Filipi 4:6 - Iaai Bible 1901 (New Caledonia)

⁶ Ca kong hnyekunâ ge ta je ûnyi; ke so bi hnyi ta je ûnyi hia thithö, omanenâ je webun ka Khong hnyi hic me sumat me ole.

Filipi 4:6 Iomraidhean Croise

I. Je Than 8:28

Ke so bi Iehova Khonguk lö, ō u long hic hijin athnyabaem, me anyin sumat, he ka long hwan hwatenge me hic wale ame hic athnyabaem hnyi hnyimâkâm hnyi bong ang:

II. Man Ûlabainy Je Than. 32:20

Anyin a wale haba Hezekia than, me Isaia nöku Amosa perofeta, ödru me hic me tenge hnyi dranyai.

Salamo 51:15

Than lö, u me he ka khong li esongodik; Kʼ ame he hnyimök ka omanenâ hnân oganö u.

Salamo 55:17

Oge me he ka tenge me mâng, hnyi sahac me hnyomakatu, me jebigö: Me e ame he ka long ifucik.

Salamo 55:22

Khûâ but kö Iehova ûnyi u me hmak gan, ke e ame he ka ci u; E ame ca he balua ka hna at ae wisa he ka bwebwet.

Salamo 62:8

Tavat lö, labageju thö kâu hnyi je bong; Hingâlâ but je hnyekubun hnyi hnyimakan: Khong thibi hnöta hnabâ. [Sela.

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Ta je Vejec 16:3

Hna but ânyâm ta je huliwa kö Iehova, Kʼ ame he ka tethmâ hnâm je hna ûnykûme.

Khumöng Hwanyi Solomona. 2:14

Biny a halek lö, u hnyi khekheiny kic, hnyi dok ae nedrong hnyi hwatapkolu, Iny na wâ ju hnyimâkâm, iny na long ju ifucâm; Anyin ae kese hwâm, ke hmanenang hnyimâkâm.

Jeremia 32:16

Ke iny ka hia but ham tusiny ûcû kö Baruka nöku Neria, me oge me hic kö Iehova, me ha, ka habe,

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Daniela 3:16

Me ame thu Saderaka, ke Mesaka, ke Abedenego, me ha ka than, ka habe, Nebukaneza lö, e ca ûcû kohmun he ka thu köu hnyi ûnyi e.

Daniela 6:10

Ke e khanö Daniela but a gʼ adre set ut tusi, me e ame didro ka hnyi umen uma; (ke adre khong je mamalaminy hnyeuleny cico Jerusalema;) ke e ame ibi okun cibouca hnyi je bong, me hic, me ole hnyi hnyimakan Khongon, helâ me hnen bi hna labö khenenâ.

Mataio 10:19

Ke ödrin ka he ka hnʼ öbun dut, ca ûnykûme bi, ka habe, adre me he ka kâmâu hna ha, ke ieû: anyin adre me he ka ham köbun ûnyi hnân he ka ha hnyi ûen eling.

Mataio 13:22

Ke haba at adre tā hnyi wanben ta je ûö ae ûdedö, wale at ame long hofuc, ke ame kû takoû hofuc hnen je vheliny hmeledrany, me je iyawö ge omjeû, me e ame ca wa but.

Mataio 6:34

Anyin a wale ca ûnykûme ûjengoâ bi ge bong nyi: anyin a hamen bong nyi he ka ûnykûme gan bi. E ûcû thibi bong me anyin monu.

Mataio 6:8

Anyin a wale, ca he öbun ka helâ mödra: anyin ae khana bi Kamöbun ta je ûnyi öbun e weny hnyi ûen a öbun tiga ca sumâtâ kâu.

Luka 10:41

Ke haba Than ame thu kâu, ka habe, Maretha, Maretha lö, u me kong hnyekom me hmak ge ta je ûnyi ae se hia:

Luka 12:22

Ke haingen ka laten, ka habe, Waleling me oge me ha köbun, ka habe, Ca mē ûnykûme bi ge anyibun möt, wale ge hnöbun hna he ka han; ke unyibun, wale ge hnobun hna he ka khavâ.

Luka 12:29

Ke ca elâm öbun hnobun hna he ka an me ic, ke ca loloâ bi.

Luka 18:1

E AME ha ûhöûcû ködrin, me me he tavat ka labö hic bala, ke adre me ca he ka sënyin;

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

I. Korinito 7:21

Hawa, adre hawo u, ke u athnyaba? ca ûnykûme ka hnyin: ke e ka khanö u ka he baû, oûnyihnatho thö e.

I. Korinito 7:32

Oge me wek a gʼ ame ca he öbun ka ûnykûme loloâ. Haba at ae ba âiân, me ame ûnykûme loloâ ta je ûnyi anyin Than, ka habe, ama hawa ka osenyinâ Than:

II. Korinito 1:11

kʼ öbun e hnyi hadruâ ûnyi ge hic hobi kohmun; me me ole minya tavat ae se hia hobi kohmun, hnyi ibetengiö kohmun a deny tavat ae se hia.

Efeso 5:20

ke ole bala ju ta je ûnyi hia ka Khong hnyi ien Tuhöta Iesu Keriso;

Efeso 6:18

ke labö hic bala ju öbun geʼ hic me sumat hia hnyi Hanu hnyi ta je ûen hia, me hmâkâ kâe hnen ûjöng hia, me sumat hnân hobi kâu wakap hia,

Kolose 3:15

Ke so ame he ûsoköu anyin Keriso ka muso je hnyekubun, waleji adre hawʼ öbun ka hnyin hnyi unyin a khaca: ke oleâ bala ju öbun.

Kolose 3:17

Ke haba ta je ûnyi hia öbun e ânyâ hnyi hofuc me huliwa, me ânyâ hia thö hnyi ien Than Iesu, ke oleâ ka Khong a Kamen deny e.

Kolose 4:2

E so öbun e hic ûjöng, me hmâkâ e, me ole;

I. Timoteo 2:1

ANYIN a wale, inya oge me nʼ öbun a bân, ka habe, adre me he ka sumâtâ, me hijö, me khöû, me ole, hobi kâu tavat hia thithö;

I. Timoteo 5:5

Ke haba momo a hing safac kʼ ame hake laba, me ame geju ka Khong, me tethmâ hnyi hic me khöû hnyi lit me lany.

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

I. Peteru 5:7

hna but kâu anyibun ta je hmak hia thithö, anyin a e ame ûnykûmi öbun.

I. Samuela 1:15

Haingö Hana ame thu, ka habe, Eba, than lö, inya momo ae vec hnyekon, ke oge ca ic waina bi me grâg, ke so bi oge me hingâlâ hnyekuk hnyi hnyimakö Iehova.

I. Samuela 30:6

Ke gan hmâ hlöuhlöu anyi Davita; anyin ame ûhnenamö tavat he ka lûâ e, anyin ae vec hnyekon tavat hia thithö can je lakudrin obaga me wahlu: ke Davita ame siwhegiâ e bi ga Iehova Khongon.

I. Samuela 7:12

Ke Samuela ame hom ke veto, me otilâ wanben Mizepa me Seni, me hwenyi ien Eben-eza, haingen, ka habe, Iehova ame hadruʼ ota ke ne o but eang.