II. Peteru 1:3 - Iaai Bible 1901 (New Caledonia)

³ anyin a e ame hia but ham köta ta je ûnyi hia hnyi möt me hwakecin ae ûcû me Khong, hnen maniny man, ûnyi ge hna wâhmakhmetoâ e, at ame ha öta ge anyin hmanenang me hnyok so;

II. Peteru 1:3 Iomraidhean Croise

Salamo 110:3

Haba lakem adre me he ka hudo me hnyekudra bi hnyi bonginy manâm man; Hnyi ta je hmanenang ae kap ûnyi hnyi tangen hnökuiny haolany, E bi unyâm dân hauiny ânyâm hidröu,

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Ta je Vejec 12:4

Haba momo ae so hwakecin, me korono anyin âiân: Ke haba momo ame ohmehma, me helâke amam but ta je jeien.

Ta je Vejec 31:10

Ie at ame wâ momo ae so hwakecin? E beönua hwaban e hon je penina.

Ta je Vejec 31:29

E se hia omomo ae so hwakecidra, Ke u beönua hudrin hia.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Roma 8:32

Hawa, ame ca he ka ham bâûâ köta ta je unyi hia, hnen at ame ca behânâ Nokon, kʼ ame hna but e hobi köta hia?

Roma 9:24

wale öta, hnyat e ame hawʼ öta minya, a ca hake at Juda thibi, ke Aten minya bi ta je hnyei?

I. Korinito 1:9

Haba Khong, me hnathu, waleji at ame hia but hawʼ öbun he ka tha e me Nokon a Iesu Keriso a Tuhöta.

II. Korinito 12:9

Ke e ame ha könya, ka habe, E ûcû köu anyik ibetengiö baû: anyin adre obekhötâ manik man hnyi sēnyin. Anyin a wale oge me sēnyin gan hmâ he ka hobeluâ hnyi anyik je sënyin, me me tubi nya hnen man manin Keriso.

Efeso 4:1

ANYIN a wale inya at adre cö nya can Than, inya oge me khöu köbun he ka he hoton hna hawʼ öbun ka hnyin,

Efeso 4:4

Khaca thibi unyin, ke khaca thibi Hanu, helâ me hnödra hna hawʼ öbun hnyi geju a khaca waleji adre hawʼ öbun ka hnyin;

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

Filipi 4:8

Hnyat me lakeiny lö, walang obiny, ka habe, haba ta je ûnyi ae hnathu, me ta je ûnyi adre me haisoâ, me ta je ûnyi ae wisa, me ta je ûnyi ae kalaöt, me ta je ûnyi ae hmanenang, me ta je ûnyi ae lung so; ke a ne ke hwakecin ae so, me ke ûnyi hnân ogânâ, ûnykûme ju öbun ta je ûnyi e.

Kolose 1:16

anyin adre op ta je ûnyi hia thithö ûnyi gan, ta je ûnyi ethö hnyi drany me eang hmeledrany, ta je ûnyi ae manen, me ta je ûnyi ae ca manen, me ta je theron, me ta je dokhu, me ta je musi, me ta je man; adre hia but op ta je ûnyi hia thithö ûnyi gan, me hobi kâu;

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

I. Thesalonika 4:7

Anyin a ca hawʼ öta Khong ka hnyi hwakecin ae ikiki, ke hnyi hwakecin bi ae kap.

II. Thesalonika. 2:14

Waleji e ame hawʼ öbun ka hnyin hnen anyihmun ûthumetu ae so, me öbun e he ka hu hmanenanginy Tuhöta Iesu Keriso.

I. Timoteo 4:8

anyin ae ûhnyûkong troban huliwa hnyi unyin; ke so bi, haba hwakecin helâ me Khong, me bu troban hnyi ta je ûnyi hia thithö, e hu hna ha bânâ hobi kâu möt walang ang, me möt minya bi nyiele.

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

I. Peteru 1:15

öbun e he ka kap hnyi ta je hwakecibun hia helâ me ûkapiny e at a hawʼ öbun;

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.

I. Peteru 2:21

Anyin adre hawʼ öbun kâ e: anyin a Keriso ame hom vec minya hobi köbun, me ham köbun tulut, mʼ öbun e he ka cet hwadeny li hnyeûcan:

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Peteru 3:9

ca bi hwaban monu ge monu, me ûjao ge ûjao; ke so bi hahnahicâ; anyin adre hawʼ öbun kâe, mʼ öbun e he ka hnahic.

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

II. Peteru 1:10

Anyin a wale, hnyat me lakeiny lö, hwege thʼ öbun he ka ohwâdâ hna hawʼ öbun, ke hna ûcʼ öbun: anyin a öbun e ne ânyâ balua ta je ûnyi e me öbun e ca he balua ka thö:

II. Peteru 1:2

e so adre osehia unyibun ibetengiö baû me ûsoköu hnyi hna wâhmakhmetoâ Khong me Iesu Keriso a Tuhöta;

II. Peteru 1:5

Eke, can thibi e, e so öbun e he ka ti hwege hnyi je huliwa hia, me bi hanen hnyok ae so ka hnyi anyibun labageju; me bi hanen metâ ka hnyi hnyok ae so;

II. Peteru 1:6

me bi hanen hom ûhnyûkongo ka hnyi metâ; me bi hanen hokhnyok ka hnyi hom ûhnyûkongo; me bi hanen hwakecin ae ûcû ka Khong ka hnyi hokhnyok;

II. Peteru 1:8

Anyin a ne e unyibun ta je ûnyi e, kʼ ame ne se, me wale ame he ka wiʼ öbun mʼ öbun e ca hnyat baû bi, ke ca hnyat bi adre me ca wâ, hnyi hna wâhmakhmetoâ Tuhöta Iesu Keriso.

II. Peteru 2:20

Anyin adre ne hia but kec ûnyi hnyi ta je ûnyi ae kong hnyi hmeledrany ûnyi ge hnödra hna wâhmakhmetoâ Than At ûhomeli a Iesu Keriso, ke adre me vhet hmetu hnyin me hom ûhnyûkongo, awe, e kong obiny hynat eling hon can.

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.

Rutha 3:11

Ke walang nokuk i u ma ca ot; oge me he ka ânyâ hobi köu helâ me hna ha gam, anyin a wâ but taun hia anyin lahanök a u momo ae so hwakecin.