Ioane 10:3 - Iaai Bible 1901 (New Caledonia)

³ Ame khong ut kâu hnen at ame tuö homagöule; ke haba ta je mamoe, me adre me long ifucin: ke e ame hawâ ien haleny ta je mamoe, me hum ödra but hnyou ai.

Ioane 10:3 Iomraidhean Croise

Salamo 80:1

AT tue mamoe a Isaraela lö, loug ju, At ame su Josefa helâ me hnahat mamoe; At ame laba hon li kerubi, öumumelamâ but.

Esodo 33:17

Ke Iehova ame ha kö Mose, ka habe, Oge me he ka ânyâ minya ûnyi eang u me ha: anyin a inya oge me betenge gam, ke e khanö nya u me iâm.

Ta je Vejec 27:23

U ma labö ie wâhmakhmetoâ halem ta ja mamoe; Me tuö wia ju je hnahat meno a halem:

Khumöng Hwanyi Solomona. 8:13

At ame labâ je hna belök lö, Haba je la waem adre me tevehlöng ifucâm: Ö u hnö nya he ka hnyi long e.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Ioane 10:14

Inya ang at ame tuö wia ta je mamoe; ke oge me wâhmakhmetoâ halek ta je mamoe, kʼ ame wâhmakhmetu nya minya hnen halek,

Ioane 10:16

E hu minya ke ta je mamoe a halek, a ca hanen kak ang: ke ûcû könya he ka hum ödra minya, ke adre me he ka long ifucik; me me khaca thibi hnahat mamoe, ke khaca thibi at ame tuö.

Ioane 10:4

E ka hia but hna haleny je mamoe hnyou ai, e ame bân, ke haba ta je mamoe adre me he hoton: anyin adre me long hmakhmetoâ ifucin.

Ioane 10:9

Inya ang homagöule, a ne ke at ame didro unyik, e ame he ka möt, me didro me didrut, kʼ ame he ka wâ jeû.

Ioane 6:37

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Ioane 6:45

Adre me sihnalimen hnyi tusi anyin je perofeta, ka habe, Ame he Khong ka nʼ ödra hia. Ke haba tavat hia adre me long ûnyi ge Kamen, kʼ adre me ûne bi, me adre me he ka o könya.

Roma 8:30

ke haba hnyat e ame okabâ adrem, me e ame hawʼ ödra bi: ke haba tavat e ame hawʼ ödra, me e ame haiwisʼ ödra bi; ke haba tavat e ame haiwisʼ ödra, me e ame ohmanenangi ödra bi.

I. Korinito 16:9

anyin adre hia but khong könya hwanuma ae lau, ke hu huliwa hnyin, ke se hia ta je iwahnaihmiony.

Filipi 4:3

Eke, oge me sumatö u minya at ame hadruo nya hnathu nya, ka habe, hom hadruâ thö omomo tavat adre me tha huliwa mönya hnyi ûthumetu ae so, me jia Kelemene minya, me keihen tavat adre me tha huliwa mönya, a eû hnyi tusiny möt je iödra.

Kolose 4:3

ke hic minya hobi kohmun me me he Khong ka khong kohmun deny hwan hofuc, he ka ha ûnyi ae iyong anyin Keriso, wale adre cö nya can;

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.

I. Ioane 4:6

Öhmun tavat ûnyi ge Khong: ke ame ling öhmun hnen at ame wâhmakhmeto Khong; ke ame ca ling öhmun hnen at a ca ûnyi ge Khong. Hnen ûnyi e ate me wâhmakhmeto hanu ae hnathu, me hanu ae monu.

III. Ioane 1:14

ke inya oge me gejon he ka ie iouny möu, ke otu me he ka ûhnenamö ûhnyimaköu. E so e unyâm ûsoköu. Je lahanöta ödrin e italofa möu. Inya oge me ve italofa ka je lahanöta.

Hna Omanenâ 20:15

Ke e ka manen dut khaca waleji adre ca sihnalimen hnyi tusiny möt me adre me khûâ but e ka hnyi nem a meic.

Hna Omanenâ 3:20

Wâ bi, inya oge me tot hnyi hwanuma me seseto: e ka hu at ame löng ifucik me khong ut hwanuma, me oge me he ka didro kâu, me tha han mē, ke tha e mönya.

Hna Omanenâ 7:17

anyin ame he Arenio ka hat ödra, waleji a e hnyi wanben theron, ke e ame he ka lili ödra ka hnyi köiöiny möt ame pupua: ke ame be Khong ka kot degecâ ta je deköiö hia ûnyi hnyi ta je emaködra.