Genese 1:3 - Iaai Bible 1901 (New Caledonia)

³ Ke Khong ame ha, ka habe, Lany jut: kʼame lany dö.

Genese 1:3 Iomraidhean Croise

Genese 2:4

Walang je bongon ioiny drany me hmeledrany, waleji hnyi ûen adre op li ûnyi e, hnyi bong Iehova Khong ame ânyâ hmeledrany me drany.

Jobu 36:30

Wâ bi, e ame ulolo anyin lany igigilo e; Me khavâ taben köiö ae gan.

Jobu 38:19

Ewa gethen ka hnyi hnyaban melam, Ke haba menekholom, me ewa hnen;

Salamo 104:2

U je tubi u ge melam helâ me ûkhaû; Me ulolo drany helâ me imano:

Salamo 118:27

Iehova Khong, ke e ame hia but omelami ota: Ca ju je hut ge je tö, wale ka hnyi je baitoiny taben hut.

Salamo 148:5

E so adre me he ka ogânâ iö Iehova: Anyin a e ame hûna, me up ödra.

Salamo 33:6

Adre me op drany ge hofuc ho Iehova; Ke ta je ûnyi hia hnyin ge homenâiny hnyimen.

Salamo 33:9

Anyin a e ame fuc, me ame aat: E ame hûna, me ame tethmâ.

Salamo 97:11

Adre ta melam hobi kâu at ae wisa hwakecin, Me senyin hobi kâu tavat hnyok wisa.

Isaia 45:7

Oge me op lany ke oâ lit; oge me ânyâ ûsoköu, ke oâ hulo; inya Iehova at ame ânyâ ta je ûnyi hia thithö eling.

Isaia 60:19

Ame ca he hmetu seûno ka hnân melamâm hnyi lany; ke ame ca he ka omelami u ge melaminy tehi: kʼ ame he Iehova ka olanyi u nyiele balua, ke Khongom a mecâm.

Mataio 8:3

Me e ame inâ but hnyamen me kâlâ, me ha; ka habe, E bewek; u je so but. Me ame ie hia but hnân lepera.

Ioane 1:5

Ke ame umumelam melam hnyi lit; kʼ ame ca kap bi e hnen lit.

Ioane 1:9

Haba melam hnathu, me wale at ame omelamâ tavat hia adre me o ka hnyi hmeledrany.

Ioane 11:43

E ame ha hofuc e, me e ame hongot hwege thö, ka habe, Lazaro lö, didrut.

Ioane 3:19

Ke walang hnaûhango, a ga o but melam ka hnyi hmeledrany, ke weny bi tavat menekholom hon melam; anyin ae kong ut hwakecidra.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

I. Ioane 1:5

Ke walang ûthumetu öhmun e hia but löng ûnyi gan, me haimemenâ köbun, ka habe, Khong thibi melam, ke ba ju ke ong lit unyin.

I. Ioane 2:8

Wale hmetu ang, inya oge me set köbun hnanyibu a teb ûnyi, wale ae hnathu gan me gabun; anyin ame hia tot menekholom, ke ame umumelam walang ang melam ae hnathu.