Filipi 4:1 - Iaai Bible 1901 (New Caledonia)

¹ ANYIN a wale hnyat me lakeiny mönya lö, laoûnykûmik me wek, hnok hna senyinâ, ke anyik minya korona, tethmâ ju öbun helâe hnyi Than, laoûnykûmik.

Filipi 4:1 Iomraidhean Croise

Jobu 31:36

Me oge me he bi nya ka vadren e hon bajebenyik; Me obicâ nya kâu, e me anyik korona.

Salamo 125:1

HABA tavat adre me labageju kö Iehova, Ödra ûcû me bucen Ziona, wale at ame ca bwebwet, kʼ ame tethmâ nyiele balua.

Salamo 27:14

Halubahing Iehova ju: Hwege ju, ke so ame he hnyekom he ka hwege; Eke, e so u ma halubahing Iehova.

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Ioane 8:31

Haba Iesu ame ha ka at Juda, tavat adre me labageju kâu, ka habe, Öbun e ne he ka laba hmâ hnyi hok hofuc, me öbun je latök ae hnathu;

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

Ta je huliwa 2:42

Ke adre me tethmâ hnyi hna ûne hnen je aposetolo, me tha hnyok, me susubâ areto me hic.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

I. Korinito 15:58

Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.

I. Korinito 16:13

Hmâkâ thʼ öbun, tethmâ ju hnyi labageju, hnyok baga thö, hwege thö.

II. Korinito 1:14

helâ me keihen gabun adre me ogʼ öhmun ehac, ka habe, a öbun e hobeluâ gahmun, helâ me hnöhmun hna hobeluâ gabun, hnyi bong bongon Tuhöta a Iesu.

Galatia 5:1

AME hia but hnʼ öta Keriso ka hnyi hna hna bâûâ: anyin a wale, tethmâ ju, ke ca ovheli öbun hmetu bi ge wen hwenbâ.

Filipi 1:27

E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so;

Filipi 1:8

Anyin a Khong ame ohnathu nya ae gan hmâ hnok hna hnyok köbun hia ûnyi hnyi ibetengiö ae gan anyin Keriso Iesu.

Filipi 2:16

me ogöranyâ hofucin möt; me me hu gak hnân hobelöu hnyi bong bongon Keriso, waleji ge hnok hna ca wadring baû, me huliwa baû.

Filipi 2:26

ke e ame ti weny köbun hia, kʼ ame hmak ge hnobun hna long a ga hu mok gan:

Kolose 4:12

Ame italofa mʼ öbun Epafera a hanöbun athnyabainy Keriso Iesu, at ae hwege hic hobi köbun, mʼ öbun e he ka tot wisa, me kap wia hia weny Khong.

I. Thesalonika 3:13

me me he ka otethmâ je hnyekubun ae ba hnyikongon hnyi hwakecin ae kap hnyi hnyimakan Khong a Kamöta, e ka o hmetu but Tuhöta Iesu, tha e me anyin wakap hia thithö.

II. Thesalonika. 2:15

Anyin a wale, hnyat me lakeiny lö, tethmâ ju, ke kât hmâ ju hna hûna waleji adre nʼ öbun kâu, ame ne hofuc, ame ne anyihmun tusi.

II. Timoteo 2:1

ANYIN a wale, nokuk lö, hwege thö hnyi ibetengiö baû a e unyin Keriso Iesu.

Heberu 10:23

e so ate me kât hmâ hmi ate me gejon me ca loloâ bi; anyin ae hnathu bi at ame ha bânâ:

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

Heberu 4:14

Ke hu but gata hing at bihut ae nua, at ame hia but vheno drany ethö, wale Iesu a Nokon Khong, anyin a wale e so ate me kât hmâ anyita hmi.

II. Peteru 3:17

Anyin a wale hnyat a oûnykûmik lö, ö ʼbun âu, anyin ae khanʼ öbun dut ehac wâ öbun nye ta hnyi hnobun hna tet hmâ e, e ka lili öbun ge monu anyin tavat ae monu.