Filipi 3:13 - Iaai Bible 1901 (New Caledonia)

¹³ Hnyat me lakeiny lö, oge me ca ûnykûme bi a oge hia but kât: ke khaca thibi ûnyi oge me ânyâ, wale oge me hnying ta je ûnyi waleji eû hnyi hotuk, me hnyimakök hwege ka hnyi ta je ûnyi hnyi hnyimakök,

Filipi 3:13 Iomraidhean Croise

Salamo 27:4

Khaca thibi ûnyi oge hia but sumâtâ ga Iehova, kʼ oge me he bala ka elâm e; A oge me he bala ka laba hnyin uma umo Iehova hnyi je bongon hia anyik möt, He ka wâ hmanenangi Iehova, me hnö hnyi umen uma ae kap,

Salamo 45:10

Nokuk hlu lö, long ju, me ûnykûme ju, me tevehlöng ju; E so u ma hnying ut em hnyei me hnyaban kâmâm;

Luka 10:42

khaca thibi ûnyi ae ûnyi hnathu: ke haba Maria ame hia but ûca ke keihen ae so, wale a gʼ adre me ca he ka hom hmetu gan.

Luka 9:62

Haba Iesu ame ha kâu, ka habe, E ba at ame he ka ûcû ka hnyi dokhu dokhon Khong, ame inâ hnyamen ka hnyi hon ûnyi hnân wia kânâ, ke hwio hmetu bi.

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.

Filipi 2:12

Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny;

Filipi 3:12

Ca ûnyi bi hnyi hnok hna hu walang ang, ke ca ûnyi minya bi hnyi bekhöt a soik walang ang: ke so bi inya bala oge me hnu hoton, me inye he ka kât ûnyi ame kot nya ka hnyin Keriso.

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

Heberu 6:1

ANYIN a wale, e so ate me umo hâiâ hna ûne a bân ge bongon Keriso, mʼ ate me he bi ka hnyi bongon ae bekhöt; ke ca he hmetu bi ka ip taben ietra hnyi ta je huliwa ae mok, ke labageju ka Khong,

II. Peteru 3:8

Hnyat a oûnykûmik lö, ca he öbun ka hnying hofuc ang a khaca, ka habe, haba hnyi hnyimakan Than, me bong a khaca helâ me wan thauzan ta je huna, ke haba ta je huna a wan thauzan, me ûcû thibi me bong a khaca.