II. Peteru 2:2 - Iaai Bible 1901 (New Caledonia)

² Ke se hia tavat adre me he ka hnu hoton anyidra hwen iwadedök; me adre me he ka haikongoâ hnathu ûnyi gadra.

II. Peteru 2:2 Iomraidhean Croise

Genese 19:5

ke adre me hawo Lota me ha, ka habe, Ewa li at eja ödre o köu sahac? Hum ödru but köhmun e me ûkhanöhmunköu thö.

Salamo 18:21

Anyin oge hia but vheno je gethen de Iehova, Ke oge me ca saû degec monoâ Khonguk.

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Mataio 22:16

Me adre me kunâ kâu latödrin, ke je Herodiane minya, me ha, ka habe, At ûne lö, e khanʼ ohmun dut a u at ae hnathu, a at ame ûnö hnatho gethen deny Khong, ke u me ca outen at, anyin a u me ca ûnykûme bi hnyimakan at.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Mataio 7:14

Ke hnek homa-göule ke ûhnyûkong gethen ka hnyi möt, ke wakhalet thibi tavat adre me wâ e.

Mareko 12:14

Ke ödrin e o but, me haingödrin kâu, ka habe, At ûne lö, e khanʼ ohmun dut a u at ae hnathu, ke u me ca outen at: anyin a u me ca ûnykûme hnyimakan at, ke u at ame nâ hnatho gethen deny Khong; hawa, e ûcû he ka fat kö Kaisara, hawa, hna ju?

Mareko 13:22

anyin ame he ka o ta je Keriso thoi, me ta je perofeta thoi, ke adre me he ka omanenâ ta je haten me ta je ûnyi hnân lâiâ, mʼ adre me he ka omono tavat adre ûca, a ne ca pason.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ta je huliwa 13:10

me ha, ka habe, At ae unöngötö ge je thoi hia, me monu, u nokon diabolo, ke iwahnaihmiony me hwakecin hia ae wisa, hawa, u me ca menâ he ka ohwalö je hwakecin hia ae wisa anyin Than?

Ta je huliwa 14:2

Ke haba hnyat Juda a tavat adre me ca ûling, adre me cubec me ohmönyinâ hnyekon aten ta je hnyei ka je liamekeiny.

Ta je huliwa 16:17

Kʼ ame he hotu Paulo hlu eling, me ohmun, kʼ ame ha hwegiâ, ka habe, Lathnyabainy Khong ae beönua hnyat ang, tavat adre me haimemenâ köbun gethen deny möt.

Ta je huliwa 18:26

ke e ame hwân ka ha hwegiâ hnyi sunago. Ke ame long hwan ga Perisila me Akula, me ödru me hawa e, me omanenâ wia kâu bongon gethen deny Khong.

Ta je huliwa 19:9

Ke e khot hnyekon keihen, kʼ adre me ca ûling, kʼ adre me haikongoâ hmi eling hnyi hnyimakan tavat, me e ame he but gadra, me hom minya laten, me e ame ha hofuc hnyi je bong hnyi uma ûne umo Turano.

Ta je huliwa 22:4

ke oge me okongoâ hmi ang, me hlingʼ ödra, me cʼ ödra me ip ödra obaga me omomo hnyi uma ceat.

Ta je huliwa 24:14

Ke wale bi ang hnok hna he ka haimemenâ köu, a inya oge me hmi ka Khongon lakamöhmun hoton deny adre me ha heretikon, ke oge me kap ta je ûnyi hia adre sihnalimen hnyi hnanyibu me je perofeta:

Roma 2:24

Anyin adre me haikongoâ ien Khong hnen Aten ke je hnyei can bi öbun, helâ me hna sihnalimen.

I. Timoteo 5:14

Anyin a wale inya oge me wek e me he wasafac hmai ka faipaipo, me hnokoâ lakudrin, me tuö hnyabadrin, me me ba can he ka haikongoâ hnen iwahnaihmiony:

Tito 2:5

me hnyokâ wisa, me kalaöt hnyekudra, me tavat huliwa hnyi hnyaba, me hwakecin ae betenge, me löng hoton laöiödra, e me ca he ke at ka haikongo bi hofuc hwan Khong:

Tito 2:8

me hofuc ae metâ, ke ca khanʼ ödra he ka haikongu ödra; me me hmehma but at ame ûö bi ûnyi, anyin ae ba ke ûnyi ae monu hnân he ka hai öta.

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

II. Peteru 2:12

Ke haba tavat ang, me helâ me ta je meno ae ba hnyekudra, kʼ adre hnöku ödra helâ me omeno hnân noc me hlingâ, adre me haikongoâ ta je ûnyi ae ca khanʼ ödra, ke adre me he ka hamödra hia hnyi hnödra hna ohia,

II. Peteru 2:15

ödra hnyat adre me hna degecâ gethen ae wisa, kʼ adre me he monu, kʼ adre me hnu hoton gethen de Balaama nöku Beora, waleji at ame hnyokâ hwaban hwakecin ae ca wisa;

II. Peteru 2:18

Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;

II. Peteru 2:21

Anyin ae so kodra adre ne ca bia but wâhmakhmetoâ getheniny hwakecin ae wisa, hon hnödra hna wâhmakhmeto, me hmetuhmetu ûnyi hnyi hnanyibu ae kap adre me ham kodra.

II. Peteru 2:7

ke ame omeli Lota at ae wisa hwakecin, ame vec hnyekon ge hwakecin tavat ae kong ae ikiki

Juda 1:10

Ke haba ödra ang, me adre me hiakongoâ ta je ûnyi ae ca khanʼ ödra: ke haba ta je ûnyi ae khanʼ ödra hoton unyin, helâ me ta je meno ae ba hnyekudra, me adre me hângʼ ödra hnyi ta je ûnyi e.

Juda 1:15

he ka bi hwaban ka tavat hia thithö, me he ka ohwâdâ ka tavat adre ca outen Khong, anyidra ta je huliwa ae ca ûcû ka Khong, waleji adre ânyâ me ca ot ka Khong, me ta je hofuc ae hwahwacit waleji a ha gan tavat ae kong adre me ca outen Khong.

Juda 1:4

Anyin ame dit duöug keihen, a hnyat adre ip ehac hnân hobi kâu hnaûhango eang, hnyat adre me ca outen Khong, kʼ adre me wia ibetengiö baû anyin Khong ka hnyi hwakecin ae ikiki, kʼ adre me ivinöâ Tuhöta a khaca a Than Iesu Keriso.

Juda 1:7

Helâ me Sodoma me Gomora me je taun igigilo adre me tha hwakecidra me bi ûnyi monu, kʼ adre me hnu hoton ke je unyin bi, me adre me ip ödra hnân haten, kʼ adre me hângʼ ödra ka hnyi meic ame ca he bi ka mok.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.

Hna Omanenâ 13:14

Ke e ame iyawâ tavat adre me labâ hmeledrany ge ta je haten adre hna kâu he ka ânyâ hnyi hnyimakan meno; ame ha ka tavat hnyi hmeledrany, a adre me he ka theatâ me me we meno, waleji ae hu aat ge hele vat, kʼ ame möt.

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.