Filipi 3:10 - Iaai Bible 1901 (New Caledonia)

¹⁰ mʼ oge me he ka wâhmakhmetoâ e, me maniny möt hmetu a e, me he ka tha hnyok mē hnyi vec, me tha ûcû më hnyi imekiny;

Filipi 3:10 Iomraidhean Croise

Jeremia 9:23

Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

Mataio 20:23

Ke e ame ha ködru, ka habe, Öbu me he ka hnyi ic hnyi anyik kaia: ke haba he ka laba hnyi ke keihen metök me mek, me ca hamök bi he ka ham, ke wale hobi kâu thibi hnen Kamök hna penapena hobi kâu.

Ioane 10:18

E ba at ame hûgûnâ e gak, ke inya oge me ham ka ûnyi gak. E hu man gak he ka ham e, ke hu man minya gak he ka hom hmetu. Wale hnanyibu oge me kap ûnyi ga Cica.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Roma 8:17

ke a ne lakon, me ame he ka je mâtrân bi; wale je mâtrâniny Khong, ke tha je mâtrân me Keriso: ate ne tha vec më, mate me be ka tha hmanenang mē.

Roma 8:29

Anyin a haba tavat waleji e ame wâhmakhmetu ödra, me e ame ip ödra minya he ka tha bongudra me tulutiny Nokon, me me atö bi e unyin je liamekeiny ae se hia:

Roma 8:36

Helâ me hna sihnalimen, ka habe, Adre me hlingʼ ohmun hnyi ta je bong can u; Adre me oûcû ohmun me ta je mamoe hnân hlingâ.

II. Korinito 1:10

wale at ame omeli öhmun ûnyi hnyi mok ae gan helâe, kʼ ame he bi ka omeli öhmun: ke öhmun e geju kâu a gʼ ame be bala ka omeli öhmun;

II. Korinito 1:5

E gan hmâ vec ame o kohmun ûnyi ge Keriso, anyin a wale e gan hmâ minya hna okahwʼ öhmun ûnyi ge Keriso.

II. Korinito 13:4

anyin adre me osatauroâ e hnyi sënyin, kʼ ame möt hmetu thö ge man maniny Khong. Ke öhmun e sënyin minya unyin, kʼ öhmun e he ka tha möt më ge man maniny Khong köbun.

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Galatia 6:17

Ke hwân dö walang ang, ca he hmetu bi ke at ka ovheli nya: anyin ae hu bi hnyi unyik je hwadeny a je haten Iesu.

Efeso 4:13

ke ne o but ate me o bia ka hnyi tha hnyok hnyi labageju, me wâhmakhmetoâ Nokon Khong, ka hnyi at hnathu but, ka hnyi tulutiny ûganiny unöngötiny Keriso:

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

Kolose 3:1

ANYIN a wale, adre ne hia but tha omeli öbun hmetu me Keriso, elâm dʼ öbun ta je ûnyi ethö, wale dok ame laba hnyin Keriso hnyi ke keihen a metân Khong.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

II. Peteru 1:13

Ke inya oge me ûnykûme ae so könya he ka sihwegi öbun ge hnok hna oûnykûmi öbun, e me tiga inya hnyi uma menâ eang;

I. Ioane 2:3

Ke walang haten a ga khanʼ öta e, ka habe, ate ne löng hoton anyin hnanyibu.

I. Ioane 2:5

ke haba at ame löng hoton hwan hofuc, me hnathu adre hia but obekhotâ eû hnyin at e hnyok ka Khong. Waleling me me khanʼ öta a öta but eû hnyi hnyekon:

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.