Filipi 4:8 - Iaai Bible 1901 (New Caledonia)

⁸ Hnyat me lakeiny lö, walang obiny, ka habe, haba ta je ûnyi ae hnathu, me ta je ûnyi adre me haisoâ, me ta je ûnyi ae wisa, me ta je ûnyi ae kalaöt, me ta je ûnyi ae hmanenang, me ta je ûnyi ae lung so; ke a ne ke hwakecin ae so, me ke ûnyi hnân ogânâ, ûnykûme ju öbun ta je ûnyi e.

Filipi 4:8 Iomraidhean Croise

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

II. Samuela 1:23

E tha so me hmanenang Saulo me Jonathana hnyi anyidru möt, Ke adre ca oûsâkâûʼ ödru hnyi mok; Ödru logot hon je aeto, Ödru hwege hon je liona.

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

Salamo 82:2

Ke ne o but kehö öbun e he ka owisa hwalö, Me bi haten tavat ae monu? [Sela.

Ta je Vejec 11:1

IKIKI kö Iehova tulut uhni ae iyawo; Ke e ame senyinâ tulut ae ti wisa.

Ta je Vejec 12:4

Haba momo ae so hwakecin, me korono anyin âiân: Ke haba momo ame ohmehma, me helâke amam but ta je jeien.

Ta je Vejec 16:11

Haba tulut ke tulut uhni ae wisa, me li ûnyi anyi Iehova: Anyin bi huliwa ta je fao hnân tulut eû hnyin tang.

Ta je Vejec 20:7

Haba at ae wisa, wale at ame he hnyi anyin wisa, Me hnahic bi lakon hwaban.

Ta je Vejec 31:10

Ie at ame wâ momo ae so hwakecin? E beönua hwaban e hon je penina.

Ta je Vejec 31:29

E se hia omomo ae so hwakecidra, Ke u beönua hudrin hia.

Ta je Vejec 31:31

Ham but ka momo wan li hnyamen; Ke hamen ta je huliwa anyin momo he ka ogânâ e hnyi je homagöule.

Khumöng Hwanyi Solomona. 5:16

E hnebwia but hnyimen; eke, e ti hmanenang hia. Wahluiny Jerusalema lö, Wale oûnykûmik, ke wale hanok.

Isaia 26:7

E wisa gethen deny tavat ae wisa: u thibi at ae wisa ke u je okhabalaûâ gethen deny tavat ae wisa.

Mataio 22:16

Me adre me kunâ kâu latödrin, ke je Herodiane minya, me ha, ka habe, At ûne lö, e khanʼ ohmun dut a u at ae hnathu, a at ame ûnö hnatho gethen deny Khong, ke u me ca outen at, anyin a u me ca ûnykûme bi hnyimakan at.

Mareko 6:20

anyin a Heroda ame outö Ioane, ame wâhmakhmeto e, a e at ae wisa me kap, me e ame tuö e. Ke hnyi ûen e ame long ifucin, me e ame hlohlo gan hmâ; ke e ame long senyinâ hwan hofuc.

Luka 16:15

Ke e ame ha kodra, ka habe, Öbun tavat öbun e owisʼ öbun bi hnyi hnyimakan tavat; ke khana bi Khong je hnyekubun: anyin a haba ûnyi ame oûnyihnathoâ at, me, ikiki bi ling hnyi hnyimakan Khong.

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Luka 23:50

Ke wâ bi, wale ke at Josefa ien, at ûhnenamö, ke at ae so me wisa,

Ioane 7:18

Haba at ame ha hofuc ka ûnyi gan bi e ame elâm be ka ogânâ e bi: ke haba at ame elâm he ka ogânâ at a kunâ e, e hnathu e, ke ba hwakecin ae ca wisa gan.

Ta je huliwa 10:22

Ke haingödrin, ka habe, Haba Konelio, keneturio, at ae wisa hwakecin, me outen Khong, me hna haisoâ hnen at Juda hia, ame kû kâu hnen angela ae kap he ka hawo u ka hnyi umen uma, me me he ka long hofuc gam.

Ta je huliwa 22:12

Ke haba Anania, at ame outen Khong ae ûcû me hnanyibu, kʼ ame haisoâ e hnen at Juda hia adre me laba eling,

Ta je huliwa 6:3

Anyin a wale, hnyat me lakeiny, ûca thö hnyat a seven gabun, je hnyat adre me lung so, hnyat ae unöngöt ge Hanu Kap me metâ, me ohmun e he ka otilʼ ödrin ka hnyi huliwa eang.

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

Roma 13:3

Anyin a haba tavat musi, me ca hnân ootâ bi at ame mâdrâ so, ke so bi at ame mâdrâ monu. Hawa, e wem u me ca he ka outen at ame musi? ânyâ thö hwakecin ae so, me wale ûnyi ame he ka haisoi u:

Roma 14:18

Anyin a Khong ame senyin ka at ame bi athnyaba kö Iesu Keriso hnyi ûnyi eling, ke ame haisoâ minya hnen at.

