Filipi 3:11 - Iaai Bible 1901 (New Caledonia)

¹¹ ame ne khanö nya he ka o ka hnyi möt hmetu ûnyi hnyi hna mok.

Filipi 3:11 Iomraidhean Croise

Salamo 49:7

E ca khana bi ke at gadra he ka bi hwaban möt anyin ke liamekeiny mē, Ke ca khana bi he ka ham ka Khong hwaban at eling:

Luka 14:14

ke adre me he ka ohnahici u; anyin ae ca hu gadra ûnyi he ka bi hwaban hmetu köu: anyin adre me he ka bi hwaban köu hnyi ûen möt hmetu a tavat ae wisa hwakecidra.

Ioane 11:24

Haingö Maretha kâu, ka habe, E khanö nya a gʼ ame he ka möt hmetu hnyi ûen möt hmetu hnyi bong a obiny.

Ta je huliwa 23:6

Ke a wâhmakhmeto but Paulo a ta je Sadukaio keihen gadra, ke ta je Faresaio keihen, me e ame fuc hwege hnyi ûhnenamö, ka habe, Hnyat me lakeiny lö, iny Faresaio, nokon Faresaio: kʼ adre me hnei nya ge geju ka hnyi möt hmetu ûnyi hnyi hna mok.

Ta je huliwa 26:7

wale ame ûnykûme anyita je tribu a twelv he ka o ka hnyin, kʼ adre me bi athnyabainy hwege hnyi lit me lany. Than lö, haba at Juda adre me bi fuci nya can gejon eling!

Ta je huliwa 27:12

Ke anyin ae kong wasaû he ka ikhölö hnyin hnyi ûen weneû, me ame ha tavat ae se gadrin ae so he ka kec ûhedra e, ame ne khanʼ ödra he ka khop hnyi Foinike me ikhölö hnyi ûen weneû; wale ke wasaû hnyi Kerete, cicö hwaiöu ke e jio, me hwadro ke e jio.

Roma 11:14

me heleû deny he ka oihu-nyinköuâ lahanök, me omelö keihen gadra a ne khana.

I. Korinito 15:23

Adre me he ka ve tot gaga, a ban Keriso, hwaban e je laten Keriso, e ka o but.

I. Korinito 9:22

Inya helâ me at ae sēnyin ka tavat a ödra sēnyin, me me hmehmelö nya tavat a ödrin sēnyin: oge me hnyi hom ta je hwakecin hia ka tavat hia, me inye hwege thö he ka omelö keihen.

I. Korinito 9:27

ke oge me hom ûhnyûkongo unyik, me thaluâ e: wâ oge nye hia but khetâ ka keihen, ke hwaban e adre me digic nya but.

II. Korinito 11:3

Ke inya oge me ot, wâ e nye okongoâ je hnyekubun ûnyi hnyi hwakecin ae wisa me kalaöt unyi Keriso, helâ me hna iyawo Eva ge on hnen anyin tang iyawo.

I. Thesalonika 3:5

Can thibi e, ke ca khanö nya hmetu bi he ka hok hnyok, me oge ûkhûnöng he ka wâ anyibun labageju, wâ e nye cubic öbun hnen at ûcûbic, me ame he ka ûnyi baû but anyihmun huliwa.

II. Thesalonika. 2:3

ca he ke at ka iyâwʼ öbun bi ge ke ûnyi: anyin ame ca he ka o bong eling, e ka ca bân ka o kolu but a tavat, me adre me he ka omanenâ but aten hulo, wale aten hnaûhango,

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Heberu 11:35

Haba omomo, me adre me kap je kokidra adre omelö hmetu thö: ke haba keihen adre me oveci ödra, ke adre me ca kap bi hna omelö; mʼ adre me he ka hu möt hmetu ae beönua:

Hna Omanenâ 20:5

Ke haba je kolon tavat adre me mokcu, me adre me ca möt hmetu bi ke ne o but ame bekhöt je huna a wan thauzan. Wale möt hmetu a bân.