Filipi 3:3 - Iaai Bible 1901 (New Caledonia)

³ anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Filipi 3:3 Iomraidhean Croise

Salamo 105:3

Ohobeluâ thö hnyi ien ae kap: E so ame he hnyekon tavat adre me elöm Iehova ka hobâ,

Isaia 45:25

Adre me he ka haiwisa ta je mâtrâni Isaraela hia thithö unyi Iehova, ke adre me he ka hobâ.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 9:26

at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Roma 15:17

Anyin a wale e hu gak hnân he ka ohobeluâ ge ta je ûnyi anyin Khong ga Iesu Keriso.

Roma 7:6

Ke walang ang adre hia but thong öta ûnyi hnyi hnanyibu, ke ate hia but mok ka ûnyi waleji ame kot öta; mate me bi athnyabainy hnen hanu a teb ûnyi, ke ca hnen bi tusi adrem.

Roma 8:15

Anyin a öbun e ca kap hanon hwenbâ mʼ öbun e he ka ot; ke so bi öbun e kap hanon hna wia me me lakon, wale mʼ ate me ha, ka habe, Aba, Cica.

Roma 8:39

me dok ae görany, me dok ae dit, me ke ûnyi adre hia but op, e ca khana ta je ûnyi e he ka oûsâkâû öta me ibetengiö anyin Khong unyi Keriso Iesu a Tuhöta.

Roma 9:6

Ke ca helâke ame ûnyi baû hofuc hwan Khong. Anyin a ca tavat Isaraela hia bi ödra hnyi Isaraela:

II. Korinito 11:18

Anyin ae se hia tavat adre me hobeluâ hoton unyin, me oge me he bi nya ka hobelöu.

Galatia 5:25

Ate ne möt hnyi Hanu, awe, e so ate me vheno hnyi Hanu.

Galatia 6:16

Ke haba ödra hia adre me he hoton tulut eang, me so e unyidra me Isaraela anyin Khong hnahic me ibetengiö.

Efeso 6:18

ke labö hic bala ju öbun geʼ hic me sumat hia hnyi Hanu hnyi ta je ûen hia, me hmâkâ kâe hnen ûjöng hia, me sumat hnân hobi kâu wakap hia,

Deuteronomi 10:16

Anyin a wale peritomonâ unen je hnyekubun, ke ca he hmetu bi öbun ka hwege nyin.

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

Filipi 1:1

INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona:

Filipi 3:12

Ca ûnyi bi hnyi hnok hna hu walang ang, ke ca ûnyi minya bi hnyi bekhöt a soik walang ang: ke so bi inya bala oge me hnu hoton, me inye he ka kât ûnyi ame kot nya ka hnyin Keriso.

Filipi 3:14

me wadring hwege ka hnyi haten he ka hu hwaban hna hawo nya ûnyi ethö ge Khong, ûnyi ge Keriso Iesu.

Kolose 2:11

wale at adre me peritomoni öbun unyin, hnen peritom adre me ca ânyâ ge hnyam, wale he ka uny degecâ onyen unyin, hnen peritom ûnyi ge Keriso;

Juda 1:20

Ke haba öbun, laoûnykûmik, up öbun dö goranyai hnyi anyibun labageju ae ti kap, me hic hnyi Hanu Kap,