Roma 2:29

ke e at Juda bi a helâe eû hnyin; ke haba peritom, e bi hnyi hnyok, me hanu, ke ca e bi hnyi tusi; wale ame ca ogânâ bi hnen at, ke so bi hnen Khong.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 13:7

Ke öhmun e hic ka Khong, mʼ öbun e ca he ka ânyâ hulo; ke ca hnân bi omanenâ a öhmun hnyat ae so, ke so bi mʼ öbun e he ka ânyâ so, ke monu bi öhmun.

II. Korinito 6:8

hnen ogânâ, me oûhnyûkongoâ, hnen haikongoâ, me haisoâ; helâke me hnyat iyawâ, kʼ öhmun hnathu bi;

II. Korinito 8:18

Ke öhmun e hia but kunâ e tha e me ke liamekeiny, waleji adre ogânâ hnyi ta je ekalesia hia hnyi ûthumetu ae so;

II. Korinito 8:21

anyin a öhmun e ûnykûme he ka ânyâ ta je ûnyi hnyi wisa, ca hnyi hnyimakan Than thibi, ke hnyi hnyimakan minya bi tavat.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Efeso 4:25

Anyin a wale, degec ut öbun thoi, ke ve ha ju öbun hnathu ka at ae hakekeny köbun: anyin a öta ang je ong outhunyin ke at me ke at.

Efeso 5:9

(anyin a haba wan melam, hwakecin ae so hia, ke hwakecin ae wisa me hnathu),

Efeso 6:14

Awe, tethmâ ju öbun, kʼ adre oweikʼ öbun ge hnathu, me tube ûlaibun ge ûkhaûen vat, wale hwakecin ae wisa,

Deuteronomi 16:20

U me he ka hnu hoton hwakecin ae ti wisa, mʼ u me möt bi me hu hnyei wale a ham köu Iehova Khongom.

Filipi 3:1

HNYAT me lakeiny lö, walang obiny, ka habe, senyin dö hnyi Than. E ca gan huliwa könya he ka sihnalimen köbun ta je ûnyi a khaca bongon, ke so bi hnân otethmʼ öbun.

Kolose 4:5

E so öbun e he hnyi metâ unyidra eû hnyou, me oûnyihnathoâ ta je ûen,

I. Thesalonika 4:12

mʼ öbun e he ka vheno soâ kodra eû hnyou, mʼ öbun e ca he ka theduoc.

I. Timoteo 2:2

hobi kâu je than, me tavat musi hia; mʼ ate me he ka laba wia me ûsoköu hnyi ta je hwakecin hia thithö ae ûcû ka Khong, me hwakecin ae wisa.

I. Timoteo 3:11

Helâe minya omomo he ka hnyokâ wisa, ca tavat ûhaiö, ke so he ka hok hnyok, me hnathu hnyi ta je ûnyi hia thithö.

I. Timoteo 3:4

at ame muso soâ anyin lap, ke haba lakon, me ödrin e löng hoton me hnyokâ wisa hia;

I. Timoteo 4:12

E so ame ca he ke at ka hmiân ânyâm hidröu; ke u me he ka bi tulut ka tavat labageju, ge hwâm hofuc, me hwaʼ kecâm, me ibetengiö, me labageju, me hwaʼ kecin ae kalaöt.

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

I. Timoteo 5:2

ke haba wasohmaca helâ me je hinyen, me wahlu helâ me je lahaniny, hnyi hwakecin ae kalaöt hia.

Tito 1:8

ke so bi at ame betenge ka ta je atkanyua, at ame hnyokâ ûnyi ae so, at ame hnyokâ wisa, kʼ ame owisa wisa, at ae kap, kʼ ame ka hom ûhnyûkongo e bi;

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Tito 2:2

ka habe, hamen wahingat he ka hmâkâ, me hnyokâ wisa, me wâ wia, me hwege hnyi labageju, me ibetengiö, me hokhnyok.

Tito 2:7

oma-menö u thö hnân tulutiny ta je huliwa ae so, hnyi ta je ûnyi hia; e so e manen bi hwakecin ae fâfâ hnyi hnâm hna ûne, me ûnykûme wia,

Tito 3:14

E so e he minya tavat unyita he ka nâ ka ânyâ ta je huliwa ae so, me me hu ta je ûnyi ae ûnyi hnathu, wâ adre nye ca wa but.

Heberu 11:2

Ke ame lung so wahingat ehac can e.

Heberu 13:18

Hic dʼ öbun hobi kohmun: anyin a öhmun e ûnykûme ae hu but gahmun ûnykûm sa ae so, ke wehmun he ka so hwakecihmun hnyi ta je ûnyi hia thithö.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Peteru 4:8

ke hon ta je ûnyi hia, e so öbun e ibetengiököu; anyin ame he ibetengiö ka tube ta je hulo ae se hia.

II. Peteru 3:1

HNYAT a oûnykûmik lö, walang tusi a loiny inya oge me sihnalimen köbun; ke haba hnyi li tusi a lo hia, me oge me sihwegiâ je hnyekubun ae hnathu me oûnykûmi öbun;

I. Ioane 3:18

Je wanakat lö, ca he öta ka betenge thibi ge hofuc, me bohmen; ke so bi hnyi huliwa me hnathu.

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

Rutha 3:11

Ke walang nokuk i u ma ca ot; oge me he ka ânyâ hobi köu helâ me hna ha gam, anyin a wâ but taun hia anyin lahanök a u momo ae so hwakecin.