Hosea 2:3 - Iaai Bible 1901 (New Caledonia)

³ wâ oge nye uny jut anyin je ûkhaû, me hna but e, helâ me hnyi bong e ame o hnyin, me wia e me me helâ me hnyebuba, me ip e helâ me hnyei ae hwahwacit, me hlingâ e ge beic;

Hosea 2:3 Iomraidhean Croise

Esodo 17:3

Ke haba tavat adre me beic eling; kʼ ame etrö Mose tavat me habe, Ieû gam u je hum ohmun ûhehmun Aigupito he ka hlingʼ ohmun me lakuhmun me halehmun je meno ge beic?

Isaia 33:9

Ame tenge me sēnyin hnyei: e hmehma Lebanona, ke meleca thö: ke ûcû but Sarona me hnyebuba; ke ame öbubuny Basana me Karemela.

Isaia 47:3

Ame he ka manen ânyâm hmehma, eke, adre me he ka wâ unyâm: oge me he ka bi hwaban, oge me ca he ka betenge ge ke at.

Isaia 64:10

A hnyot ut ânyâm je taun ae kap, a hnyot ut Ziona, e ba but wan hnyi Jerusalema.

Jeremia 12:10

Haba tavat tuö mamoe ae se hia, adre hia but ohia ik hnyei vine, adre hia but ututo jekhöûk, me wia jekhöûk ae kese hnân hnyebuba ae ba wan.

Jeremia 13:22

Ke u je ne ha eû hnyi hnyekom, ka habe, Can ieû ame o könya ta je ûnyi ang? can ûganiny hwakecâm ae kong adre hai obiny ânyâm ûkhaû, me adre me okongoâ ohmâiny li cam.

Jeremia 13:26

Anyin a wale oge me he ka hai obiny ânyâm ûkhaû ka hnyi hnyimâkâm, me e me manen hnân ohmehmai a.

Jeremia 14:3

Ke haba je tuhödra, me adre me kunâ je lakudra ka hnyi ta je an: adre me o but ka hnyi ta je thop, kʼ adre me ca wâ bi köiö; adre me hmetu me belidra je kaia ae hme: adre me hmehma me hlohlo, me tube je bödra.

Jeremia 17:6

Ke e ame he ka helâ me ûö ae ba lan hnyi hnyebuba, ke ame ca long bi, e ka o so; ke e ame he ka labā je dok ae hwahwacit hnyi hnyebuba, hnyei ae sâlt, ke ca hnân labā.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Jeremia 22:6

Anyin a walang hna ha hnö Iehova ge uma umen than Juda, ka habe, U Gileada könya, ke ban Lebanona: ke so bi, e hnathu, a oge me he ka wiö u me hnân hnyebuba, je taun ae ba aten.

Jeremia 4:26

Oge me wâ, ke wâ bi, a hnyotö ta hnyei ae so, ke adre me hagutâ but je tauniny hia hnyi hnyimakö Iehova, hnyi hnyimakan anyin hmonyin ae kahwa.

Jeremia 51:43

A hnyot ut anyin je taun, hnyei ae hwahwacit, me hnyebuba, hnyei ae ba at ame he ka labā, kʼ ame ca he hnyin ke nokon at.

Jeremia 51:5

Anyin a ca degec Isaraela me Juda hnen Khongon, a Iehova tuhan sabaoth; eja ke ne a ne unöngöt idra hnyei ge hulo ka Kabi Isaraela.

Ezekiela 16:22

Ke haba hnyi hwakecâm ae ikiki me ânyâm je bi ûnyi monu hia, me u je ca ûnykûme je bonginy hlu a u, hnyi ûen ae ba ûkhaû, ke u me mokut thu, me seset hnyi drâm.

Ezekiela 19:13

Ke walang ang, adre tä e hnyi hnyebuba hnyi hnyei ae atec he ba köiö. Ke ame he but meic ûnyi hnyi utoiny je anginy, me thong wan, ke ba hmetu bi unyin ke anginy ae hwege hnân ciny musi. Wale tenge, kʼ ame he ka e bi hnân tenge nyiele.

Hosea 13:15

Eja ke ne a ne se hia but e unyin je liamekeiny, ame he bi ka o ang hwei wale ang anyi Iehova unyi hnyi hnyebuba, me me hwahwacit anyin pupua, me hme belen an: e ame he ka soh tang omjeû hia ae hmanenang.

Hosea 2:10

Ke walang ang oge me he ka omanenâ hwakecin ae ikiki hnyi hnyimakan laweny, ke ba at ame he ka hûgûnâ e ûnyi hnyi hnyamok.

Hna Omanenâ 17:16

Ke haba je faoiny a ten u je wâ, ke meno, me wale hnyat ödrin e he ka hûkotiâ momo hnyi gethen, me söh e, me ohethuâ, me an viny, me thong degecâ hnyi meic.

Owisa 15:18

Ke gan hmâ beic kâu me e ame tenge Iehova, me ha, ka habe, U je hna ka athnyabaem hna omelö eang ae gan, ke walang any oge me he but ka mok ge beic, me ta ka hnyi hnyamen tavat adre ca peritomonâ bi.