Filipi 4:7 - Iaai Bible 1901 (New Caledonia)

⁷ Ke haba ûsoköu ûnyi ge Khong ûnyi ae nua hon ta je ûnykûme hia, ame he ka tuö je hnyekubun me je ûnykûmenöbun hnyi Keriso Iesu.

Filipi 4:7 Iomraidhean Croise

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Jobu 22:21

Imetenyimwi thö me walang ang, mʼ u me hnahic ut: Me ame he ka o köu ûnyi ae so.

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Salamo 29:11

Ame he Iehova ka ham hwege ka lakeiny; Ame he Iehova ka ohnahicâ lakeiny ge ûsoköu.

Salamo 85:8

Oge me he ka long hna ha hnen Khong ae Iehova: Anyin a e ame he ka ha ûsoköu ka lakeiny me anyin wakap: Ke so adre me ca he hmetu bi ka hwakecidra ae monu.

Ta je Vejec 2:11

Ame he ka ō u hnen ûnykûme, Kʼ ame he ka tuö u hnen wâ ûnykûme:

Ta je Vejec 4:6

Ca hna degecâ bi, me e ame he ka tuö u; Betenge ju gan, me e ame he ka omeli u.

Ta je Vejec 6:22

U je ne he, e ame he ka su u; U je ne mokut, e ame he ka tuö u; U je ne hmak hmetu, e ame be ka ûhnenamö möu.

Isaia 26:12

Iehova lö, u me he ka otilâ ûsoköu hobi kohmun: anyin a u je hia but ânyâ hobi kohmun anyihmun ta je huliwa hia thithö.

Isaia 26:3

U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

Isaia 45:7

Oge me op lany ke oâ lit; oge me ânyâ ûsoköu, ke oâ hulo; inya Iehova at ame ânyâ ta je ûnyi hia thithö eling.

Isaia 48:18

Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

Isaia 48:22

Haingö Iehova, ka habe, E ba hnahic ge tavat ae kong.

Jeremia 32:16

Ke iny ka hia but ham tusiny ûcû kö Baruka nöku Neria, me oge me hic kö Iehova, me ha, ka habe,

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Numera 6:26

Ame he Iehova ka ogöranyâ hnyimakan hom, me ham köu ûsoköu.

Luka 1:79

He ka omelamâ tavat adre me laba hnyi lit me hmenon mok; He ka su ta je cata ka hnyi gethen ae hnahic.

Luka 2:14

Ogânâ thö Khong ae nua ethö görany; Ke haba hnyi hmeledrany hnahic unyin tavat wale e ame betenge gadra.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Roma 1:7

e so e he ka ê unyibun betenge baû me hnahic ûnyi ge Khong a Kamöta me Than Iesu Keriso; ka tavat hia e Roma, je oûnykûmen Khong, me hna hawâ hnân tavat ae kap.

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 8:6

Anyin a haba behnyok ka unyin, me, wale mok; ke haba behnyok ka hanu, me, wale möt, me hnahic:

II. Korinito 10:5

ame hagutâ ta je ûnykûme me ta je ûnyi hia ae görany ame ûö bi ûnyi ûcon wâhmakhmetoâ anyin Khong, me hom hwenbâ ta je ûnykûme hia, me me long hoton Keriso;

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Efeso 3:19

me he ka khanʼ öbun ibetengiö anyin Keriso ae beönua eling hon metâ, me me he ka ounö-ngöti öbun hnen Khong.

Filipi 1:1

INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona:

Filipi 1:2

E so e unyibun ibetengiö baû, me hnahic ûnyi ge Khong a Kamöta, me Than Iesu Keriso.

Filipi 4:19

Ke ame he Khonguk he ka ham ta je ûnyi ae ûcû köbun, hoton hna ûkhöûnâ anyin hmanenang unyin Keriso Iesu.

Filipi 4:21

Oge me italofa me wakap hia thithö unyin Keriso Iesu. Ke ame italofa möbun hnyat me lakeiny eang unyik.

Filipi 4:9

Ke ânyâ thʼ öbun ta je ûnyi adre n öbun kâu, wale öbun e kap, me long, me wâ ûnyi gak: ke ame he ka e unyibun Khongon ûsoköu.

Kolose 3:15

Ke so ame he ûsoköu anyin Keriso ka muso je hnyekubun, waleji adre hawʼ öbun ka hnyin hnyi unyin a khaca: ke oleâ bala ju öbun.

II. Thesalonika. 3:16

Ke so ame he Than, a at ame tren ûsoköu ka ham köbun ûsoköu a e bala bi hnyi ta je hwakecin hia thithö. E so e unyibun hia thithö Than.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Juda 1:1

INYA Juda athnyabai Iesu Keriso, liamekeiny me Iakobo, oge me set ka tavat adre hawʼ ödra, me laoûnykûminy Khong a Kamen, tavat adre tuʼ ödra hobi kö Iesu Keriso:

Hna Omanenâ 1:4

Inya Ioane oge me set ka ta je ekalesia a seven hnyi Asia: E so e unyibun ibetengiö bâu, me ûsoköu ûnyi gan, at a e walang ang, ke kâû adrem, ke ame he ka o; me ûnyi ge ta je Hanu a seven hnyi hnyimakan anyin theron;

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.