Filipi 3:8 - Iaai Bible 1901 (New Caledonia)

⁸ Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

Filipi 3:8 Iomraidhean Croise

I. Je Than 14:10

anyin a wale, wâ bi, oge me he ka okûâ ûnyi ae kong ka lap anyi Jeroboama, ke oge me he ka subâ degecâ ga Jeroboama obaga hia, a hnyat adre ca, me hnyat adre hna hnyi Isaraela, ke oge me he ka aba degecâ lap anyi Jeroboama, helâ me man at ame aba degecâ tet, ke ne o but ame ba but.

II. Je Than 9:37

kʼ ame he unyi Jezebela ka helâ me tet hon kânâ hnyi hnyei Jezerela; mʼ adre me ca he ka ha, ka habe, Wale Jezebela.

Jobu 20:7

E ame he ka hia balua but helâ me tiny bi tatet: Kʼ ame he tavat waleji adre me wâ e ka ha, ka habe, Ewa?

Salamo 126:6

Eja ke ne a ne tenge tot me tang hatong: E ame he ka hmetuhmetu hnyi senyin me ta je thi hwit.

Salamo 73:25

Anyin a ca hobi könya hnyi drany ethö? Ke ba wek ge at eang hmelen ke hake u ke.

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Malaki 2:3

Wâ bi, oge me he ka thawâ je hatong gabun, me khino tatet hnyi je hnyimaköbun, wale tatetiny halebun je hut; kʼ adre me he ka tha hom degeci öbun më.

Numera 14:30

e hnathu öbun e ca he ka o ka hnyi hnyei waleji oge hai hnyamok he ka olabʼ öbun hnyin, ke so thibi Kaleba nöku Jefune, me Josua nöku Nuna.

Luka 1:43

Ûnyi ua könya ang, a gʼ ame o but könya hinyen Tuhok?

Luka 11:20

Ke oge ne obâ ta je demoni ge banyen Khong, awe, a o but köbun dokhu dokhon Khong.

Ioane 14:20

Öbun e he ka wâ hnyi bong eling a inya eû hnyi hnyi Cica, ke öbun eû hnyi hnyik, ke inya eû hnyi hnyibun.

Ioane 14:7

Öbun e ne wâhmakhmetu nya, mʼ öbun e wâhmakhmetu Cica minya: ke hwân dö ang öbun e wâhmakhmetoâ e, me öbun e hia but wâ e.

Ioane 16:3

Ke adre me he ka ânyâ ta je ûnyi e anyin ae ca khanʼ ödra inya me Kamen.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ioane 17:8

anyin oge ham ködrin ta je hofuc u je ham könya; ke ödrin e hia but kap, ke e khanʼ ödrin wia but a oge o but ûnyi gam, ke ödrin e labagejon hnâm hna kunö nya.

Ioane 20:13

Ke ödru me ha kâu, ka habe, Ke momo lö, ieû u me tenge gan? E ame ha ködru, ka habe, Anyin adre hia but hom Tuhok, ke ca khanö nya dok adre ip e hnyin.

Ioane 20:28

Haba Toma ame thu kâu, ka habe, Tuhok me Khonguk.

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Roma 8:18

Anyin a inya oge me wâ, ae ca ûcû ta je vec hnyi ûen ang, he ka oûcoâ hnahic adre me he ka omanenâ köta.

Roma 8:39

me dok ae görany, me dok ae dit, me ke ûnyi adre hia but op, e ca khana ta je ûnyi e he ka oûsâkâû öta me ibetengiö anyin Khong unyi Keriso Iesu a Tuhöta.

I. Korinito 2:2

Anyin ae mou but eû hnyi hnyekuk ehac, a gʼ ame ca he ka khanö nya ke ûnyi unyibun, ke hake Iesu thibi a gʼ adre osatauroâ ehac.

I. Korinito 9:10

ke hawa, e ame ha e hobi köta thibi? Eke, adre sihnalimen hobi köta: anyin ae ûcû ka at ame trohnen he ka trohnen gejon, ke haba at ame ututo hwit he ka ututo gejon hnen hna he ka hu?

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Galatia 1:16

he ka omanenâ Nokon eû hnyik mʼ inye he ka khetâ e ka Aten ke je hnyei; oge ca ie ûhnenamö me at:

Efeso 4:13

ke ne o but ate me o bia ka hnyi tha hnyok hnyi labageju, me wâhmakhmetoâ Nokon Khong, ka hnyi at hnathu but, ka hnyi tulutiny ûganiny unöngötiny Keriso:

Filipi 1:1

INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona:

Filipi 3:10

mʼ oge me he ka wâhmakhmetoâ e, me maniny möt hmetu a e, me he ka tha hnyok mē hnyi vec, me tha ûcû më hnyi imekiny;

Filipi 3:12

Ca ûnyi bi hnyi hnok hna hu walang ang, ke ca ûnyi minya bi hnyi bekhöt a soik walang ang: ke so bi inya bala oge me hnu hoton, me inye he ka kât ûnyi ame kot nya ka hnyin Keriso.

Filipi 3:7

Ke haba ta je ûnyi ae ûnyi hnathu könya, wale oge me oûnyibâûâ can Keriso.

II. Timoteo 4:6

Anyin adre me hwân walang ang he ka hudi nya, ke ame o thö ang ûen oge me he ka he but hnyin.

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

I. Peteru 2:7

Anyin a wale, haba ûnyihnathuiny, me hobi köbun a hnyat labageju: ke haba hnyat adre me ca labageju, me wale bi ang, Haba veto ame degec hnen tavat up uma, Me adre hia but ânyâ hnân ban kopiny,

II. Peteru 1:2

e so adre osehia unyibun ibetengiö baû me ûsoköu hnyi hna wâhmakhmetoâ Khong me Iesu Keriso a Tuhöta;

II. Peteru 1:3

anyin a e ame hia but ham köta ta je ûnyi hia hnyi möt me hwakecin ae ûcû me Khong, hnen maniny man, ûnyi ge hna wâhmakhmetoâ e, at ame ha öta ge anyin hmanenang me hnyok so;

II. Peteru 1:8

Anyin a ne e unyibun ta je ûnyi e, kʼ ame ne se, me wale ame he ka wiʼ öbun mʼ öbun e ca hnyat baû bi, ke ca hnyat bi adre me ca wâ, hnyi hna wâhmakhmetoâ Tuhöta Iesu Keriso.

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.

I. Ioane 1:3

ke öhmun e omanenâ köbun ûnyi öhmun e wâ me löng, mʼ öbun e he ka tha laba mʼ öhmun: eke, ke öhmun e tha laba me Kamen me Nokon a Iesu Keriso;

I. Ioane 2:19

Adre me he but unyita, ke so bi ca lahanöta ödra; anyin adre ne je lahanöta, me adre me ne hia but tethmâ unyita: ke adre me he but, me me manen dut a ca je lahanöta ödra hia.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.