, me keihen tavat ae se hia minya, me adre me khûʼ ödra ka hnyi hmelen li can; me e ame omeli ödra:

Mataio 4:24

Ke e ame lung igigilo Suria hia thithö: me adre me hom but kâu tavat ae mok hia thithö, wale ame takû ödra ge je ve mok me vec, tavat a delec demoni, me ing, me mat, me e ame omeli ödra.

Luka 7:22

Ke e ame thu ködru, ka habe, He thʼ öbu ka thumetu Ioane hnöbu hna wâ me long; a ga bwela but ta je wadröu, kʼ ame he thö ta je mat, ke khabalaû but ta je lepera, kʼ ame long dö ta je wejiji, ke a möt hmetu thö tavat adre mokcu, kʼ adre me khetâ but ûthumetu ae so ka ta je theduoc.

Ioane 5:2

E hnyi Jerusalema hnyi homagöuleny mamoe ke an, haba ion hnyi hwen Heberu, me, Betheseda, dok ae hu hnyin je poretiko a faiv.

Roma 8:25

Ke ate ne gejon hnöta hna ca wâ, ate me halubahingen e me hokhnyok.

Iakobo 5:7

Anyin a wale hnyat me lakeiny lö, hokhnyok ju ke ne o but ame o thö Than. Wâ bi, haba at belok ame halubahingen okoman hna belok ûnyi eû hnyi kânâ, me hokhnyok ke ne o but ame hu we a bân me we a biliny.