Filipi 3:2 - Iaai Bible 1901 (New Caledonia)

² Wâ eâu ta je kuli, wâ eâu tavat adre me ânyâ monu, wâ eâu katatom:

Filipi 3:2 Iomraidhean Croise

Salamo 119:115

Ûsâkâûö but mönya öbun tavat ânyâ hulo; Me oge me he ka vheno ta je hnanyibu anyin Khonguk.

Salamo 22:16

Anyin a hia but igigili nya hnen ta je kuli; A hia but theling nya hnen je deo at ae kong: Me dâ li hnyamok me li hnyeûcak.

Salamo 22:20

Omelo ju hanuk ûnyi ge hele vat; Me hnok hna betenge gan ûnyi hnyi hwegien kuli.

Ta je Vejec 26:11

Helâ me kuli ame hmetu ka hnyi hnen hna hmita, Helâe at ae monu, wale ame hmetu ka hnyi anyin hwen monu.

Mataio 24:10

Me ame he ka thö thö tavat ae se hia, me ûalecuödraköu ödra, me bi iwahnaihmiony.

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

Mataio 7:6

Ca ham ûnyi ae kap ka ta je kuli, ke ca khûâ anyibun ta je penina ka hnyi hnyimakan ta je buaka, wâ ödrin nye uto but ge je cadrin, ke hwio me kiʼ öbun.

Roma 2:28

Anyin a ca at Juda bi, ame ne helâe thibi hnyi hoton; ke ca peritotom minya bi ae manen hnyi unyin:

II. Korinito 11:13

Haba hnyat eling, me je aposetolo thoi, a hnyat huliwa iyawo, a ka hamödrin wiʼ ödrin me hnân ta je aposetolo anyin Keriso.

Galatia 5:13

Hnyat me lakeiny lö, adre hia but hawʼ öbun ka hnyi hna hna bâûâ; ke so bi ca he öbun ka wia hna hna bâûʼ öbun, me hnân hobi kâu unyin, ke ibiathnyabaköu ju hnyi ibetengiö.

Galatia 5:15

Ke öbun e ne ûhûlû, me ûönöbunköu, ö ʼbun âu, wâ öbun nye he ka ûohiöbunköu.

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

I. Timoteo 1:19

he ka kât labageju me oûnykûm ae so; waleji ame hna degecâ keihen adre öûâ but anyidra labageju:

Tito 1:16

Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.

II. Peteru 2:22

Ke ame aat dö kodra helâ me ong vejec ae hnathu, ka habe, Ame hmetu thö kuli ka hnyi hnen hna hmita, kʼ ame hmetu thö buaka a ka hia but soû ka hnyi hmudra he ka seset hnyin.

Juda 1:4

Anyin ame dit duöug keihen, a hnyat adre ip ehac hnân hobi kâu hnaûhango eang, hnyat adre me ca outen Khong, kʼ adre me wia ibetengiö baû anyin Khong ka hnyi hwakecin ae ikiki, kʼ adre me ivinöâ Tuhöta a khaca a Than Iesu Keriso.

Hna Omanenâ 2:9

E khanö nya ânyâm ta je huliwa, me ânyâm theduoc (ke u me tren ta ûnyi), me bi gan anyin tavat adre me ha, a ödra tavat Juda, ke ba bi, ke sunago ödra a umo Satana.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.