Filipi 4:3 - Iaai Bible 1901 (New Caledonia)

³ Eke, oge me sumatö u minya at ame hadruo nya hnathu nya, ka habe, hom hadruâ thö omomo tavat adre me tha huliwa mönya hnyi ûthumetu ae so, me jia Kelemene minya, me keihen tavat adre me tha huliwa mönya, a eû hnyi tusiny möt je iödra.

Filipi 4:3 Iomraidhean Croise

Salamo 69:28

E so adre me kot degeci ödra ûnyi hnyi tusiny möt, Ke ca tha sihnalimidra bi me tavat ae wisa.

Esodo 32:32

Ke walang ang, u je ne he ka ikhâlâ anyidra hulö—; ke ame ne ba ö u na he ka kot degeci nya ûnyi hnyi ânyâm tusi u je sihnalimen.

Isaia 4:3

Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema:

Ezekiela 13:9

Ke ame he hnyamok ka ve e me je perofeta tavat adre me wâ ûnyi ae ûnyi baû, me bi khong thoi; adre me ca he ka hnyi hanen ûhnenamö anyin lakeik, ke adre me ca he ka sihnalimidra hnyi tusiny lap anyi Isaraela, ke adre me ca he ka o ka hnyi hnyei Isaraela; ke ame he ka khanʼ öbun a inya Iehova.

Daniela 12:1

KE haba hnyi ûen eling ame he Mikaela ka tot, wale than ae gan at ame tot singiny aten em hnyei: ke ame he ka hu ûen vec, e ba helâe hwân hnyi hna hwenyi ien, me hnyei, ke ne o but hnyi ûen eling: ke hnyi ûen eling adre me he ka omelo aten em hnyei, ödra hia adre me wâ hna sihnalimidra hnyi tusi.

Luka 10:20

Ke ca senyin bi ge hna ling öbun hnen ta je hanu; ke senyin dö ge hna sihnalimen je iöbun ethö hnyi drany.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 16:12

Anyik talofa kö Trufaina me Trufosa, li at ödru me huliwa hnyi Than. Anyik talofa kö Peresi a oûnykûmik, waleji at ame huliwa gan hmâ ka Than.

Roma 16:9

Anyik talofa kö Urbano, waleji at ame tha huliwa möhmun ka Keriso, me Sataki a oûnykûmik.

Filipi 1:12

Hnyat me lakeiny lö, e wek öbun e he ka khana, a haba ta je ûnyi a o könya me adre hia but wia me hnân okûâ ûthumetu ae so;

Filipi 1:16

haba ke keihen, me adre me ânyâ e hnyi ibetengiö, anyin ae khanʼ ödra a gʼ adre ip nya hnân otilâ ûthumetu ae so:

Filipi 1:27

E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so;

Filipi 1:5

anyin a öbun e tha hnyok hnyi ûthumetu ae so, hwân hnyi bong a bân ke ne o but walang ang;

Filipi 1:7

ke e wisa könya he ka ûnykûme köbun hia, anyin a öbun dut eû hnyi hnyik, ke öbun hia öbun e tha hu mönya ibetengiöʼ baû, hnyi hna cö nya, me hnyi hna otilâ me ohmâ ûthumetu ae so.

Filipi 4:2

Inya oge me khöû kö Euodia, ke oge me khöû kö Sunetuke minya, mʼ ödru me he ka tha hnyok hnyi Than.

Kolose 1:7

helâ minya me hna nʼ öbun hnö Epafera at ame tha bi athnyaba mʼ öhmun a oûnykûmihmu, at ame huliwa hnathu ka Keriso hobi köhmu,

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.

Hna Omanenâ 17:8

Haba meno u me wâ, me, ka e bi ehac, ke ba bi walang ang; ke e ame he ka ölö ûheny eû hnyi hmonop ae dit hmonyin me he but ka hnyi hnaûhango. Ke ame he ka lâiâ hnen tavat adre me laba hnyi hmeledrany, tavat adre me ca hia but set je iödra hnyi tusiny möt hwân hnyi hna bi taben hmeledrany, ödra ka wâ meno, a e bi ehac, ke ba bi walang ang, kʼ ame he ka o.

Hna Omanenâ 20:12

Ke oge me wâ wamok, tavat ae gan me tavat ae ûhnyûkong adre me ûtitilen hnyi hnyimakan theron; me adre me khong ut je tusi, ke adre khong ke tusi bi a wale tusiny möt: me adre me hnö wamok ge ta je ûnyi adre sihnalimen hnyi je tusi, hoton anyidra ta je huliwa.

Hna Omanenâ 20:15

Ke e ka manen dut khaca waleji adre ca sihnalimen hnyi tusiny möt me adre me khûâ but e ka hnyi nem a meic.

Hna Omanenâ 21:27

ke ame ca he ka hnyi dit kâe ke ûnyi ae kong, me at ame ânyâ ikiki me thoi: ke hake ödra thibi tavat adre sihnalimidrin hnyi tusi anyin Arenio a tusiny möt.

Hna Omanenâ 3:5

Haba at ame ton, me adre me he bi ka okhaûâ helâe ge je ûkhaû ae hau; ke oge me ca he ka kot degecâ ien hnyi tusiny möt, ke oge me he ka ha ien hnyi hnyimakö Cica, ke hnyi hnyimakan anyin ta je angela.