II. Peteru 3:4 - Iaai Bible 1901 (New Caledonia)

⁴ me ha, ka habe, Ewa hna ha bânâ a gʼ ame he ka o? anyin a hwân dö hnyi ûen mokut a lakamöta adrem, me ame tethmâ bala ta je ûnyi hia thithö, waleji hwân hnyi hna op ta je ûnyi hia.

II. Peteru 3:4 Iomraidhean Croise

Genese 19:14

Ke Lota ame didrut me ûhnenamö me laûngon, hnyat ödrin e hom lakon je hlu, me haingen, ka habe, Todrö, kec dö ge dok ang, anyin ame he Iehova ka ohia hnyei. Ke laungon ödrin e ûnykûme a gʼ ame ûhiö.

At Khet 1:9

Haba ûnyi ame o ehac, me ame he hmetu bi ka o; ke haba ûnyi adre hia but ânyâ, me adre me he hmetu bi ka ânyâ: ke ba ûnyi ae teb ûnyi hmelen seûno.

At Khet 8:11

Anyin adre me ca ie bi hwaban huliwa ae kong, anyin a wale e hwege hnyekon tavat he ka mâdrâ hulo.

Jeremia 17:15

Wâ bi, ödra adre me ha könya, ka habe, Ewa hofuc ho Iehova? e so e hwâdâ thö walang ang.

Ezekiela 11:3

haingödru, ka habe, E ca hakekeny bi ûen he ka op uma: haba taun ang, me helâ me öt, ke ota ang ta je utiö.

Malaki 2:17

Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 24:28

Haba hnen ta je komok, me wale dok ame ûkhacaköu ta je aeto hnyin.

Mataio 24:48

Ke a ne ha athnyaba ae kong eû hnyi hnyekon, ka habe, E tiga bec Tuhok;

Mareko 10:6

Ke haba adrem hwân dö hnyi hna op ta ûnyi, e ame wiʼ ödru baga me momo.

Mareko 13:19

Anyin ame he ka hu vec hnyi je bong eling, ae ba helâe hnyi hwân hna op ta je ûnyi hia, waleji a op hnen Khong ke ne o but walang ang, ke ba minya ame he ka helâe.

Luka 12:45

Ke a ne ha athnyaba eling eû hnyi hnyekon, ka habe, E tiga bec tuhok; kʼ ame ne hwân he ka kot je athnyaba obaga me omomo, me he ka han me ic, me ic monu;

Ta je huliwa 7:60

Ke e ame cibouca, me fuc hwege goranyai, ka habe, Than lö, ca bi hwaban kodra monu eang. Ke a hia but ha e, e ame mokut ut.

I. Thesalonika 2:19

Anyin a ieû anyihmun geju, me senyin, me koronainy hobelöûî Ca öbun bi hnyi hnyimakan Tuhöta Iesu hnyi ûen e ame he ka manen hmetu?

II. Peteru 3:12

me tavat halubahingen me webun he ka o but bong bongon Khong, wale ame he ka thong drany me me he ka oköiâ e, ke ame be ka köiö but ge kahwa ae gan hmâ ta je ûnyi hia thithö?

Hna Omanenâ 3:14

Ke sihnalimen ju ka angela anyin ekalesia hnyi Laodikea, ka habe, Walang ta je ûnyi ame ha hnen Amen, at ohnatho ae hnathu me wisa, waleji a at a hwân ta je ûnyi hia thithö a op hnen Khong: