Ioane 1:3 - Iaai Bible 1901 (New Caledonia)

³ Adre me op ta je ûnyi hia thithö a deny e; ke ba ûnyi adre hia but op, a gʼ adre ca op gan.

Ioane 1:3 Iomraidhean Croise

Genese 1:1

HABA hnyi can Khong ame op drany me hmeledrany.

Genese 1:26

Ke haba Khong ame ha, ka habe, E so ate me op at hnyi wi ota, me tha ûcû mʼ öta: ke hamödra he ka musö ta je wâ eû hnyi köiö, me ta je meno ame gâ ethö, me ta je meno a vak cadra, me hmeledrany hia thithö, me ta je meno ame iyâû wale adre me iyâûâ hmeledrany.

Salamo 102:25

U je hia but bi taben hmeledrany kâû adrem; Ke haba ta je drany me wale huliwa anyin li hnyamâm.

Salamo 33:6

Adre me op drany ge hofuc ho Iehova; Ke ta je ûnyi hia hnyin ge homenâiny hnyimen.

Ta je Vejec 8:30

Oge me laba unyin ling, inya ke taben huliwa: E ame senyin gak hnyi je bong, Ke oge me hobâ bala hnyi hnyimakan;

Isaia 45:12

Oge hia but ânyâ hmeledrany me op tavat adre me labā e: oge me ulolo drany ge li hnyamok, ke oge muso ta je ûnyi hia hnyin e.

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Ioane 1:10

A mwi but e eang hmeledrany, ke e at a op hmeledrany, ke a ca wâ e hnen hmeledrany,

Ioane 1:2

E unyin Khong hnyi can.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

Efeso 3:9

me he ka omelamâ tavat hia, mʼ adre me he ka wâ hna penapena ae iyong adre ikhâlâ adrem unyin Khong wale at ame op ta je ûnyi hia thithö;

Heberu 11:3

Ate me wâ hnen labageju a gʼ adre me ânyâ ta je ûnyi hia thithö hnen hofuc hwan Khong, me adre me ca op ta je ûnyi adre me wâ ûnyi hnyi ta je ûnyi ae manen.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.

Hna Omanenâ 3:14

Ke sihnalimen ju ka angela anyin ekalesia hnyi Laodikea, ka habe, Walang ta je ûnyi ame ha hnen Amen, at ohnatho ae hnathu me wisa, waleji a at a hwân ta je ûnyi hia thithö a op hnen Khong:

Hna Omanenâ 4:11

U thibi ae ûcû, Than a Khonguhmun, he ka kap hna ogânâ, me hna ogöranyâ, me man: anyin a u je op ta je ûnyi hia thithö, ke haba ta je ûnyi e me hobi kâu wem, ke u je op minya.